Mathi 3:11 - Angami Naga CL (Re-edited) Bible (BSI)

¹¹ “A we nie bu thenoukedilieketuo la dzü nunu nie dzülu khakeshü zo, derei a sie vorkezhüu we a ki zhakuo; a puo phikou pie reilie sü mo; puoe Kemesa Ruopfü nu mu mi nunu dzülu pie nieko tsütuo.

Mathi 3:11 Iomraidhean Croise

Isaya 4:4

Niepuue capi ruopfü mu thekecü ruopfü se Zionpfüko kerhu khrü kemesawa mu Jerusalem dapfüketuo thezieko chü kemesakewa nhie.

Isaya 44:3

Ae keterhü kijüu gei dzü rushütuo, mu kijü keso-u gei rücüko khatsütuo; a a ruopfü rupie n nuosenuoyie gei shütuo, mu a theja khapie n yieu gei shütuo.

Zekaria 13:9

Sidi a za se hau pie mi nu shütuo, rakachü chü kemesakecü tuoi chü kemesatuo, tsiu suna kevikesuo mehokecü tuoi mehotuo. Ukoe a za kietuo, mu a uko pfhekhoshütuo. Ae sie, “Ukoe a themia zo,” ituo, mu ukoe sie, “Jihova sü úko Kepenuopfü zo,” situo.

Mathi 3:6

di u kephouma phralie di puo bu Jordan rü nunu dzülu pie uko tsü.

Mark 1:4

Johan mia dzülukepfüu rayha nu vor di kephoumako valieketuo la thenoukedikelie dzülukepfü se mia petha.

LUK THUKESHÜ DIELIEKEVI 1:17

Siro puo Elija ruopfü mu kekuo se di Niepuu mhodzü rie votuo, miapuonuoko nou chü kedipie mianuonuoko gei shütuo, mu mia die zeyakemoko nou chü kedipie kemiatho mhasitsa shüshütuo, sidi themiako kesepie Niepuu la dojülieketa chütuo.”

LUK THUKESHÜ DIELIEKEVI 3:16

Süla Johan sie uko ki, “A zo we dzü nunu nieko dzülu khashükezha zo, derei a ki zhakuokecü mia puo a sietsa vorzhie, a zo we puo phikoupha rei phreilie sü mo. Puo zo we Kemesa Ruopfü mu mi nunu nieko dzülu khashütuo.

LUK THUKESHÜ DIELIEKEVI 3:3

Siro puo tuo Jordan rü khie merhie thechü pete nu vo di, kephouma valieketuo la thenoukedikecü dzülukepfü se mia petha tuota.

Johan 1:15

(Johan puo zhapu chü shiekhoui di sie, “ ‘Mia puo a sie vorzhü, derei puo a ki zhakuo, a penuokelie mhodzü puo tuota zokecü la’ idi a puo dze kepuu sü hau zo.”)

Johan 1:30

Hauha a puo dze pu di, ‘Mia puo a sie vorzhü mu puo a ki zhakuo, puo a mhodzü tuota zokecü la,’ ikeshüu zo.

Mhakechüko 1:5

kekreilamonyü Johan we dzü nunu dzülu khashü mia tsü, derei hasie zha cha ba kemonu nieko we Kemesa Ruopfü nunu dzülupfütuo.”

Mhakechüko 19:4

Sitse Paul sie “Johan thenoukedikelie dzülu se mia dzülu khakeshü zo; mu puoe themiako bu puo sie vorkezhüu pelelienushü, süu Jisu zo,” si.

Mhakechüko 8:36

Sidi unie keze cha nu vozhü ru vo thechü puo nu dzü keba ngulie, sitse iunuk-u sie “Haki dzü ba. A dzülupfülieketuo chakha huo ba me?”

Mhakechüko 8:38

Sitse puo kierbageiu bu thalienushü, sidi Filip mu iunuk unie keze dzü nu lelie di Filip bu puo dzülu khashü.

Korintmiako Kerieu 12:13

Sütuoi u pete Judamia rei Grikmia rei, miadiemia rei kemomia rei, keze mo puo chüketuo la Ruopfü puo nunu dzülupfü phreliete, mu u pete bu krieketuo Ruopfü puo khashüwate.

Efesako 3:8

Kemesako donu kecütho-u zorei, ngukemezhie hau khapie a tsü di a bu dieliekeviu pie Judakemoko ki, si ketsolie kelho Khrista kinyiko dze punu,

Tita 3:5

puo thuo u kelalie, u thuo u kemiatho nunu chükelie mhathoko la monyü, puo thuo u ngumezhiekeshü la zo, süusü penuo kesakelie dzü nu tsiu Kemesa Ruopfüu geinu chü kesakelie zo.

Pitor Kerieu 5:5

Sütuoi khriekesako, nie rei phichüko khrükhro balie. Mu nie kehoupuorei rünuopie ketsükecü ha üse nie pedzielie, kekreilamonyü “Ukepenuopfü kokezhamia mese chüya, derei ngukemezhie pie thenou kemenemia tsüya.”