Mathi 26:52 - Angami Naga CL (Re-edited) Bible (BSI)

⁵² Sitse Jisu sie puo ki, “N zhiecha pie puo kou nu shüwalie! Kekreilamonyü zhiecha pieyakezhamia pete zhiecha geinu katatuo.

Mathi 26:52 Iomraidhean Croise

Keriekitho 9:6

“Ukepenuopfüe puo thuo puo rhi nunu themia chükeshü la, kehoupuorei mia dukhriwa ro mia bu puo dukhri latuo.

Chieliko 55:23

Derei, harie Kepenuopfü, no uko bu kepeka thekheu nu ketatuo; thezie kemenguko mu mia keseko u kelhouzha tietsa rei lhoulie lho. Derei a we n pele zotuo.

Toukepra 21:12

Kehoupuorei mia vüshü di süu siata ro, puo bu rei siatuo.

Mathi 5:39

Derei a nie ki pushütuo, kesuo kechümia mese chü hie, sikecüumonyü miapuonie n dzo n zatsa vü ro, kekreitsa rei kerei lapie puo tsücie;

Rommiako 12:19

A khrieko, mia gei nie khepu hie zo di pie Ukepenuopfü noupfhüu tsatie shüwalie, kekreilamonyü süu dze thupie kezhü, “Khepu sü a mese, a thuo süu chüwatuo, Niepuue siya.”

Thesaloniako Kerieu 5:15

Mia puo bu rei kekreimia puo gei kejo kechü zhadavü hiecie; sikecüumonyü nieko huoniehuo gei mu mia pete gei mha kevi chütuoü whuo sei zoliecie.

Pitor Kerieu 3:9

Mha kesuo pie kesuo pu chü hie, mia nie zhase rei mia zhase la hie, sikecüumonyü japie sümia tsülie. Kekreilamonyü nie bu situo üdi nie kielie, silie ro nie theja kayie ngutuo.

Pesikeshü 13:10

Mia n tepie kedie chüta liro; miadie chü zolie; no zhiecha se mia dukhri ro, zhiecha se n dukhrituo. Hauha kemesako bu shügeshühie mu kepele nu balienu kekieu zo.

Pesikeshü 16:6

kekreilamonyü ukoe kemesako mu siedzekesiko zie pekru, noe thezie khashü uko bu krie. Süue uko ngulie kesüu zo!”