Mathi 7:23 - Angami Naga CL (Re-edited) Bible (BSI)

²³ Sitse a uko ki, ‘A mhakipuorei nie si mowe; nieko mha kesuo kechüko, tuo a therhietacie’, sitatuo.”

Mathi 7:23 Iomraidhean Croise

Chieliko 119:115

Nie kesuo kechüko, tuo a therütacie, a bu a Kepenuopfü diekhakeshüko zelieketuo la.

Chieliko 5:5

Kemiakokezhako n mhinguki thalie lho; no mha kesuo chüyakezha pete ngumecüya.

Chieliko 6:8

Nie mha kesuo chüyakezha khe, a kinu pecietacie; Jihova a kekra pfhe silieketa la.

Mathi 25:12

Derei puo sie, ‘A nieko ki pu toushütuo, A nieko si mowe!’

Mathi 25:41

Süsie puoe puo vitsa kethako ki, ‘Nieko rüse pfüketako, a kinu tuose satan mu puo dielieko la kesepie keba kechachie mi nu votaliecie;

LUK THUKESHÜ DIELIEKEVI 13:25

Süki ki niepuue sie kikha khalieta ro, nieko kitie tha di kikha ketou di, ‘Niepuu, kikha khrüpie hie tsücie,’ itse puo sie nie ki, ‘A nieko kirapuo nu vor shi si mo ho,’ idi kelatatuo.

LUK THUKESHÜ DIELIEKEVI 13:27

Derei puo sie, ‘A nieko kirapuo nu vor shi si mo. Nieko kesuo chüyakezhako tuo a thertacie,’ sitatuo.

Johan 10:14

A tekuo kepfhe keviu zo. A a vieko si mu a vieko rei a si ba,

Timothi Kenieu 2:19

Derei Ukepenuopfü puo bodekeshüu we metei ba zo, mu süu gei: “Niepuu puo thuo puo vieko si ba,” mu “Kehoupuorei Niepuu za kiekeliemia mha kesuo kechü therhietacie,” icü thupie zhü.

Pesikeshü 22:15

Derei tefüko mu themouko siro pierüüko mu mia kedukhriko tsiu terhuorhi kerüsuoko, siro tijükecü mhatho chü u neikezha khe chazoutsa batuo.