Mathi 26:24 - Angami Naga CL (Re-edited) Bible (BSI)

²⁴ Themia Nuou sü puo dze thupie kezhü tuoi tuotatuo üzhie, derei Themia Nuou tepie mia dzie nu keshüu we ce, chülietie! Themia süu la we penuo vor kemoe puo dze vikuotuo.”

Mathi 26:24 Iomraidhean Croise

Keriekitho 3:15

A thenupfü nnie bu kengumvütuo, puo yie mu n yie donu, puo n tsü bietshietuo, mu no puo phitshü medutuo.”

Chieliko 55:15

Kesia bu uko gei votacie, uko bu perhei Sheol nu tsucie; kerüzhüe uko kiko nu mu uko donu ba zocü la.

Chieliko 55:23

Derei, harie Kepenuopfü, no uko bu kepeka thekheu nu ketatuo; thezie kemenguko mu mia keseko u kelhouzha tietsa rei lhoulie lho. Derei a we n pele zotuo.

Daniel 9:26

Zhadoudo hiesorouekenie sie, kenhekelieu dathewatuo mu mhapuorei ba motatuo, mu vortuoü ketuo kedinuou chüpahikoe nadiu mu kemesachüu pekawatuo. Siro puo thelau dzüdi puo vortuo, mu terhü chü di puo thela tso tuo. Pekaperuowaketuo zho-u khashüte.

Zekaria 12:10

Siro ae David kiu gei mu Jerusalem nu kelhouko gei ngukemezhie mu u mezhiemelokecü ruopfüu rushütuo, siro ukoe uko thuo rüngou pie zekewau ngu tse, ukoe puo krükratuo, mia puoe puo nuo puo rübei zokecüu la krakecü tuoituo, sidi krapie mia puoe puo nuo nuorieu la krakecü tuoitatuo.

Zekaria 13:7

“Sielie, he-i zhiechau, a kuopfheu petsoulie, a dziese themiau petsoushücie,” idi krodiko Jihovae puya. Kuopfheu vüshücie, sitse tekuoko ta cüretatuo; a a dzie chapie nhicuko gei shütuo.

Mathi 18:7

Mhachü kepesuoko la kijüu we ce, chülietie! Mhachü kepesuoko vor molie lho zo; derei puo la mhachü kepesuo bu kevor-u we ce, chülietie!

Mathi 26:31

Siro Jisu uko ki, “Tsiezhü nieko pete a khawa di tatatuo; kekreilamonyü süu dze, ‘A kuopfheu vüshütuo, sitse tekuokro-u ta cüretatuo,’ isikecü thupie kezhü la.

Mathi 26:54

Derei süu sita ro, kikidi Kethodieko nu hau chü morosuo üdi pupie kezhüu chü tseilietuo di mu?” ita.

Mathi 26:56

Derei mha hako pete chüketa ha siedzekesikoe Kethodieko nu thupie kezhüko chü tseilieketuo la zo.” Süsie pethakelieko pete puo khawa di tata.

Mark 14:21

Themia Nuou zowe thiedzü puo dze thupie kezhü tuoi tuotatuo; derei Themia Nuou teshüketuou we ce, chülietie! Themia süu penuo vor mocü we puo dze vikuotuomu ru.”

Mark 9:12

Sitse puo sie uko ki, “Ketho, Elija vor di mha peteko chü pevi lashütuo. Kiüdi siro Themia Nuou kemezhiepie doneiü chü mu mia bu puo meliewatuo ükecü dze thupie tuo ga?

LUK THUKESHÜ DIELIEKEVI 22:22

Siro Themia Nuou rüli we pedzüperie chütuo üdi rhüpieketuo tuoi chü zotuocü la, derei ce, puo teshüketuou we chülietie.”

LUK THUKESHÜ DIELIEKEVI 24:46

süsie puo uko ki, “Hakemhie thupie zhü, Khrista bu kemezhieshü di zha se nhie kesia nunu rheilasielietuo,

Johan 17:12

A uko ze ketuo chie no khapie a ketsüko n zau nu uko khapie baliete. A uko rüguo se tuo zo, mu kethodie bu tseilieketuo la kataketuo nuou zo kemosie miapuorei pejüwa mo.

Johan 19:24

Süla uko kerüchü di sie, “Úko hau, rhawa hieü, supuo zanu partuo shiü pie dape khe,” silie. Hau chüketa kethodie nu “Uko thuo uko donu a pfheneiko kezalie, mu a boulieu dapeliete,” ipie kezhü dieu bu tseilieketuo la zo.

Johan 19:28

Mha hako sie Jisue mha peteko chü tseilieketa silie di (Kethodieu bu tseilieketuo la), puoe sie, “A terhüte,” sishü.

Mhakechüko 2:23

themia hau, Ukepenuopfü thuo rhüse ketuo mhie mu puo pedzü si tou di, puo khapie nieko dzie nu shüwa, nieko thuo thezho sanyüyakemomia bu puo gouwa, mu puo dukhriwa.

Mhakechüko 28:23

Süla uko khunhie puo vor puo ze keseketuo zhau chielie tse sünhie uko themia kekra puo bayakezha kiu nu vorlie. Siru puo khise nu vo theva ketso Ukepenuopfü kedi dze pu menuopie uko kieshü, mu puo uko bu Jisu dze si toulieketuo la Mosa zho-u nunu mu siedzekesiko leshüko nu kepu cako vatsha menuoshü.

Mhakechüko 4:28

sidi n dzie mu n mharhü pedzüperie chütuo üdi rhüpie ketuoko chüwa.

Korintmiako Kerieu 15:3

Kekreilamonyü a ngukelie mha kezhatho-u pie nie tsüwate, süu kethodieko nu thupie kezhü tuoi Khrista bu u kephoumako la siawate,