Mathi 5:6 - Angami Naga CL (Re-edited) Bible (BSI)

⁶ “Kemiatho dze pfhü keterhükemerü chüyakezhako thejakepfütho, kekreilamonyü süko pevülie zotuokecü la.

Mathi 5:6 Iomraidhean Croise

Chieliko 107:9

Puoe keterhümia kelhuo chüshüya, mu mha kevi pie kemerümia ketshu chüshüyacü la.

Chieliko 145:19

Puoe puo preiyakezhamia mengu chü tseishütuo, puoe süko pfhe rei rünyü di uko kelashütuo.

Chieliko 17:15

A we kemiatho nunu n zie meho tuotuo; a cokelie ki n rhiu ngu di a nei tseitatuo.

Chieliko 63:5

Thenyi kevi puo nu ketheguokelie mhiei a ruopfü pevüte; a tie rei puo kenei meü se n tsheya.

Chieliko 65:4

No puo kedalie di puo bu n penuo vokeliemia kenei ngulieya, puo bu n kiluo nu lhoulieya. Hie n ki, n kemesa rüsuokiu, keviko geinu hie neilietuo.

Chieliko 84:2

A ruopfüe Jihova kitiezhako menguya, mengupie phisiaya zo; a melou mu a chüe kelipie rhei keba Ukepenuopfü kieya.

Mhasidie 10:24

Kerüzhümiae prei kebau puo gei vortuo, derei kemiathomia mengu kebau chüpie puo tsütuo.

Mhasidie 21:21

Kemiatho mu ngukemezhie whuo tuoyakezhamia kerhei mu therhu ngulietuo.

Solomon Üzo 5:1

A a tezie nu vorte, a üpfü, a kimia; a mür pie kethengu sa pfhükenguliete, a a mepfhidzü pie mepfhidzüdau sa cüliete; a a thunudzü pie a khubedzü sa krieliete. Cüliecie, a kezeko, krieliecie, mu kekhrie krie mezeliecie.

Isaya 25:6

Krodiko Jihovae kijüthou hau geinu themia pete la, kecüca kevi pie thehe puo chüshütuo, khubezu kewe rüleketa pie kechü he puo, themuo puoshuo mu puo kelei kevi, khubezu rületa di puo dzü mesaketa pie kechü he puo.

Isaya 41:17

Kejüketsopfhümia dzü pfhü di pfhü pejükeba ki, mu keterhüpfü puo meü sotoketa ki, a, Jihovae uko pfhekhoshütuo, a, Israel Kepenuopfüe uko khawa lho.

Isaya 44:3

Ae keterhü kijüu gei dzü rushütuo, mu kijü keso-u gei rücüko khatsütuo; a a ruopfü rupie n nuosenuoyie gei shütuo, mu a theja khapie n yieu gei shütuo.

Isaya 65:13

Süla Niepuu Jihovae puya: A kituoko mhacütuo, derei nieko we merütuo; a kituoko mha krietuo, derei nie we terhütuo; a kituoko u neituo derei nie bu thenga chütuo,

Isaya 66:11

Nie bu puo gei thukepeluo nuu nu di nie thekelie mu ketheguolieketuo la; nie bu puo kinyi ketshukelhuo kechüu nunu nie nei di krie kenyü krielieketuo la.

Jeremia 31:25

Ae u nyie ketuomia bu u kelhuo ngulietuo, tsiu phisiatuoketamia pete chü perhei lashütuo.

LUK THUKESHÜ DIELIEKEVI 1:53

puo mha kevi khe se merüketuoko ketshu chüshü, mu mhakenyimiako bu methuo di tuota.

LUK THUKESHÜ DIELIEKEVI 6:21

Nie merüyakezhako thejakepfütho, nieko pevülie zotuocü la. Nie tsie krayakezhako thejakepfütho, nie neilie zotuocü la!

LUK THUKESHÜ DIELIEKEVI 6:25

Nieko tsie pevükebako we ce, chülietie, kekreilamonyü nieko merütatuo. Nie tsie nyüyakezhako we ce, chülietie, nie nousuo mu kra zotuocü la.

Johan 4:14

derei kehoupuorei a khashükezha dzüu kriekeliemia mhakipuorei terhü latalie lho. A dzü khapie puo ketsüu thuo puo nou nu dzüluo puo chü rüluo zo vo kechachie kerhei tsotuo.”

Johan 6:27

Kaüjütaketuo kecüca pfhü hieü, kechachie rheilieketuo cau pfhüliecie, süu Themia Nuou thuo pie nieko tsütuo, Puou Ukepenuopfü thuo puo geinu zasiu vüwaketa la.”

Johan 7:37

Thenyi thela kemeyietho nhie Jisu siethalie di shie puo rhiechü di sie, “Kehoupuorei terhükezhau bu a ki vorliecie,

Pesikeshü 7:16

Ukoe merü salie lho, mu terhü rei sa lho; niaki uko thelie lho, morei kele puorei uko the pechülie lho;