Mathi 6:5 - Angami Naga CL (Re-edited) Bible (BSI)

⁵ “Siro nieko chakecü ki ketherakezhamia mhieta hie, süko we mia bu uko nguketuo la sinagogko nu mu cha tietshüko nu tha di chakecü u nei phiya. A nieko ki pu toushütuo, süko we u zhakhra nguliete.

Mathi 6:5 Iomraidhean Croise

Chieliko 5:2

A kekra pfhe rünyüshüyi, a kediu mu a Kepenuopfü; a n ki chaya.

Chieliko 55:17

Thevatie rei, tsiu khise mu khinhieluo rei, ae kecha chü mu meloshü; mu puoe a pfhe rünyülietuo.

Mhasidie 15:8

Kerüzhümia ruosuoe Jihova mhodzüki kerütse zo, derei kemezhümia kecha puo neiya.

Mhasidie 16:5

Jihovae kelhieyakezha kehoupuorei rütseya; si touliecie, puo bu siazha chü motalie lho.

Isaya 1:15

Niekoe nie dzie yhakeshü ki, nie kinu a mhi kevietatuo; nieko kecha chü phi zo shierei, a rünyü lho; nieko dzie sü thezie thuo tshu.

Jeremia 29:12

Süsie niekoe a kie di vor a ki kecha kechü ki, ae nie pfhe rünyütuo.

Daniel 6:10

Siro Daniel-e leshüu nu zasi vüshüwaketa si zo ürei, puoe puo kiu nu vo ba zo, sünu kibou peso nu khirkiko khrüpie Jerusalem tsa va ba, sidi puoe hamhodzü chüyakezha tuoi di khunhie va se khoutoutsu Kepenuopfü ki cha mu puo thezieya.

Mathi 21:22

Nieko pelekhru di mhakehoupuorei cha ro ngulie zotuo.”

Mathi 23:13

“Derei nieko ketherakezhako, Farisiko mu thezhokepethako we ce, chülietie! Nieko mia bu teigei kedi nu leketuo khawayacü la. Mu nie thuo rei leya mo, tsiu sünu letuo ükezhümia rei khawaya.

Mathi 23:5

Uko mhachüyakezha pete mia bu nguketuo la chüya; kekreilamonyü uko filateriko chü pezhapfü mu uko pfhephrie rei chü kerütshuse-i tuoya.

Mathi 23:6

Siro uko thehethehieko nu therhubako gei bakecü mu sinagogko nu theba kevithoko gei bakecü u neiya,

Mathi 6:1

“Nie mhatho kevi chükecü ki mia bu ngutuo üdi mia kengu kinu chü molieketuo nie kireilie; kekreilamonyü nie sükemhie chüta ro teigei keba nieko Puou kinu zhakhra puorei ngulie lho.

Mathi 6:16

“Siro nieko mevokecü ki ketherakezhako tuoi nie thesuo siei tuota hiecie, süko zowe mia bu uko mevokecü ngu nyü di uko zie suosiei tuoya. A nieko ki pu toushütuo, uko we u zhakhra nguliete.

Mathi 6:2

“Süla nie mha khapie mia ketsü ki ketherakezhako mia bu u tshetuoü sinagogko nu mu chapfüko nu chüyakezha tuoi nie mhodzünu ketsü kekhou kemhie shie tuo zo hiecie. A nieko ki pu toushütuo, süko we u zhakhra nguliete.

Mathi 9:38

süla lieyie Niepuu bu mhathomia ketsepie puo lie nu shülieketuo la chaliecie,” sishü.

Mark 11:25

“Siro nie kehoukipuorei chatuo üdi siethakelie ki, huomia gei nie nei kemo ba ro vashü tsüwaliecie, sitse nieko Puou rei nie kejokemouko vashü nie tsütuo.”

Mark 12:38

Siro puo uko petha di sie, “Thezhokepethako la nie kireiliecie, uko pfhenei kerütshu se di phere tuoya, lhithochüko nu rei mia bu u rhu di uko kelucü u neiya,

LUK THUKESHÜ DIELIEKEVI 11:43

Harie Farisiko, nieko we ce, chülietie! kekreilamonyü sinagogko nu theba keviko nu ba nyü tsiu lhithochüko nu mia bu nie kelucü nie neiya.

LUK THUKESHÜ DIELIEKEVI 18:1

Siro Jisue dievi nunu uko bu kecha chü sei tuolienu mu u chamezieta hienukecü pu.

LUK THUKESHÜ DIELIEKEVI 18:13

Derei khezhanuo kekhruou kepetse nu tha di tosie teigei rei meholie lho, tsiu puo merü kepfhü di sie, ‘Kepenuopfü, no kephoumau a ha rei ngumezhiecie,’ si tha.

LUK THUKESHÜ DIELIEKEVI 20:47

Uko samipfümia kiko peka cü tsiu puo meviva di cha pecha tuoyakezha zo! Uko mia ki rei u kepejo rekuotuo.”

LUK THUKESHÜ DIELIEKEVI 6:24

“Derei nieko mhakenyiko we ce, chülietie, kekreilamonyü nie mha nie noukeluo nguliete.

Johan 16:24

Nieko tsie ketso a za nunu mhapuorei cha mo zoluo; nieko kenei bu tseilieketuo la chacie, siro nie ngulietuo.

Efesako 6:18

Siro kehoukipuorei Ruopfüu nunu nie mezhiemelo mu cha balie. Sidi kemesako pete la nie terüchü mu khawa mo di cha balie.

Thesaloniako Kerieu 5:17

cha petewa hie,

Jakob 4:6

Derei puo ngukemezhie kha pekrashüya; süla süu dze, “Ukepenuopfü kemiakokezhamia mese chüya, derei ngukemezhie pie kokemoko tsüya.”