Mathi 7:15 - Angami Naga CL (Re-edited) Bible (BSI)

¹⁵ “Ketijü siedzekesiko la nie kireiliecie, süko tekuo pfhenei se di nie ki vorzhie, derei uko nou we mha tekecü socie kro puo zo.

Mathi 7:15 Iomraidhean Croise

Kediko Kerieu 13:18

Süsie kekreiu puo ki pu di, “A rei n tuoi siedzekesimia mu teigeidielieu Jihova die se a ki pu di: Puo bu mhacümhakrielieketuo la puo ze n ki vorliecie,” sishü. Derei puo puo ki medawa.

Jeremia 29:21

Krodiko Jihova, Israel Kepenuopfüe puya, Kolaia nuou Ahab mu Maseia nuou Zedekia a za nunu ketijü siedzedie pu di: A uko khapie Babilon kediu Nebukadnezar dzie nu shüwatuo, mu puoe nieko mhinguki nu uko dukhriwatuo.

Jeremia 29:32

Süla Jihovae puya. Ae siazha pie Nehelam-u Shemaia tsütuo mu puosepuoyie mia puo bu rei themia hako donu lhoulie lho; a themiako la mha kevi chüshütuoü ketuoko ngulie lho, Jihovae siya, kekreilamonyü puoe Jihova petsoukecü pukeshü la.

Ezekiel 13:16

Israel siedzekesiko Jerusalem dze siedzedie pukecüko kezekevi ba mo rei kezekevi dze ziemho ngu ükecüko, Niepuu Jihovae puya.

Ezekiel 13:22

Kekreilamonyü nie meda di kemiathomia nou chü pesuowate, a sükosü nou chü pesuoshü mo zo ciü, sidi kerüzhümia dzie chü kemeteishü, sidi puo ki rheilieketuo dze pu di, puo bu puo kerüzhü nunu rüdilie kelho chüwa.

Ezekiel 22:25

Puo kedinuokoe losha puo chüte pfhü di mehoketuo mhie zo; uko themia kerheiro mezuliete; uko kinyi mu mhama kereko lieliete; uko samimiapfü kekra chüshüliete.

Ezekiel 22:27

Puo donu keba kezhako sociekoe u chüte pfhü keba mhie zo, thezie pekru tsiu kemeda nunu mevituo üdi kerheiro pekaya.

Daniel 11:34

Siro uko krüketa ki, uko kekhruohi huoyo ngulietuo, mu themia kekra rei mia kese die se di uko ze kezelietuo.

Mika 3:11

Sünu kezhako theso lie di capi chüya, puo zievoko puo zha lietuoü pethaya, puo siedzekesiko raka la die puya; sishierei uko Jihova ki pu di, “Jihova u ze ba ketho zo! mha kesuo puorei u gei vorlie lho,” siya.

Zekaria 13:4

Sünhie siedzekesiko, mia puopuokecü, u ziemhoko se siedzedie pukecü ki mengalietuo; uko miasekedoketuo la pfhemie pie u whese tuolie lho,

Mathi 10:17

Themia süko gei we nieko kireilie; kekreilamonyü uko nie tepie khenu kehouko nu shütuo, mu uko sinagogko nunu nie vütuo.

Mathi 16:11

Kiüdi nieko a niekhrüda kemo puo dze pu keba cau silie mo ga? Nieko Farisiko mu Sadukiko khreiu kitsa nie kireiliecie!”

Mathi 16:6

Sitse Jisu sie uko ki, “Nieko menuoliecie, Farisiko mu Sadukiko khreiu la nieko kirei tuolie.”

Mathi 24:11

Siro siedzekesi ketijü kekra sier di themia kekra se ketsi zetatuo.

Mathi 7:14

Derei kerhei nu kevo kharuu mere tsiu sünu voketuo chau re, mu mia huoyo rübei süu ngulieyakezha zo.

LUK THUKESHÜ DIELIEKEVI 12:15

Sitse puo uko ki, “Menuolie, tsiu mha kemehou pete nu nie kirei sei tuolie; themia kelhou ha puo kinyi kekra keba la rei balieya mo zocü la.”

LUK THUKESHÜ DIELIEKEVI 6:26

“Themia pete nie pu peviyakezhako we ce, chülietie, kekreilamonyü uko puonuoko rei ketijü siedzekesiko gei sükemhie chü vor zocü la.

Johan 10:12

Kuopfhemia kemo, mia bu puo zhakhrü ze ketuou tsiu tekuoko puo vie kemo-u we socie vorkezhü ngukeshü ki puo tekuoko khawa di tataya; sidi socie bu tekuoko telie mu uko phruokecürewaya.

Mhakechüko 13:40

Siro thiedzü siedzekesiko pupie kezhüko bu nieko gei vor molieketuo la nie kireiliecie:

Mhakechüko 13:6

Sidi uko kijü rüchütsokemo pfüthe tsei se Pafos nu vorlie ru sünu Bar-Jisu ükecü Judamia ketijü siedzekesi themoumia puo ze keselie.

Galatiako 2:4

Derei kepele khrava di huomia hie Jisu Khrista ze puo chüketa la hie shüphralieketa dze si nyü di hie kro-u nu hie rücie vor, sidi ukoe hie bu u diemia chütuoü sie,

Efesako 4:14

We nhicumia chü di u ketsi pesuoyakezhako kepetha die mu themia thuo pfhükelie doko bu hepie lutsahatsa vawayakezha dzü rüpfhü mhiei tuolie lhote.

Efesako 5:6

Kehoupuorei bu kemethuokemeruo dieko se nieko sewa hie. Sükemhieko la Ukepenuopfü noupfhü mia die zeya kemo nuonuoko gei vorya.

Filipiko 3:2

Tefüko la nie kireilie, mha kesuo kechüko kinu nie kireilie, u thuo u pechüyakezhako kinu nie kireilie.

Kolosiko 2:8

Mia puo bu rei themia mhasi, themia do, puotsanuo zho mu kijü nu diketuo ruopfüko se nie tepie u die chüwa molieketuo la nie kirei tuolie, sükosü Khrista kinu vor mo.

Timothi Kenieu 3:13

Derei kerüzhümiako tsiu mia seyakezhako u thuo u seya, mu kekreimia rei seya, süko suo miemietatuo.

Timothi Kenieu 4:3

Kekreilamonyü puotei puo vorzhie, kepele die puotoukecü lie mvütaketuo, derei u nyie kemeso la ukoe u thuo u krukecü kepethamia pfhü kengulietuo.

Pitor Kenieu 3:17

Süla a zenuoko, nieko mha hako si batakecü la thezho sanyü kemo kekrükecüko bu nieko khrukhre baketa thau nunu nie teshü seta molieketuo la pecü balie.

Johan Kerieu 4:1

A khrieko, ruopfü kehoupuorei peleta hie, derei ruopfü süko Ukepenuopfü kinu vor mo mo shicü rie menuoliecie; ketijü siedzekesi kekra par kijüu gei tuotacü la.

Juda 1:4

Kekreilamonyü ketho leya kemo huo gou u donu lerketa la, süko Ukepenuopfü kinu kepar ngukemezhieu bie kedipie kerüyo nu shüwate, tsiu süko u Niepuu mu u mhokezha puo rübei zokecüu Jisu Khrista phra mvüya, thiedzütho nu süko pejoketuo thupie tuote.

Pesikeshü 16:13

Siro a kerhu ruopfü se, guorünuo tuoikecü, tinyhüu me nunu, nhachüu me nunu mu ketijü siedzekesiu me nunu parkezhü ngu.

Pesikeshü 17:6

Siro thenu süpfü kemesako zie mu Jisu zhapu chüyakezhako zie krie di meze keba ae ngu. Sidi a puo ngushü tse a ngothorta.

Pesikeshü 19:20

Sitse nhachüu, mu ketijü siedzekesiu, süu mhinguki nu zasiko chüpie nhachüu zasi ngukelieko tsiu puo miarhi kerüsuoko sekelieu rei sa telie. Sidi sünie perhei kelhoupie mitsie tukezhü mizieu nu shüwa.

Pesikeshü 20:10

Mu terhuokesuou, uko sewaketau kelhoupie mizie mu mitsie nu shüwa, sünu nhachüu mu ketijü siedzekesiu rei ba, sünu teizeiteiso telhekechachie uko pechütuo.