Mathi 24:9 - Angami Naga CL (Re-edited) Bible (BSI)

⁹ “Siro mia bu nie tepie mia dzie nu shü di nie pechü mu dukhrituo, siro seyie pete rei a za la nieko ngumecütuo.

Mathi 24:9 Iomraidhean Croise

Mhasidie 29:27

Miatho kemomia sü kemiathomia mhodzü kerütse zo, derei themia puo cha mezhükezhaue kerüzhüko mhodzüki kerütse zo.

Daniel 11:33

Themiako donu mhakesikoe u kesikele se mia kekra ze kezalietuo, derei zha huo sie, ukoe zhiecha siro miü tsiu kedie chü kemezhiecü mu kepeka nunu tetsutatuo.

Mathi 22:6

siro kekreiko puo kituoko telie di süko bie kezhase, mu süko dukhriwa.

Mathi 23:34

Süla a siedzekesiko, mhakesimiako, tsiu thezhokepethako ketsepie nie ki shüya, mu nieko süko huomia dukhrituo siro gouwatuo, tsiu kekreiko sinagogko nunu vütuo, mu whuopie rünaüko nu shütuo.

LUK THUKESHÜ DIELIEKEVI 11:49

Süla Ukepenuopfü Mhasiu rei pucü, ‘A siedzekesiko mu Apostelko ketsepie uko kishütuo; sitse uko süko dukhri mu kekreiko pechüpenyütuo.’

LUK THUKESHÜ DIELIEKEVI 21:12

“Derei mha hako chüketa mhodzü mia bu nieko telie di nie pechüpenyütuo, mia nieko tepie sinagogko nu tsiu kediekiko nu votuo, tsiu a za la mia bu nieko teze ahngko mu kediko mhodzünu votuo.

Johan 15:18

“Kijüu nieko ngumecüya liro süu nieko ngumecüketa mhodzü a ngumvüketa siliecie.

Johan 15:21

Derei a za la uko nie gei mha hako pete chütuo, ukoe a ketsekeshüu siya kemo la.

Johan 16:2

Mia sinagogko nunu nieko whuowatuo. Ketho zo, nie dukhrikecümia kehoupuorei ue Ukepenuopfü ki keshü lietho puo chü ba zo ükecü kele tei puo vortuo.

Mhakechüko 28:22

Derei hie n kinu n kele puo sishü nyü ba, kekreilamonyü lukihaki themiako hau zeyakezha kro-u dze pu pesuo phi phre tuoketa la.”

Mhakechüko 7:59

Uko ketsie pie puo va thaluocü nu puo kecha chü di, “Niepuu Jisu, a ruopfü zeliecie,” ishü.

Pitor Kerieu 4:16

Derei nie Khristamia kechü la kemezhieya ro mengaketa chü hieü theza süu pfülieketa la Ukepenuopfü tsheliecie.

Pesikeshü 2:10

Kemezhiekecü n gei phirtuoü kebako la michie hiecie. Harie, nie kedoketuo la terhuokesuou nieko huomia tepie kedieki nu shütuo, mu nieko bu zha ker kemezhietuo. Kesia ketso rei dietho tha zolie, sitse a kerhei tsüre khashü n tsütuo.

Pesikeshü 2:13

“A n kebachü si, süu Satan kedibau zo. Sishierei nieko a zau theze kemetei thalie, mu a zhapuu Antipas a gei dietho kethau, Satan kebachüu nu nieko donu puo kedukhri teiki zorei nie a gei nie kepeleu khawa mo.

Pesikeshü 7:14

Sitse a puo ki, “Kepethau, hau sikecü sü no zo.” Sitse puo a ki, “Hako mia bu u pechüpenyü phikewa nunu vorwe; uko u pfheneiko Tekuonuou zie nu menyi pekraliete.