Mathi 5:10 - Angami Naga CL (Re-edited) Bible (BSI)

¹⁰ “Kemiatho la mia bu u peseyakezhako thejakepfütho, kekreilamonyü teigei kedi süko vie zokecü la.

Mathi 5:10 Iomraidhean Croise

Chieliko 37:12

Kerüzhüue kemezhüu ngukemvü rhü, di puo gei puo hu thegeipie baya.

Isaya 66:5

Jihova dieu rünyüliecie, nie puo die gei peyakezhako: N themia thuo n ngumecü mu a za la n khawakecüko hakemhie pu di, “Jihova pie zapuzayie chüshü, sitse hie nie kenei ngutuo” siya; derei thenga chüketuo we uko zotuo.

Mathi 10:23

Siro rüna puo nu mia nie pechüketa ki, ta rüna kekrei puo nu votaliecie. A nieko ki pu toushütuo, Themia Nuou kevor mhodzü nieko Israel rünako nu vo ketso phrelie lho.

Mathi 19:14

derei Jisu sie, “Nhicunuoko bu a ki vorlie, uko kha hiecie, kekreilamonyü teigei kedi haicüko vie zokecü la.”

Mathi 25:34

Süki kediu puo zatsa kethako üse, ‘A Puo japie nieko ketsüko, vorliecie, sidi kijüu chülie tsenu nie la kesepie baketa kedirüvieu weliecie;

Mathi 5:3

“Ruopfü kitsa ketsopfhüko thejakepfütho, kekreilamonyü teigei kedi süko vie zokecü la.

Mark 10:14

Derei Jisu süu ngu di puo nei mota, sidi uko ki, “Nhicuko bu a ki vorliecie; uko kha hie, Ukepenuopfü kedi-e hamhiecüko vie zocü la.

Mark 10:30

puoe tsie kelhouu nu mia bu u pechüpenyükecü sa di, puo kiko, puo siezedzürie, puo üpfünuo, puo zuonuo, mu puo nuonuo tsiu puo kiülie de thekrie kezie ngulie kelho ba mo, tsiu hasie kelhou nu kechachie kerhei sa ngutuo.

LUK THUKESHÜ DIELIEKEVI 21:12

“Derei mha hako chüketa mhodzü mia bu nieko telie di nie pechüpenyütuo, mia nieko tepie sinagogko nu tsiu kediekiko nu votuo, tsiu a za la mia bu nieko teze ahngko mu kediko mhodzünu votuo.

LUK THUKESHÜ DIELIEKEVI 22:29

süla a Puou kedi khapie a ketsü tuoi a rei süu pie nieko tsütuo,

LUK THUKESHÜ DIELIEKEVI 6:20

Süsie puo tosie pethakelieko meho di pukeshü: “Nie mhakejüko thejakepfütho, Ukepenuopfü kedi nieko vie zokecü la.

LUK THUKESHÜ DIELIEKEVI 6:22

“Themia Nuou la mia nie mecü, nie melie, nie tha, tsiu nie üse suo üdi nie za peka ro nie thejakepfütho!

Johan 15:20

A nie ki, ‘Kituomia u niepumia ki zha mo,’ idi pukeshüu rükraliecie. Uko a pese ro, uko nieko sa pesetuo; uko a die zeya ro uko nieko die rei ze zotuo.

Mhakechüko 5:40

sidi ukoe apostelko kie la ze vorlie tse uko vüwa, mu uko bu Jisu za se pu sa hienuwa di uko bu tuota.

Mhakechüko 8:1

Siro Saul rei uko puo dukhrikewa puo medo zo. Sünhie yawinu, Jerusalem nu kehouu pechüpenyü secü sedeta, mu Apostelko zo kemosie kekreiko pete ta cüre Judia mu Samaria kijü pete nu vota.

Korintmiako Kenieu 4:17

Kekreilamonyü zopuoki la hie kemezhie zorei, süue kechachie baketuo zayieu la hie bu dojüpfükelie zo,

Filipiko 1:28

siro mhapuo nu rei nie kepetsoumia bu nie kedewa hie. Süko la we hauha uko pekawaketuo zasi zo, derei nie la we kelakelie zasi puo. Mu hauha Ukepenuopfü mhatho zo.

Timothi Kenieu 2:12

we shügeshühielie ro, we rei puo ze kedi chütuo; we puo melieta ro, puo rei u meliewatuo;

Timothi Kenieu 3:11

a kepechü ngukelieko, Antiok, Ikonia mu Lustra nu a gei pfürkecü mezhieko ngushüte. Kiderei kemezhieshü shi! Sirei süko pete nu Niepuu thuo a kelashü.

Jakob 1:12

Dophi nu rei shügeshühie thalieyakezhamia thejakepfütho. Sikecümia u kedokecü nu thakelie la kerhei tsüre Niepuue pie puo khrieyakezhako tsütuo üdi phrapie kezhüu ngulietuo.

Jakob 5:11

Ketho zo, we shügeshühiekeliemia üse thejakepfümia üya. Nie Job shügeshühiekelie dze silie mu nie Niepuu mharhüu kedipuo shicü ngulie, Niepuue mia khrie mu mia ngumezhie phiyakecü.

Johan Kerieu 3:12

We Kain, kesuou kinu vor di puo siezeu Abel dukhrikewau mhieta suo. Mu kiüdi puo dukhriwa ga? Puo mhatho-u kekrü mu puo siezeu mhatho-u puotouketa la zo.

Pesikeshü 2:10

Kemezhiekecü n gei phirtuoü kebako la michie hiecie. Harie, nie kedoketuo la terhuokesuou nieko huomia tepie kedieki nu shütuo, mu nieko bu zha ker kemezhietuo. Kesia ketso rei dietho tha zolie, sitse a kerhei tsüre khashü n tsütuo.