Mathi 7:13 - Angami Naga CL (Re-edited) Bible (BSI)

¹³ “Nieko kharu kemereu ze lelie; kekreilamonyü keka nu voyakezha kharuu meya mu cha süu rüü, tsiu themia kekra süu ze voya.

Mathi 7:13 Iomraidhean Croise

Keriekitho 6:12

Ukepenuopfüe kijüu mehoshü, ru harie, süu suota, kekreilamonyü sünu kelhou pete u thuo u cha nu suoürhu phre tuoketa la.

Keriekitho 6:5

Jihovae kijüu gei themiako rüzhüthorketa mu uko kelekemedoko rei suo seiketa ngushü.

Mhasidie 16:25

Lakipuo cha puo mezhükecü mhie zhüya, derei cha süu thelaue kesia nu kevo chataya.

Mhasidie 7:27

Süpfü ki-e Sheol nu kevo chau zo, kesia kibouko nu tsutazhü zo.

Mhasidie 9:6

Mhale tso kemo zhoko khawa, di lhoulie, mu kesikele cha nu tuoliecie.”

Isaya 1:9

Krodiko Jihovae huoyo lhiepie u tsü motuo ücü we, úko ha Sodom mhie zotuo, mu Gomora mhieta zotuo.

Isaya 35:8

Sünu chaü puo batuo, mu süu pie Kemesa Chau üdi kietuo; mesa kemoko sügei rüve volie lho, derei sügei Ukepenuopfü themiako la zotuo; rüvemia puorei, kenyamia zorei sünu tuo kekrütalie lho.

Isaya 55:7

kerüzhüu bu puo zho vawalie, mu miathokemo-u bu puo nouleko vawalie; uko bu Jihova ki vorlie, puo bu uko ngumezhielieketuo la, puo bu Ukepenuopfü ki la vorlie, puoe vapie tsü phishüketuo la.

Mathi 23:13

“Derei nieko ketherakezhako, Farisiko mu thezhokepethako we ce, chülietie! Nieko mia bu teigei kedi nu leketuo khawayacü la. Mu nie thuo rei leya mo, tsiu sünu letuo ükezhümia rei khawaya.

Mathi 25:41

Süsie puoe puo vitsa kethako ki, ‘Nieko rüse pfüketako, a kinu tuose satan mu puo dielieko la kesepie keba kechachie mi nu votaliecie;

Mathi 25:46

Süsie uko kechachie siazha kechü nu votatuo; derei kemiathoko we kechachie kerhei nu votatuo.”

Mathi 3:2

“Nie noukedilie, teigei kedi penuotei vorketa la.”

Mathi 3:8

Süla thenoukedikelie siu bu rüchü parliecie.

Mathi 7:14

Derei kerhei nu kevo kharuu mere tsiu sünu voketuo chau re, mu mia huoyo rübei süu ngulieyakezha zo.

LUK THUKESHÜ DIELIEKEVI 14:33

Süsütuoi, nieko kehoupuorei puo vie pete khawa kemosie ae pethakeliemia chülie kenjü.

LUK THUKESHÜ DIELIEKEVI 9:33

Siro sünie puo kinu tuotazhü tse, Pitor sie Jisu ki, “Kepethau, úko keze haki ba tse vi zotuo; úko pru se chülie khe, puo n la, puo Mosa la mu puo Elija la,” sita, puoe mhale di die süko pu tha mota.

Johan 10:9

A careu zo, kehoupuorei a geinu keleu kelalie zotuo, tsiu puo tuo ler mu tuo pratuo di puo ca ngulietuo.

Johan 14:6

Jisu sie puo ki, “A chau, ketho-u mu kerheiu zo. A geinu zo kemosie miapuorei Puou ki vorlieya mo.

Mhakechüko 3:19

Süla thenoukedilie di rürei Ukepenuopfü ki vorlie, silie liro nie kephoumako vawatuo,

Rommiako 9:22

Di siro mhanuü Ukepenuopfü puo noupfhü mu puo kekuo pie mia pekieshüketuo la pekawaketuoko gei puo nou cha ba üro mha puote me?

Korintmiako Kenieu 4:4

Süu pele mvüketako la we kijü hanu rhuou bu uko nou chü pezeiwaketa la zo, süko bu dieliekeviu nunu kevor kezieu, zayie chü zokecüu Khristae Ukepenuopfü rhiu ükecü ngulie kelho chüwaya.

Korintmiako Kenieu 6:17

Süla süko therhie parlie, sidi, uko kinu nie chükholiecie, Niepuue siya, sidi mesa kemo puorei nyü hie; silie liro a nieko zelietuo,

Galatiako 5:24

Tsiu kehoupuorei Khrista Jisu vie chüketako chüüphou mu süu rüya menguko sa pie krus geinu gouwate.

Filipiko 3:19

Süko thelau sü keka zo; uko vadi-e uko rhuo zo; mu uko zayie sü thenga kechüu zo; uko nou pie kijü nu vieko rübei le tuoya.

Johan Kerieu 5:19

We Ukepenuopfü nuonuo ücü si bate, mu kijüu pete kerüzhüu kekuo khro ba zo.

Pesikeshü 12:9

Siro tinyhü kezhau, kerieki tinyhüu, puo üse Terhuokesuou mu Satan üya, kijü pete seketsikezhau, puo kelhoupie kijü shüwa, puo sa di puo dielieko kelhouwa.

Pesikeshü 13:8

mu kijüu chükelie mhodzü u za thupie dukhrikewa Tekuonuou kerhei leshüdau nu zhüketako zo kemosie, kijü nu lhouketuo pete süu rüsuotatuo.

Pesikeshü 20:15

tsiu kehoupuorei u za thupie kerheiprü leshüda nu zhü kemoko kelhoupie mizieu nu shüwa.

Pesikeshü 20:3

sidi puo kelhoupie thekhe kesoutho nu shüwa, siro teicie nyie puo tseita kemochie puo bu seyieko se sa molieketuo la süu khawa mu zasi rei vüwa. Hasie puotei keduo yopuo la puo phrei lashütuo.