Mathi 4:19 - Angami Naga CL (Re-edited) Bible (BSI)

¹⁹ Sitse puo unie ki, “A siemedziliecie, siro a nnie pie themia ketemia chülietuo.”

Mathi 4:19 Iomraidhean Croise

Mathi 16:24

Süsie Jisue pethakelieko ki, “Kehoupuorei a siemedzi kenyümia sümia bu u thuo u meliewa, mu u krus pielie, di a siemedziliecie.

Mathi 19:21

Jisu sie puo ki, “No vi tseilie nyü ro, vo di n vie ketuoko zelie di khapie mhakejüko tsüwalie, siliro teigei n kinyi nyilietuo, sidi vor a siemedzilie.”

Mathi 4:18

Siro puo Galil dzükezha khie tuo vozhü ru siezedzürie kenie, Simon, Pitor üyakezhau, mu puo siezeu Andria unie jal pie dzükezha nu khuo va ba di ngulie, unie khuoketemiacü la.

Mathi 4:20

Sitse unie unie jal kha mhawa di puo siemedzita.

Mathi 8:22

Derei Jisu sie, “A siemedzilie, mu kesiako bu kesiako khruwacie,” sita.

Mathi 9:9

Siro Jisu tuo vozhü ru puo za Mathi ükecü puo khezhanuo kekhruo ki nu ba di ngulie; sitse puo sie puo ki, “A siemedziliecie,” siru puo sielie di puo siemedzita.

Mark 2:14

Siro puo tuo sa phizhü ru khezhanuo kekhruou Levi, Alfia nuou khezhanuo kekhruo ki nu ba di ngulie, di sie puo ki, “A siemedziliecie,” sishü tse puo sielie di puo siemedzita.

LUK THUKESHÜ DIELIEKEVI 5:27

Mha hako sie puo tuo prazhü ru khezhanuo khruoyakezha Levi ükecü mia puo khezhanuo kekhruo ki nu ba di ngulie ru puo sie, “A siemedziliecie.”

LUK THUKESHÜ DIELIEKEVI 9:59

Siro puo kekreimia puo ki, “No a siemedziliecie,” ishü. Derei puo sie, “Niepuu, a bu vo di a puo khruwa periecie,” sita.

Johan 1:43

Süsienhie Jisu Galil nu voketuo rhülie. Sitse puo Filip ngulie di sie puo ki, “A siemedziliecie,” sishü.

Johan 12:26

Kehoupuorei a lie chüyakezhamia a siemedzituo, mu a kituomia a kebara batuo. Kehoupuorei a lie chükezhamia a Puou rei sümia rhutuo.

Johan 21:22

Sitse Jisu sie puo ki, “A la vor kemochie puo bu ba zoketuo a medo liro, süu n la kedipuo mu? No a siemedzi zolie!”

Korintmiako Kenieu 12:16

A nie nou va penyü mokecü nie rei le batuo. Sirei (huomia sie) a ü kedovi di nie selie üya.