Mathi 19:16 - Angami Naga CL (Re-edited) Bible (BSI)

¹⁶ Siro mia puo Jisu ki vor di sie, “Kepethau, a kechachie kerhei ngulieketuo la mha kevi kikecüpuo chü morosuo ga?”

Mathi 19:16 Iomraidhean Croise

Daniel 12:2

Siro kijü nyophe nu zekezhüko kekra colietuo, huomia kechachie kerhei nu votuo, mu huomia we thenga tsiu kechachie thikecü nu tuo.

Mathi 19:15

Sidi puo puo dzie yhapie uko gei shüshü di sünunu tuo lata.

Mathi 19:26

Derei Jisu uko meho terü di sie, “Themia zo we süu chükelie jü, derei Ukepenuopfü la we mha pete chülie vi.”

Mathi 19:29

Themia kehoupuorei a za la u ki morei u siezedzürie morei u üpfünuo morei u puonuo morei u zuonuo morei u nuonuo morei u lieko khawaketau, süde thekrie keziengulietuo, tsiu kechachie kerhei sa welietuo.

Mathi 25:46

Süsie uko kechachie siazha kechü nu votatuo; derei kemiathoko we kechachie kerhei nu votatuo.”

Johan 10:28

A kechachie kerhei se uko tsüya, mu uko mhakipuorei katalie lho. Siro miapuorei a dzie nunu süko sesetalie lho.

Johan 12:25

Kehoupuorei puo thuo puo phou khrieyakezhamia pejüwatuo, mu kehoupuorei kijü hanu u phou ngumecüyakezhau pekrupie kechachie kerhei nu shülietuo.

Johan 3:15

süu geinu puo pelekelie kehoupuorei kechachie kerhei ngulieketuo la.

Johan 4:14

derei kehoupuorei a khashükezha dzüu kriekeliemia mhakipuorei terhü latalie lho. A dzü khapie puo ketsüu thuo puo nou nu dzüluo puo chü rüluo zo vo kechachie kerhei tsotuo.”

Johan 5:39

“Nieko kethodieko pfhü phrüya, kekreilamonyü nie süko nu kechachie kerhei ba ücü leyakezha la, mu süko a dze pu ba kethowe.

Johan 6:47

A nieko ki pu toushütuo; kehoupuorei pelekelieu kechachie kerhei bate:

Johan 6:68

Sitse Simon Pitor puo ki, “Niepuu, hie bu supuo ki vo ta? No kechachie kerhei dieko ba.

Mhakechüko 16:30

Süsie puo unie ze chazou pralie di sie, “Kezhanie, a kelalieketuo la kedipuo chü morosuo ga?”

Rommiako 2:7

shügeshühie di mha kevi chü di zayie mu therhu tsiu siatalie kelho pfhüyakezhako we kechachie kerhei pie tsütuo;

Rommiako 5:21

sidi kephouma la kesia bu diketuo tuoi, chü kemezhükelie geinu ngukemezhie bu di, sidi u Niepu Jisu Khrista geinu kechachie kerhei ngulie vite.

Timothi Kerieu 1:16

Derei puo a ngumezhiekewa süu hasie puo pelelie di kechachie kerhei ngulieketuoko la a kephoumado-u rüli geinu puo mia gei puo nou shükhreshühiethor tuoyakezha thashü kieketuo la zo.

Timothi Kerieu 6:12

Kepeletsa n rhiechü di keperhielie; sidi kechachie kerheiu theze kemetei tha zolie, süu la n kielie mu no rei zhapumia kekra mhodzünu süu pushüshü vorta zo.

Timothi Kerieu 6:19

silie liro thiesie la u kinyi kengupie puo mvüdze kemeteiu gei balietuo, mu kerhei ketho-u se thalietuo.

Tita 1:2

süu tijülie kelho Ukepenuopfü thuo nnhiennhie nu pupie ketuo,

Tita 3:7

mu süusü ngukemezhie bu u chü kemezhüpie kechachie kerhei siedzeu nu kayiemia chülieketuo la zo.

Johan Kerieu 1:2

kerhei hau ngulie kevi chüshü, hie rei ngu zo, süla hie süu dze zhapu chüya, mu kechachie kerhei u Puou ze ketuo, hie pesipengukeshüu dze pie nie ki puya.

Johan Kerieu 2:25

Siro kechachie kerhei hauha, puo thuo u ki phrapie kezhüu zo.

Johan Kerieu 5:20

Ukepenuopfü Nuou vor di kesikele pie u tsü di u bu puoe ketho-u ücü silie; mu we Nuou Jisu Khristae ketho zocüu nou bate. Puoe ketho zokecüu Ukepenuopfü mu kechachie kerheiu zo.

Juda 1:21

nie ze kechachie kerhei nu voketuo u Niepuu Jisu Khrista ngukemezhieu pfhe keba ki ze nie thuo nie khapie Ukepenuopfü kekhrieu nu ba zolie.