Mathi 7:14 - Angami Naga CL (Re-edited) Bible (BSI)

¹⁴ Derei kerhei nu kevo kharuu mere tsiu sünu voketuo chau re, mu mia huoyo rübei süu ngulieyakezha zo.

Mathi 7:14 Iomraidhean Croise

Chieliko 16:11

No kerhei cha thapie a kieya. N keba nu sü kenei ba tsei; n zatsa we kechachie thenou kemvü ba.

Mhasidie 8:20

Ae kemiatho cha nu voya mu ketho capiko nu tuoya:

Isaya 30:21

Siro nie rürei thezatsa morei thevitsa vaketa ki, nie nyie-e nie sietsa nu “Chau hau ho, hanu tuolie,” isi di kepu die puo situo.

Isaya 35:8

Sünu chaü puo batuo, mu süu pie Kemesa Chau üdi kietuo; mesa kemoko sügei rüve volie lho, derei sügei Ukepenuopfü themiako la zotuo; rüvemia puorei, kenyamia zorei sünu tuo kekrütalie lho.

Isaya 57:14

Siro hamhiei di putuo, “Chüshülie, chüshülie, chau keselie, a themiako cha nunu chakha pete biewalie,” ituo.

Jeremia 6:16

Jihovae puya: Nieko chadzako nu tha di, mehoshücie, sidi thiedzü chako ketsocie, cha kevi kezhüra; sidi sünu tuo volie, sitse nie ruopfü la kerülei ngulietuo. Derei ukoe sie, “Hie sünu tuo lho,” sita.

Mathi 20:16

Sükemhie kenuomia rietatuo, mu keriemia nuotatuo.”

Mathi 22:14

Kiepie keba we kra, derei kedakelie we tsacü la.”

Mathi 7:13

“Nieko kharu kemereu ze lelie; kekreilamonyü keka nu voyakezha kharuu meya mu cha süu rüü, tsiu themia kekra süu ze voya.

Mathi 7:15

“Ketijü siedzekesiko la nie kireiliecie, süko tekuo pfhenei se di nie ki vorzhie, derei uko nou we mha tekecü socie kro puo zo.

Mark 8:34

Süsie puo themia kro-u mu puoe pethakelieko sa kiepie puo ki shülie di uko ki, “Themia kehoupuorei a siemedzi kenyümia, sümia bu puo thuo puo meliewa mu puo krus pielie di a siemedziliecie.

LUK THUKESHÜ DIELIEKEVI 12:32

“Michiepie hiecie, nie themia ketsa kro-u, kekreilamonyü nie Puou puo kedi khapie nie tsütuo ükecü puo nei puo medote.

Johan 16:2

Mia sinagogko nunu nieko whuowatuo. Ketho zo, nie dukhrikecümia kehoupuorei ue Ukepenuopfü ki keshü lietho puo chü ba zo ükecü kele tei puo vortuo.

Johan 16:33

Nie bu a geinu nouneu ngulieketuo la a nieko ki die hako pushü ho. Nieko kijü hau nu kemezhie zotuo. Derei thepfulie; a kijü hau ki kuoliete!”

Mhakechüko 14:22

Sünu unie pethakelieko chü kemeteishü mu kepele nu thepfu thalienu di sie, “We Ukepenuopfü kedi nu leketuo la kepechü kekra ze kese morosuo,” idi pethashü.

Rommiako 12:2

Kijü hau rüliko mhieta hie, derei nie nou chü kesapie nie chü pekreilie, sitse nie Ukepenuopfü medo-u silie vi, süusü keviu, lielie kesüu mu vilotsokecüu zo.

Rommiako 9:32

Kedipuo la ga? Kekreilamonyü u kepele sa mo di uko mhathoko geinu ngulie thenyüsieketa la. Uko mia phi kemesü tsieu geinu uko phi mesüwate.