Mathi 27:3 - Angami Naga CL (Re-edited) Bible (BSI)

³ Siro Judas, puo tekeshüu, mia Jisu pejowaketa ngu di puo nou rüdita sidi raka serko toupie zievokezhako mu phichüko ki la vor.

Mathi 27:3 Iomraidhean Croise

JOB LESHÜDAU 20:5

Süusü kerüzhümia kuokeba puotei huoyo la zo, tsiu u kepele kejümia keneiu dopuoki la zokecü si mo zo me?

Toukepra 21:32

Thudo-u kediemia thepfu morei thenu shierei, thukhriwa ro, thudo niepuue rakachü shekel ser pie kedie niepuu tsütuo, mu ketsie pie thudo-u vakhriwatuo.

Zekaria 11:13

Sitse Jihova a ki, “Süu kelhoupie kinyibou nu shüwalie.” Süue uko a ma tho pevikeshüu. Süla a rakachü shekel serko pielie di kelhoupie Jihova kiu kinyibouu nu shüwa.

Johan 13:2

Satan-e Judas Iskariot, Simon nuou bu puo sewaketuo keleu se puo nou shüwata, mu mhacü keba ki,

Johan 13:27

Siro niekhrüdayo pielie mumetha Satan puo nou leta. Süla Jisu sie puo ki, “No chüketuou chü mhailiecie,” sishü.

Johan 18:3

Süla Judas-e zievokezhako mu Farisikoe ketsekeshü rüpfhünuo mu thenamia, u rünyie kesepfü, mibou mu mitu pie ketuo kro puo ze sünu vorta.

Mhakechüko 1:18

(Themia hau kesuo kechü nunu krakelie pie lietsa puo khrülie ru puo sünunu thutsu puo kesewa, mu puo se puo rie pete rüla parta.

Korintmiako Kenieu 7:10

Kekreilamonyü Ukepenuopfü thuo nousuo süu se nie nou chü kedipie kelakelie chau nu vashüta zo mu süu la rünou kemo puorei jü; derei kijü kitsa nousuoue kesia se vorshüya.