Mathi 2:6 - Angami Naga CL (Re-edited) Bible (BSI)

⁶ “ ‘Mu no, Juda kijü nu Bethlehem, Juda kijü nu rüna kemeyieko donu kecütho-u mota zo; kekreilamonyü n geinu kedimia puo siertuo, puoe a themia Israelko kepfheu chütuo.’ ”

Mathi 2:6 Iomraidhean Croise

Keriekitho 49:10

Juda kinu kedi theu tuotalie lho, mha kekhakecü theu rei puo phinie cielie lho, mia khezhanuo puo tsü, mu die ze vor kemochie.

Samuel Kenieu 5:2

Siro puotei huo, Saul hie mho dikecü ki, Israel cha tha pra mu lekecüu sü no zo. Jihovae n ki: A themia Israelko kepfheu sü no zo, n bu Israel mho kekhatuo,” si zo.

Seyiedze Kerieu 2:51

Salmae Bethlehem-nuo puou, mu Haref-e Bet-gader puou.

Seyiedze Kerieu 5:2

Judae puo puo siezedzürieko ki kuokuo mu puo geinu kedi puo rei sier, derei kayieu we Josef vie chüte.

Ezra 2:21

Bethlehem nuonuoko, krie puo di mepfüese.

Isaya 40:11

Kuopfheu tuoi puoe puo kuoko vachütuo; tekuonuoko kengupie puo bou nu shülietuo, tsiu puo merü geinu uko pietuo, mu puo krüko menuo di ze tuotuo.

Mika 5:2

Derei no, he-i, Bethlehem Efratha, noe Juda chienuoko donu kecütho puo shierei, n geinu a la Israel kekhaketuou partuo, puo thiedzütho nu tuote, kerietho ki nu tuote.

Nuolhoutsüphrü 24:19

Jakob geinu diketuo puo partuo, mu Ir nu themia lhiepie kebako pekawatuo.”

Mathi 2:1

Herod kedi chü keba ki Judia kijü Bethlehem nu Jisu penuokelie ki, niathutsa nu mhakesimia kro puo Jerusalem nu vor,

Mathi 28:18

Ru Jisu vor di sie uko ki, “Teigei rei mu kijü rei kekuo pete pie a tsüwate.

Johan 21:16

Siro va kenieu va rei puo la sie puo ki, “Johan nuou Simon, no a khrieya mo?” Puo sie puo ki, “N zo, Niepuu no a n khrieyakecü si ba.” Jisu sie puo ki “A kuokoyo pfheliecie,” si.

Johan 7:42

Khristae David yie geinu tsiu David kelhou rüna Bethlehem nunu partuo ükecü kethodie nu pushü mo üme?”

Efesako 1:22

Siro puo mha pete pie puo phi khro shüwate mu puo bu kehouu la mha pete mho bate,

Kolosiko 1:18

Puoe themo-u tsüu zo, süusü kehou zo; puoe therieu, kesia nunu penuolie kerieu, puo bu mha peteko nu kerietho-u chüketuo la.

Ibriko 7:14

Kekreilamonyü u Niepuu Juda yie geinu siercü we si ba, mu Mosa zorei zievoko dze pu kesie ki seyie hau pu mo zo.

Pesikeshü 11:15

Süsie teigeidielie thenieu puo tsüu khoushü, mu teigei nu mhapfhe kemerie chü di sie, “Cüsie kijü kedi kechü sü u Niepuu mu puo Khristau vie chüte, mu puo telhekechachie ditatuo,” ishü.

Pesikeshü 2:27

Tsiu rünyoli pro phatayakezha tuoi u bu thegi the se süko kekhatuo.

Pesikeshü 7:17

kekreilamonyü kedibau metsuo nu keba Tekuonuou bu uko kepfheu chütatuo, mu puo uko cha tha ze kerhei dzüluoko nu votuo, Ukepenuopfü thuo uko mhi nunu uko mhidzü sü phrewatuo.”