Mathi 22:11 - Angami Naga CL (Re-edited) Bible (BSI)

¹¹ “Derei kediu puo phreiko mehotuoü le tse mia puo nuyie pfhenei se mo di vor keba ngulie.

Mathi 22:11 Iomraidhean Croise

Kediko Kenieu 10:22

Sitse puoe pfhenei mehoyakezhau ki, “Baal rüsuoyakezhako pete la pfhe se vorlie,” siru puoe uko la pfhenei se vorshü.

Isaya 52:1

Colie, colie, n kekuou selie, he-i Zion! N pfhenei keziviko selie; he-i Jerusalem, kemesa nadiu; zhürekemoko mu mesa kemoko n ki vor salie lhotacü la.

Isaya 64:6

Hie pete rei mesa kemo puo tuoite, mu hie kemiatho mhathoko pete pfhenyhie kerhuko tuoite. Hie pete nhanyü puo tuoi rüwitaya, mu hie kejokemouko teikhrie tuoi, hie hepietaya.

Thekrü 5:22

no hie kha tseiwa, tsiu n nei mothorta zo kemosie.

Zefania 1:12

Süteiki a mituko se Jerusalem pfhütuo, themia u kiko nu vokhrü kebako siazha pie tsütuo, themia sükoe u nou nu sie, “Jihova mha kevi chüshülie lho, morei mha kesuo rei chüshülie lho,” iya.

Mathi 13:30

Lieyie tei vor kemochie unie kenienie bu keze lhou balie; siro lieyie tei vor tse a thuo liekereko ki zotshüko bie kengulie rie di thewaketuo la süko khrolie, derei telhako we pie vo a lhaki nu kenguliecie,’ siwatuo.”

Mathi 22:10

Süla kituoko chapfüchaüko nu vo themia ngukelie khe, kevi rei kesuo rei, ze vor kengulie; sidi u phreimia bu vor nuyie kiu ketshu chülie.

Mathi 3:12

Puo lieherü puo dzie nu ba, mu puo sieu he kemesa mpouwatuo, sidi puo puo lhako pie telhaki nu kengulietuo, derei puo shübeko we pie mhetalie kelho mi nunu thewatuo.”

Rommiako 13:14

Sikecüumonyü u Niepuu Jisu Khrista chü dzielie, mu chüüphou rüyako chütuoü mhapuorei le hie.

Rommiako 3:22

süu Jisu Khrista kepele geinu Ukepenuopfü kemiathoe pelekecü khe gei voryakezhau, siro kehoupuorei kekreilie lho,

Korintmiako Kerieu 4:5

Süla puotei kemonu, Niepuu vor kemonu mhapuorei pecapepita hie, süze puo kezei nunu mha kepekhreko mu themia nou nu keviese ketuo nouleko hielapie kezieu nu shütuo. Süzenu kehoupuorei Ukepenuopfü kinu puoe ngulie kezhü zhapu keviu ngulietuo.

Korintmiako Kenieu 5:3

siro tsiedo hie pfheki hau lhewata zorei, hie methuotalie lho.

Galatiako 3:27

Nie Khrista nu dzülupfülieketa khe Khrista chü dzieliete.

Efesako 4:24

sidi nie bu themia kesa, süu Ukepenuopfü rhi kemhie nunu chükelie kemiatho mu mesakecüu dzielienu pethapfüliete.

Pesikeshü 16:15

(“Harie, ae kerügumia mhie di voryie. Methuo di mia bu puo kemenga ngu molieketuo la, pfhenei se, di pfheüla bakeliemia thejakepfütho!”)

Pesikeshü 19:8

puo bu seketuo la linen pfhe kemesa mu phriephrieikecü pie puo tsüwate.” Linen pfhe kemene sü kemesako kemiatho mhathokocü la.

Pesikeshü 2:23

mu a puo nuonuoko dukhriwatuo. Sidi kehouko pete bu ae mia kelekemedo tsiu mia melouko silieyakezhau ücü silietuo, mu nie mia puopuo mhatho geinu zhakhra chü lapie tsütuo.

Pesikeshü 3:18

Mhanyilieketuo la a n bu a kinu mi pie the kemesakewa suna, siro n kemethuo kemenga whelieketuo pfhe kekra; mu mha ngulieketuo la n mhi keva daru khrülienu tarhoshüya.