Mathi 18:12 - Angami Naga CL (Re-edited) Bible (BSI)

¹² Nieko kedipuo le ga? Mhanuü mia puo tekuo krie puo ba di süko donu puo yotuota ro, puo kekrei hiethepfüethepfüko pie kijüthou gei tha di vo jüketayo pfhü lho üme?

Mathi 18:12 Iomraidhean Croise

Kediko Kerieu 21:17

Sitse Jihova die Elija Tishbiu ki vor di sie,

Chieliko 119:176

A jüketa tekuo puo tuoi rütsi tuote; n kituou pfhücie; a n diekhakeshüko rükra mota kemo la.

Isaya 53:6

U pete tekuo tuoi yotuote, u pete cha u tse va phrete, mu u kesuoko pete Jihovae pie puo gei shüshüte.

Jeremia 50:6

A themiakoe tekuo jüketamia chü tuote; uko kepfhekoe uko cha tha kekrüwate, uko ze rürei kijüthouko gei vowa; kijüthou geinu kijükhru gei vorte, ukoe uko kebachüu rükra mote.

Ezekiel 34:12

Kuopfhemia puoe tekuokroko donu yotuoketa kuoko pfhüyakezha tuoi, sütuoi a rei a kuoko pfhülietuo. Sidi kimhoushü ketuo teiki mu teizeibouikecü teiki uko cüre tuoketa thechü pete nunu uko kelalietuo.

Ezekiel 34:16

A jüketako pfhütuo, mu a yotuoketako ze la vorlietuo; mu a uko rüzako phashütuo, tsiu thachüketako chü kemeteishütuo, derei keluoko mu kemeteiko a pekawatuo. A kethoca se uko vachütuo.

Ezekiel 34:28

Seyieko uko peka salie lho, morei kijü nu khunuoko uko te salie lho; uko khrukhre di lhoutatuo, mu miapuorei uko bie kemide salie lho.

Ezekiel 34:4

Nieko thachü kebako chü kemeteishü mote, nieko kesuokenyüko chü keshürhoshü mo, nieko rüzapfüko phashü mo, nieko yotuoketako ze la vorshü mo; nieko jüketako pfhü mo, derei mia kemvü chü mu nie zho suo se di uko kekhaya.

Ezekiel 34:6

A kuoko cüre tuote, uko kijüthou pete mu kijükhru pete gei yotuote, a kuoko kijü zie pete gei cüre tuote, miapuorei uko pfhü morei uko siepie vo mo.

Mathi 12:11

Derei puo sie “Mhanuü nieko huomia tekuo puo nyi di sabat nhie süu te kheho puo nu leta ro, puo süu merhashü par chazou shü motuo me?

Mathi 18:13

Siro a nieko ki pu toushütuo, puo süu ngulie ro, jüta kemo hiethepfüethepfüko ki rei süyo la puo neikuotaya.

Mathi 21:28

“Siro nie kedipuo le ga? Mia puoe puo nuo kenie nyi; puo nuorieu ki vo di, ‘A nuo, no thie tsu a khubelie nu mhachücie.’

Mathi 22:42

“Nieko Khrista dze kedipuo le ga? Puo supuo nuo ga?” idi uko ketso. Sitse uko sie, “David nuou zo.”

Korintmiako Kerieu 10:15

A nieko ü mhakesimia üdi nie rüchüya, nieko thuo a die leliecie.

Pitor Kerieu 2:25

Kekreilamonyü nieko tekuo tuoi yotuo ru, tsie we nie ruopfü kepfheu mu rüguokezhau ki vorliete.