Mathi 7:2 - Angami Naga CL (Re-edited) Bible (BSI)

² Kekreilamonyü nie mia pejo ro sümhie nie pejoketuo la, tsiu nie mia gei chükeshü tuoi mia rei nie gei chü lashü zotuokecü la.

Mathi 7:2 Iomraidhean Croise

Samuel Kenieu 21:5

Sitse “Hieko bu Israel kijü pete nu thechü puo nu rei balie lhoü hie pejüwatuoü mu pekawatuoü kesieu

Chieliko 109:17

Puoe mia rüsecü puo nei eru, süu bu puo ki vorcie; siro puoe ja mia tsücü puo nei mo eru, süu bu puo kinu pecietacie.

Toukepra 21:24

themhi sou themhi, thehu sou thehu, thedzie sou thedzie, thephi sou thephi.

Isaya 33:1

Ce, no mha kepekau, kepeka n gei vor kemo-u; no kecürüu, mia bu n sekeda kemo-u! No mha peka moketa nhie, n pekawatuo; mu noe cürü moketa nhie, mia n sekedatuo.

Jeremia 34:17

Süla, Jihovae puya: Nieko mia puopuokecü puo zanuomia mu puo khriethomia khashükecü nu a die ze mote; süla a rei nieko khashüwatuo, Jihovae siya, zhiecha, thepetheruo, mu pekriekecü gei khashüwatuo. Siro kijü kedirüvie pete nie ngu di meriekecü chütuo.

Jeremia 51:24

Siro ae Babilon mu Chaldia nu kelhou themia pete gei zhadavüshütuo ukoe nieko mhinguki nu Zion nu mha kesuo chükeshü pete la, Jihovae siya.

Obadia 1:15

Kekreilamonyü seyie pete petsoutuo ükecü Jihova teisozhau penuo bate. No chükeshü tuoikecü chüpie n gei lashütuo; n mhathoko n tsü gei la vortuo.

Mathi 6:14

Kekreilamonyü nie mia kekrükewa vashü mia tsüwa ro, teigei keba nie Puou rei nie kejo vashü nie tsütuo.

Mark 4:24

Siro puo la sie uko ki, “Nie rünyükeshüko le menuoliecie; nie mejükeshü tuoi mejüpie nie tsütuo; mu sü kezie rei kha sapie nieko tsü zotuo.

LUK THUKESHÜ DIELIEKEVI 6:38

Nieko mha pie mia tsülie, siliro mia rei mha khapie nie tsütuo. Sizomonyü mia mejü pevi phi tsiu nekete mu kesü rei shü tsiu tshuzie rei sa pie nie pfhe nu shüshü nie tsü zotuo; nieko mejükeshüu nunu mia rei mejü pie nie tsü la zotuocü la” sishü.

Korintmiako Kenieu 9:6

Puocau sü hau zo: Kehoupuorei tsia va petsakecüu re tsatuo, mu kehoupuorei tsia va pekrakeshüu re kratuo.

Jakob 2:13

Derei mia ngumezhieya kemomia we ngumezhie mo di puo nyie kecütuo, sirei ngukemezhie-e dienya nu kuolietuo.

Pesikeshü 18:6

Puoe mia gei chükeshü touu chüpie puo gei lashücie, mu puo mhathoko de kenie rei chüpie puo tsü lashücie; tsiu tehieu nu puo pie reikeshü de kenie pie rei lashücie.

Capiko 1:7

Siro Adoni-bezek-e sie, “U dziekrü mu u phikrü dakewa kedi hiethenie a mizhü khronu khutie pacü vor; tsie we ae chükeshü tuoi Kepenuopfüe a gei chü lashüte,” isi. Ukoe puo ze Jerusalem nu vor, mu puoe sünunu siata.

Capiko 5:27

Puoe rületa, puo tetsuta, puo hapfü phi nu mele mo zhüta; puo phi nu rületa, puo tetsuta; puo tetsuketa kinu, puo siata.

Samuel Kerieu 15:33

Derei Samuel-e sie, “N zhiechau geinu thenupfümia nuonuo bie pejükewa tuoi, n zuo rei thenumia donu nuojüpfü chütatuo.” Sidi Samuel-e Gilgal nu Jihova mhodzünu Agag dukhripie khrie phaphawa.