Mathi 6:25 - Angami Naga CL (Re-edited) Bible (BSI)

²⁵ “Süla a nie ki puya, nie kelhou hau la kecükekrie dze morei nie mo la pfhemenei se ketuoko le nie nou kemezhie hie. Nie kelhou nie ca ki zhakuo, tsiu nieko mo-u pfhemenei ki zhakuo mo üme?

Mathi 6:25 Iomraidhean Croise

Chieliko 55:22

N pie lhoupie Jihova gei shüwalie, siro puo n se balietuo; puo mhakipuorei kemiathomia bu rünielie lho.

Jeremia 45:5

Mu no, n thuo n la mha kezha pfhüya me? Süko pfhü hie; kekreilamonyü ae mha kesuo pie u chüüphou chükepfü pete gei vortuo, Jihovae siya; derei n kevo thechü kheko nu ae n kerheiro pie terhü zhakhra puo chüwatuo,” siya.

Mathi 10:19

Mia nie tekeshü ki kikidi mha puta morei kedipuo puta, ikecü le nieko nou kemezhie hie, süteiki nie bu kedipuo putie shikecü khapie nieko tsü zotuokecü la,

Mathi 13:22

Siro tsia vapie zohu donu shükewau, themia süu dieu rünyülie, derei kijüu rüliko lepie thenou kenyü chü mu kishükinyi kemehou bu dieu gewa, sidi puo si vülie moketau zo.

Mathi 6:31

Süla nieko we, ‘Kedipuo cü mu krie’ morei ‘Kedipuo dziemeneituo shikecü’ le nie nou kemezhie hie.

Mathi 6:34

“Süla sodu dze le nie nou kemezhie hie, kekreilamonyü sodu thuo sodu rüli medolietuo. Teisonhie puo thuo puo mezhie ba phre.

Mark 13:11

Siro nieko merhashü ze dienyaki nu kevo ki nie kedipuo putuo shicü lepie nie nou kemezhie hiecie, derei puoteiu vor tse nie bu die punukeshüko pie pu zoliecie, kekreilamonyü nie puketuo dieko nie die monyü Kemesa Ruopfü kinu vortuo.

Mark 4:19

derei kijüu rüliko, kishükinyiko kemehou mu kemehou kekrei neiüko bu dieu ge pejüwa di puo si rüchülie motayakezhako zo.

LUK THUKESHÜ DIELIEKEVI 12:11

Tsiu mia nie ze sinagogko nu, kezhako mu kekuokeseko mhodzünu kevo ki nie thuo nie rüguolieketuo la morei kedipuo putuo shicü le nie nou kemezhie hiecie,

LUK THUKESHÜ DIELIEKEVI 8:14

Siro zohu donu ketsuko we dieu rünyülie di lhou za phi tse kelhou nu nounyüko siro kinyiko mu u nei u nyü chükecüko bu u phawa di memielie moketako zo.

Rommiako 8:32

Puo thuo puo Nuou zorei khrie mo di u pete la khashü üro, puoe mha kekrei pete puo Nuou sa khashü u tsü motuo me?

Korintmiako Kerieu 7:32

A nieko bu nie nou rüü bakecü a nei. Kiya kemomia puoe Niepuu kitsa mhatho-u le puo nounyü baya, puoe kimhie ro Niepuu nei chülietuo shicü leya.

Filipiko 4:6

Mhapuorei le nie nou kemezhie hie, derei mhakehoupuo nu rei Ukepenuopfü thezie di nie tsopfhüko pu cha mu melo ba zolie.

Timothi Kenieu 2:4

Themia kehoupuorei chüpahi chü ketuo ki mha kekrei chü u kenyha saya mo; puo bu chüpahi chütuo üdi puo za rukelie kezhau nei chülieketuo la.

Pitor Kerieu 5:7

Nie nounyü pete lhoupie puo gei shüwalie, puoe nie rüli rükrayakezha la.