Mathi 26:61 - Angami Naga CL (Re-edited) Bible (BSI)

⁶¹ sidi sie, “Themia hau pukecü, ‘A Ukepenuopfü rüsuokiu bierhuowa di zha se nu chü lalie vi,’ isiwe.”

Mathi 26:61 Iomraidhean Croise

Keriekitho 19:9

Derei ukoe sie, “Phir hie.” Süsie rei uko la sie, “Themia hau rüso chü vor, di puo bu u capi chütuo le! Tsie we hie unie ki rei n gei we suokuotatie.” Sidi uko Lot khu toutou zo kikha vaphapfü letatuo üta.

Kediko Kerieu 22:27

Sidi sie, ‘Kediue puya: Themia hau bu kedieki nu batalie, sidi a vi di la vor kemochie kemezhiekecü niekhrüda mu dzü pie puo va chüshücie.’ ”

Kediko Kenieu 9:11

Siro Jehue puo niepuu kezhako ki la vor tse, uko sie puo ki, “Mha pete puotou zo nhie? Kiüdi themia kenya cüu n ki vor ga?” Sitse puoe sie uko ki, “Nieko themiau mu puo kedipuo puya shi si ba.”

Isaya 49:7

Jihova, Israel Rhakelieu mu puo Kemesau, seyieko puo kemecüu, puo rütse phikecüu, mha kekhakezhako thekeu ki puya; “Jihova, kedietho-u, Israel Kemesau, nie kedakelieu la, kedikoe ngu di siethalietuo, kedinuoko rei u thuo rünuotsu n kelutuo.”

Isaya 53:3

Mia puo mecü mu puo melie; kemezhiekecümia puo chü mu kelhokemezie si; mu mia puo ngu ro u zie kevietayakecü puo tuoi mia puo pie kethese, siro we zorei puo le ketherhu mo.

Mathi 12:24

Derei Farisiko süu sishü di sie, “Hau terhuokesuoko kediu Belzebul la zo kemosie terhuokesuoko whuolieya mo,” sita.

Mathi 26:62

Sitse zievokezhatho-u siethalie di sie, “No mhapuorei pu lho me? Hako kedipuopuo pu n pejo tha ga?”

Mathi 26:71

Sidi puo tuo kifükhro pra tse rüümia kekreipfü puoe puo ngu di sie, süki kethako ki, “Themia hau rei Nazaret Jisu ze tuo zo.”

Mathi 27:40

di sie, “No rüsuokiu bierhuowa di zha se donu chü lashüketuou, n thuo n kelaliecie; no Ukepenuopfü Nuou üro, krus geinu kerlie!” ita.

Mathi 27:5

Sitse puo rakako kelhoupie rüsuoki nu shüwa, sidi tuota; sidi puo thuo vo kerüchakhriwa.

Mark 14:58

“Hie puo kepu die sikecü, ‘A themia dzie thuo chükelie rüsuoki hau bierhuowatuo, sidi zha se sie themia dzie üse chü kemo kekrei puo chü lalietuo,’ isiwe.”

Mark 15:29

Siro themia kekhokeke pete tsüge puo rhie di, “Yha, no rüsuokiu bie pesuowa di zha se nu chü lashüketuou sü,

LUK THUKESHÜ DIELIEKEVI 23:2

Mu uko puo pejo di sie, “Hieko themia hauha u seyieu ketsi pesuo, u bu khezhanuo khruopie Kaisar tsü hienu, mu puo thuo puo üse Khristau, kediu üketa la.”

Johan 9:29

Ukepenuopfü Mosa ki mha pukeshü hie si ba, derei themia hau la we puo kirapuo nu vor shi hie si mo,” sita.

Mhakechüko 17:18

Siro Epikuri mu Stoik mhasi pie pethayakezha kronie donu huomia puo ze ketikemeüta. Süko huomia sie, “Diebou hau kedipuo pu ba mu?” Kekrei huo sie, “Puo chazoumia rhuo kro puo pupie mia pethaketuo puo zo.” (Puoe Jisu Khrista mu rheilasiekelie dze pie petha tuokecü la).

Mhakechüko 18:13

Uko sie, “Themia hau mia hüpie u bu Ukepenuopfü rüsuolienucü pu di thezho-u petsou tuote,” sita.

Mhakechüko 22:22

Ha ketso zowe uko puo die rünyü tha; süsie uko shie u rhiechü di, “Kijü nunu themia haicümia chüwalie. Puo bu lhou tuokecü mese mo,” sita.