Mathi 6:2 - Angami Naga CL (Re-edited) Bible (BSI)

² “Süla nie mha khapie mia ketsü ki ketherakezhako mia bu u tshetuoü sinagogko nu mu chapfüko nu chüyakezha tuoi nie mhodzünu ketsü kekhou kemhie shie tuo zo hiecie. A nieko ki pu toushütuo, süko we u zhakhra nguliete.

Mathi 6:2 Iomraidhean Croise

Chieliko 112:9

Ukoe mha methuo kezashüte, uko ketsopfhüko ya chüshüte; süko kemiatho kechachie baya; therhu pie uko kia chü kerükrielieya.

Chieliko 37:21

Kerüzhümiae mha thepulie di su lashüya mo, derei kemiathomia we mia ngumezhie di mha pie mia tsüya.

Mhasidie 19:17

Kejümia ngumezhieyakezhau mha pie Jihova thepuya, mu puoe puo mhatho sou ngu tsei latuo.

Mhasidie 20:6

Themia kekra dietho zo ketha pu phreya; derei supuonie pelelie kesümia ngulie vi ta?

Pethakeshüu 11:2

N vie kezapie thenie morei thetha chüpie balie; kekreilamonyü ketsopfhü kicükipuo kijüu gei vortuo shikecü si mo.

Isaya 10:6

Pele kemo seyieu petsouketuo la a puo ketseshü, mu a noupfhü pfü keba themiako petsou di a puo ki diekhashü, mha ketakelieko mu pekakelieko selie, mu chako nu nyoba tuoi uko kedewaketuo la.

Isaya 58:7

Nie khouka pie kemerümia ze keza, u ki kejü kejümiako ze n ki vortuoü, methuo ketuou ngushü tse, pfhe pie puo wheshütuoü; mu n thuo n siezedzürieko kinu n kevieta motuo ücüu mo me?

Isaya 9:17

Süla Niepuue uko khriesako ngumezhie mota, morei merünuoko mu samipfüko ngumezhie mota, uko pete Ukepenuopfü prei mo mu kesuo kechümia phre, mu uko tie pete kemelo die pu phrecü la. Haicüko la puo nouyie rüdita mo, mu puo dzie yhapie ba zo.

Hosea 8:1

Ketsü pie n tie nu shülie! Jihova kiu gei chürhaü kemhie puo ba, kekreilamonyü uko a dietseidiekho-u bierhuowate, sidi a zho-u varhuowa.

Mathi 15:7

Nie ketherakezhako! Isayae nieko dze siedzedie pu toupie zhü:

Mathi 16:3

Siro khise gei nieko sie, ‘Thie teirütuoü bate, kekreilamonyü tei merie mu zeide-i zhaketa la,’ isiya. Nieko tei zie meho di tei kevikesuo si kekreilieya, derei nieko puotei zasiko we silie kenjü.

Mathi 22:18

Sirei Jisu uko noudo kesuo silie di sie, “Ketherakezhako, nieko kiüdi a kedoya ga?

Mathi 23:5

Uko mhachüyakezha pete mia bu nguketuo la chüya; kekreilamonyü uko filateriko chü pezhapfü mu uko pfhephrie rei chü kerütshuse-i tuoya.

Mathi 23:6

Siro uko thehethehieko nu therhubako gei bakecü mu sinagogko nu theba kevithoko gei bakecü u neiya,

Mathi 24:51

puo da phawa di puo khapie ketherakezhako kro nu shüwatuo; sünu kra mu u hu thegeipie batuo.

Mathi 5:18

Siro a nieko ki pu toushütuo, tei mu kijü jüta kemochie, mha hako peteko chü tseiwa kemochie thezho-u nunu leshükhu puo, “i” yo rei jütalie lho zo.

Mathi 6:16

“Siro nieko mevokecü ki ketherakezhako tuoi nie thesuo siei tuota hiecie, süko zowe mia bu uko mevokecü ngu nyü di uko zie suosiei tuoya. A nieko ki pu toushütuo, uko we u zhakhra nguliete.

Mathi 6:3

Derei nieko we mha khakeshü ki nie zatsa pie khakeshüu nie vitsa bu si hie,

Mathi 6:5

“Siro nieko chakecü ki ketherakezhamia mhieta hie, süko we mia bu uko nguketuo la sinagogko nu mu cha tietshüko nu tha di chakecü u nei phiya. A nieko ki pu toushütuo, süko we u zhakhra nguliete.

Mathi 7:5

No ketherakezhau, n thuo n mhi nu seipeu chüwa periecie, silie liro n siezeu mhi nu puochuyo ngu meyiemeluo di kawatuo.

Mark 12:39

siro sinagogko nu rei theba kevithoko nu ba nyüya mu thehethehie nu rei therhubako nu ba nyüya!

Mark 7:6

Sitse puo uko ki, “Isayae ketherakezhako dze siedzedie pu toushü di thupie kezhü hamhie, ‘Themia hako u tie se a rhuyakezha zo, derei u noue a ze kepecie phi tuo;

LUK THUKESHÜ DIELIEKEVI 11:41

Süla mha nie ki nu kebako khapie mia ngumezhiewacie, siliro nie la mha pete rei mesatatuo.

LUK THUKESHÜ DIELIEKEVI 11:43

Harie Farisiko, nieko we ce, chülietie! kekreilamonyü sinagogko nu theba keviko nu ba nyü tsiu lhithochüko nu mia bu nie kelucü nie neiya.

LUK THUKESHÜ DIELIEKEVI 12:33

Nie vieko zelie di khapie mia ngumezhiewaliecie. Nie thuo nie la suotalie kelho priesabou keseliecie, sidi katalie kelho nie kinyi teigei nu kenguliecie, sünu kerügumia rei vo tsolieya mo, morei shülhe rei cü pejüwalie lho.

LUK THUKESHÜ DIELIEKEVI 12:56

Harie, nieko ketherakezhako! Nieko tei mu kijü zie kevikesuo silieya; siüro kiüdi nieko tsiedo ki rüliko ha puoca silieya mo ga?

LUK THUKESHÜ DIELIEKEVI 13:15

Derei Niepuu puo die kela di sie, “Nieko ketherakezhako! Nie kehoupuorei sabat nhie nie thu morei nie gada puo ki nunu phrei ze vo dzü krieya mo me?

LUK THUKESHÜ DIELIEKEVI 20:46

“Thezhokepethako gei nie kireiliecie, uko u pfhenei rütshuse-icü se di tuo whiketuo u neiya, tsiu lhithochüko nu mia bu uko kelu nyüya, tsiu uko sinagogko nu theba kerükrieko nu ba nyü, mu thehethehieko nu therhubako nu ba nyüya.

LUK THUKESHÜ DIELIEKEVI 6:24

“Derei nieko mhakenyiko we ce, chülietie, kekreilamonyü nie mha nie noukeluo nguliete.

LUK THUKESHÜ DIELIEKEVI 6:42

Morei kiüdi n thuo n mhi nu seipeu ngu mo di n siezeu ki, ‘A siezeu, a bu n mhi nu keba puochuyo kawacie,’ icü pulie vi ga? No ketherakezhau! N thuo n mhi nu keba seipeu chüwa periecie, siliro no n siezeu mhi nu keba puochuyo ngu meyiemeluolie di kawatuo.

Johan 13:29

Huomia sie, Judas-e uko rakabou seyakezha la, Jisue puo ki, “Thenyiu la úko se morokesuoko khrülienucü;” morei mha huo pie mhakejümiako tsünu pu ba nhiecü leta.

Johan 5:41

A themia kinu thetshepfü nyüya mo.

Johan 5:44

Nieko huoniehuo kinu thetshepfülieya, derei Ukepenuopfü zokecüu kinu thetshe pfhüya moliro, nie kikidi pelelie vituo ga?

Johan 7:18

Kehoupuorei puo thuo puo kinu mha puyakezhamia puo thuo puo za pfhüyakezha zo. Derei puo ketsekeshüu bu zayie chü nyüya ro süu ketho zo mu ketho kemo puorei puo nou ba mo zo.

Mhakechüko 10:2

Puoe puo kepele nu pecü phi di puo kikru pete ze Ukepenuopfü khrüprei; siro puo mha pie mia tsü mia za phiya mu sidi Ukepenuopfü ki cha sei baya.

Mhakechüko 10:31

Sitse puo sie, ‘Kornelia, n kecha rünyüliete mu no mha pie mia tsü mia zakecüko Ukepenuopfüe rükra bate.

Mhakechüko 10:4

Sitse puo puo michiepfü puo meho terü di sie, “Niepuu, kedipuo ga?” sita. Puo sie, “N kechako mu n mhazako kerükra vie puo chü si kho Ukepenuopfü mhodzünu tso bate.

Mhakechüko 11:29

Siro pethakeliekoe Judia nu keba kepeleko khruohiketuo la u thuo chülie keviu ketseshüketuo pepilie;

Mhakechüko 24:17

Siro a teicie huo sie nu mha pie a seyieu tsüshütuoü mu ruosuo chütuoü khor.

Mhakechüko 9:36

Siro Jopa nu Tabitha ükecü pethakeliemiapfü puo baya, Grik die nu puo za Dorka. Süpfü mha kevi kechü mu methuo mha pie mia ketsü nu chüsechüya.

Rommiako 12:8

mia tahitarhokecü üro, se mia tarholie, mha khakeshü üro, mephruomevuoi di khashülie, krüta kechü üro, shürhei di chülie; mia ngumezhiekecü üro, u nei siei di chülie.

Korintmiako Kerieu 13:3

A a vie pete pie mia tsüwa, mu a mo-u khashü di thekhriwa shierei, kekhrie ba moro a kepra puorei jü.

Galatiako 2:10

Uko hienie bu kejüketsopfhüko vaphinu di kepu rübei sie mhapuorei cha mo, süu a chü nyü tuoyakecü puo zo.

Efesako 4:28

Kerüguu bu puo rügu khawalie; sikecüumonyü puo bu mhachülie, mu puo dzie se dietho di kralie, siliro puo mha pie ketsopfhümia khruohilietuo.

Thesaloniako Kerieu 2:6

morei hie themia kinu thetshe pfhü mo, nie kinu rei morei kekreimia kinu shierei,

Timothi Kerieu 6:18

Uko bu mha kevi chülie, mhatho kevi bu kra philie, mephruomevuo zolie, mha pie mia tsü mia za nyü sieilienushücie,

Filemon 1:7

A siezeu, n kekhrie geinu a kenei mu thenou keluo ngu philieya, kekreilamonyü n la kemesako u nou va perheikelie ngukelie la.

Ibriko 13:16

Mha kevi chü rükra mota hie mu mha pie mia ze kezalie, kekreilamonyü Ukepenuopfü ruosuo sikecüko puo neiyacü la.

Pitor Kerieu 4:11

Die puyakezhau bu Ukepenuopfü die touu puyakezha nu pulie, mia khruohikezhamia bu rei Ukepenuopfü thuo khashüyakezha kekuou se lietho chülie, sidi mhakehoupuo nu rei Jisu Khrista geinu Ukepenuopfü zayie chüliecie. Zayie mu kekuo telhekechachie puo vie zo. Amen.

Samuel Kerieu 15:30

Derei Saul-e sie, “A phoumawate, sizorei a n ki chaya, no a themia phichüko mu Israel mhodzünu a rhushü zocie, sidi a ze vo a bu n Kepenuopfü Jihova rüsuolieketuo la.”