Mathi 5:4 - Angami Naga CL (Re-edited) Bible (BSI)

⁴ “Krayakezhako thejakepfütho, kekreilamonyü süko u nouluolie zotuokecü la.

Mathi 5:4 Iomraidhean Croise

Isaya 12:1

Noe sünhiesü sie: He-i Jihova, a n thezietuo, noe a gei n nou meyieta zo ürei, n nouyieu kediwa, sidi no a nou thupeluoshü.

Isaya 25:8

Puoe kechachie la kesiau mezulietuo. Sitse Niepuu Jihovae peteko zie geinu mhidzü süwatuo, mu kijü pete nunu puo themiako thethau setatuo, Jihovae pushüwaketa la.

Isaya 30:19

Ketho zo, he-i Zion nu themiako, Jerusalem nu kelhouko, nie kra salie lho. Nie meliekeshü pfheu nu puoe nie ngumezhie tou zotuo; puoe süu sikeshü ki puoe nie die kelashütuo.

Isaya 35:10

Sidi Jihova rhakelieko la vortuo, mu Zion nu keli vortuo; kechachie u kenei pie u tsü gei shü di; ukoe u kenei mu u dzükezie ngulietuo, tsiu nousuo mu meheimelokecü ta kepecie nu votatuo.

Isaya 57:18

A uko zhoko ngushü, derei a uko chü keshürhoshütuo; a uko cha thatuo mu thenoukeluo pie uko tsü lashütuo, a tie siu chüpie krayakezhako tsüshütuo.

Isaya 66:10

Jerusalem ze nie dzüzielie, mu puo la nie neiliecie, nie puo khrieyacü pete, kenei nu puo ze nie neiliecie, nie puo krükrakecü pete.

Isaya 66:2

Mha hako pete a dzie thuo chüshü, mu süla mha hako pete a vie, Jihovae siya. Derei a haikecü themiau mehotuo, puo nou rünuo mu puo ruopfü nouzhie nyi di a die si di pekecüu.

Ezekiel 7:16

Mia huo talie, di rheilie zorei ukoe razhako nu mekhruko tuoi ba di kijüthouko geinu ngulietuo, sidi uko pete rei u kesuo kechü la meheimelo batatuo.

Ezekiel 9:4

sidi sie puo ki, “Nadiu pfüthe vocie, Jerusalem pfüthe vocie, sidi sünu mha kerütsekecüko la thenou mezhie tsiu krayakezhamia kehoupuo teikhie gei rei zasi vüshülie.”

Zekaria 12:10

Siro ae David kiu gei mu Jerusalem nu kelhouko gei ngukemezhie mu u mezhiemelokecü ruopfüu rushütuo, siro ukoe uko thuo rüngou pie zekewau ngu tse, ukoe puo krükratuo, mia puoe puo nuo puo rübei zokecüu la krakecü tuoituo, sidi krapie mia puoe puo nuo nuorieu la krakecü tuoitatuo.

LUK THUKESHÜ DIELIEKEVI 16:25

Derei Abraham sie, ‘A nuo n thuo rei rükrashücie, no n kerhei ki mha kevi khe nguwate, sirei Lazar we mha kesuo kheko ngu, derei tsie we puoe puo nouluo, mu no we kemezhie bate.

LUK THUKESHÜ DIELIEKEVI 6:21

Nie merüyakezhako thejakepfütho, nieko pevülie zotuocü la. Nie tsie krayakezhako thejakepfütho, nie neilie zotuocü la!

LUK THUKESHÜ DIELIEKEVI 6:25

Nieko tsie pevükebako we ce, chülietie, kekreilamonyü nieko merütatuo. Nie tsie nyüyakezhako we ce, chülietie, nie nousuo mu kra zotuocü la.

LUK THUKESHÜ DIELIEKEVI 7:38

Sidi puo Jisu sietsa puo phi ki tha, di kra tha ru puo mhidzü potsu Jisu phi tsheta, süla puo tha pie süu süwa, süsie puoe puo phi meboshü di tier rupie puo phi kenheshü.

LUK THUKESHÜ DIELIEKEVI 7:50

Siro puo sie thenupfü ki, “N kepele thuo n kelaliete ho; n nou mene di votalie,” siwata.

Jakob 1:12

Dophi nu rei shügeshühie thalieyakezhamia thejakepfütho. Sikecümia u kedokecü nu thakelie la kerhei tsüre Niepuue pie puo khrieyakezhako tsütuo üdi phrapie kezhüu ngulietuo.

Pesikeshü 21:4

puo uko mhi nunu mhidzü pete süwatuo. Kesia ba sa motatuo; thekrü mu kekra tsiu kemezhiekecü ba sa motatuo, mha kerieko jüketa la,” idi pucü si.