Mathi 6:10 - Angami Naga CL (Re-edited) Bible (BSI)

¹⁰ N kedi chü vorliecie; kijü ha rei pie teigei kemhie, N neiu chüliecie.

Mathi 6:10 Iomraidhean Croise

Nehemia 9:6

Sitse Ezrae sie, “N rübei Jihova zo; noe tei chüshü, teiko mho teiu, sünu ketuo pete, kijüu mu sünu ketuo pete, dzükezhako, tsiu sünu ketuo pete chüshü, mu no süko pete se baya; tsiu teigei ketuo krodiko n rüsuoya.

Chieliko 2:6

“A a kediu pie kemesa kijüthou, Zion gei shüwate.”

Chieliko 40:8

Harie, a Kepenuopfü, a n medo chücü a nei, mu n zho-u a melou nu bate.”

Isaya 2:2

Teisozha kenuotsa Jihova kiu kijüthouu pie kijüthou kerükrietho chütatuo, sidi kijükhruko mho sietatuo; mu seyie pete kru puo vatuo.

Jeremia 23:5

Teisozhako vor touzhie, Jihovae siya, sükisü ae kemiatho co puo pie David tsütuo, tsiu puoe kedimia puo chü dituo sidi mha puotouu chütuo, siro kijü gei kethoca mu kemezhüu chüshütuo.

Daniel 2:44

Siro kedi süko teiki teigei Ukepenuopfüe kedi puo, mhakipuorei pekawalie kelho puo morei puo kedi khapie kekreimia tsüwalie kelho puo pesieshütuo. Sidi süue kedi hako pete bietshie phaiwatuo mu uko pie puo thela chüwatuo, tsiu puoe kechachie thatatuo;

Daniel 4:35

Kijü nu lhou ketuo peteko zo we puo mhodzünu mhathopuo kemo mhie zo, tsiu teigei krodi ze di kijü nu lhouketuo pete gei puo medo kemhie chüya. Siro miapuorei puo dzie khalie lho morei sie puo ki, “No kedipuo chüya ga?” ireilie lho.

Daniel 7:13

Siro a theva gei ziemhoko meho tha tse, Themianuo rhi kemhie puo teigei kimhouko nunu par. Sidi puo nnhiennhie nu Ketuou ki vor, sidi süu mhodzünu vor thalie.

Daniel 7:27

Siro kedi kechü mu mha kekhakecü tsiu tei khro kedirüvie pete khapie Kerükrietho-u mia kemesako tsüwatuo; uko kedi kechüe kechachie dikecütuo, tsiu mia kekhakecü pete uko lie chü mu uko dieze chütuo.”

Zekaria 9:9

N nei philie, He-i Zion nuopfü! Shie petoshülie, He-i Jerusalem nuopfü! Harie, n kediu n ki vorzhie; zapuzayie mu kuokelie sü puo zo, menenuoi di gada geinu, gada kemedzü yopuo gei tuo.

Mathi 12:50

Kekreilamonyü kehoupuorei teigei keba a Puou medo chüyakezhamia sü a siezemia, a üpfünuo mu a zuonuo zo.”

Mathi 16:28

A nieko ki pu toushütuo, haki ketha themia huo Themia Nuou puo kedi chü kevor ngu kemochie sialie lho,” sita.

Mathi 26:42

Siro puo süsieu va rei tuo la phi kecha chü di, “A Puo, mhanuü a bu hau krie molie lho üro, n medo-u chüliecie.”

Mathi 3:2

“Nie noukedilie, teigei kedi penuotei vorketa la.”

Mathi 4:17

Siro sü yawinu Jisu mia petha sede di, “Nieko nou kediliecie, teigei kedi vor penuotei bate,” si tuota.

Mathi 7:21

“A üse, ‘Niepuu, Niepuu’ idi kieyakezha pete teigei kedi nu le phrelie lho, derei teigei keba a Puou medoko chüyakezhamia zotuo.

Mark 11:10

U puou David kedi vorkezhüu thejakepfütho zo! Tei pesotho gei rei Hosana!” ita.

Mark 3:35

Kehoupuorei Ukepenuopfü medo-u chüyakezhamia a siezemia, a üpfünuo mu a zuonuo zo.”

LUK THUKESHÜ DIELIEKEVI 19:11

Siro uko die süko rünyü tuo mu puoe dievi puo pu sashü, kekreilamonyü puoe Jerusalem penuo votazhü, tsiu ukoe Ukepenuopfü kedi mhai zo vorta thenyüsie di le tuocü la.

LUK THUKESHÜ DIELIEKEVI 19:38

di sie, “Niepuu zanu vorkezhü kediu bu thejakepfüu chücie! Teigei rei keviu chülie, mu tei pesotho gei kebau bu zayie chücie!” ituota.

LUK THUKESHÜ DIELIEKEVI 22:42

“Apuo, n medotuo liro, a kinu tehie hau chüwacie; derei a medo monyü n medo-u chüliecie.”

Johan 4:34

Derei Jisu uko ki, “A kecücae a ketsekeshüu medo chüketuo mu puo mhatho chü tseiketuou zo.

Johan 6:40

Kekreilamonyü kehoupuorei Themia Nuou meho di puo pelekeliemia kechachie kerhei ngulieketuo a Puou medota zocü la; mu a thelanhie uko phoupie kerhei nu shülietuo,” sishü.

Johan 7:17

Themia kehoupuorei Kepenuopfü medo chü nyüya ro, die hau Kepenuopfü kinu vor mo, a thuo a kinu pie par shi silietuo.

Mhakechüko 13:22

Puoe süu chükewa sie, David bu uko kediu chü lalie. Sidi puoe süu zhapu chü di sie, ‘A Jese nuou David, themia a nou kele touu nguliete, puo a medo kheko chüshüketuou zo.’

Mhakechüko 21:14

Siro hieko puo khalie kenjüta tse, sie, “Niepuu bu puo medo-u chüliecie,” sishüwa di kemekrieta.

Mhakechüko 22:14

Ru puo sie, ‘U puonuoko Kepenuopfü n kedapie n bu puo medo silieketuo, tsiu kemiatho-u ngulieketuo mu puo tie nunu kepar puo pfheu rünyütuoü rhüse tuote;

Rommiako 12:2

Kijü hau rüliko mhieta hie, derei nie nou chü kesapie nie chü pekreilie, sitse nie Ukepenuopfü medo-u silie vi, süusü keviu, lielie kesüu mu vilotsokecüu zo.

Efesako 6:6

Mia mhinguki rübei mia nei chülieketuo le hie, derei Khrista diemia chü di nie nou pete se Ukepenuopfü nei chüliecie.

Kolosiko 1:13

Puoe kezeiu kekuo nunu u shüphralie di u pekrupie puo Nuo puo khrieu kedi nu shüliete,

Kolosiko 1:9

Sidi mhaca hau la, hie süu sikelie yawinu, nie la cha petewaya mo, nieko bu ruopfü mu mhacamhala sikelie mhasi neiüko se di Ukepenuopfü medo si toupie nie ketshu chülieketuo la,

Thesaloniako Kerieu 4:3

Siro hau Ukepenuopfü medo-u zo, nie mesa bakelie: süusü pierüü chü molie;

Thesaloniako Kerieu 5:18

mhakehoupuo nu rei Ukepenuopfü thezie zolie; Khrista Jisu lanu nie bu sikecü Ukepenuopfü medotacü la.

Ibriko 1:14

Teigeidieliemiako pete sü teigeidielie kechü ruopfüko zo, kelakelie welieketako lie kechü la ketsekeshü zo mo me?

Ibriko 10:36

Nieko Ukepenuopfü medo-u chülieketuo la, mu phrakeshüu ngulieketuo la shügeshühie tha zoliecie.

Ibriko 10:7

Sitse a sie, ‘Harie, Kepenuopfü, a zowe n medo-u chütuoü vor zowe, he-i Kepenuopfü’ (Leshütshüu nu a dze thupie kezhü tuoi,)” si.

Ibriko 13:21

mhakehoupuo nu rei nie chü pevi tseishülie, silie ro nie puo medo chülietuo, mu Jisu Khrista geinu nie gei puo mhinguki puo neiu chülie di kechachie Khrista bu zayie chükelieu chücie. Amen.

Pitor Kerieu 2:15

Ukepenuopfüe nie bu mha kevi chüpie mhasikemomia diethuodieruo kepuko va pejütuo ükecü puo medota zocü la.

Pitor Kerieu 4:2

Silie ro nie kijü nu lhou sa phiketuo teiko nu themia menguko se monyü Ukepenuopfü medo-u nu lhoulietuo.

Pesikeshü 11:15

Süsie teigeidielie thenieu puo tsüu khoushü, mu teigei nu mhapfhe kemerie chü di sie, “Cüsie kijü kedi kechü sü u Niepuu mu puo Khristau vie chüte, mu puo telhekechachie ditatuo,” ishü.

Pesikeshü 12:10

Süsie a teigei nu mhapfhe kemeyie se puo si: “Tsie we Ukepenuopfü kinu kelakelie mu kekuo tsiu Ukepenuopfü kedi mu puo Khrista kekuou vorte ho, kekreilamonyü teizeiteiso rülei mo di, Ukepenuopfü mhodzünu u zeko tha mu pejo kezhau chü kelhouwate:

Pesikeshü 19:6

Süsie a mia krodi pfhe tuoi, dzü kekra pfhe mu teise sekecü pfhe mhiekecü si, süu shiekhoui di, “Haleluya! Niepuu, Kuokejokejüu Ukepenuopfü sü dite.

Pesikeshü 20:4

Süsie a kediba kro puo ngu ru süko gei kebako bu mia nyie pepiketuo la kekuo pie tsüwa. Siro Jisu zhapuu mu Ukepenuopfü dieu la mia bu u tsü ziekewa ruopfüko rei a ngu. Sükoe nhachüu morei süu miarhi rüsuo mo tsiu süu zasi rei u teikhie gei mu u dzie nu vü mo. Süko rhei lalie di Khrista ze teicie nyie puo kedi chü.