Mathi 17:9 - Angami Naga CL (Re-edited) Bible (BSI)

⁹ Siro uko kijüthouu geinu la kerzhü tse, Jisu sie uko ki, “Themia Nuou kesia nunu rheilasielie kemochie nieko kengu hau dze pie mia puo ki rei pu hiecie.”

Mathi 17:9 Iomraidhean Croise

Mathi 12:16

siro puo süko bu puo dze pu pesi hienu kekhawa.

Mathi 17:12

derei a nieko ki pushütuo, Elija vorwate, mu uko puo silie mota, di uko puo gei u nei u nyü chüwate. Sütuoi Themia Nuou rei uko dzie nu kemezhiekecü seüdzütuo,” sita.

Mathi 17:20

Sitse puo sie, “Nieko kepele ketsa la zo. Kekreilamonyü a nieko ki pu toushütuo, mhanuü nieko kepele gakrieshü de yopuorei bakecü sie nieko kijüthou hau ki, ‘No haki nu rüdi lutsa votacie,’ isishü rei süu rüditatuo, mu nieko mhakehoupuorei chülie kelho jütatuo.”

Mathi 17:22

Süsie uko Galil nu vor kengulieta tse, Jisu sie uko ki, “Themia Nuou tepie mia dzie nu shüwatuoü bate,

Mathi 17:23

mu uko puo dukhriwatuo, derei puo zha se nhie rheilasielietuo.” Sitse uko nousuo phita.

Mathi 17:8

Sitse ukoe tosie meho ru Jisu rübei sie miapuorei ngu mota.

Mathi 8:20

Siru Jisu sie puo ki, “Meseruko u ki nyi mu teirako rei u kru nyi, derei Themia Nuou we puo tsü se kezhü chü rei jü,” sita.

Mathi 8:4

Sitse Jisu puo ki, “Harie, no mia puo ki rei pu hiecie, derei mezhü zievo-u ki vo di puo bu n mehowacie; sidi mia bu no vilieketa silieketuo la Mosae chünukeshü ruosuou khashüwacie.”

Mark 8:30

Siru puo uko bu puo dze pie mia puo ki rei pu hienu di uko kha beiwata.

LUK THUKESHÜ DIELIEKEVI 8:56

Sidi puo puo puo zuo unie bu unie ngota; derei puo uko bu mha süko se mia puo ki rei pu hienuwa.

LUK THUKESHÜ DIELIEKEVI 9:36

Siro die süu pu kevor ki Jisu rübei tha di kengu zota. Süsie uko mha pu mo zeita, mu puotei sükiko uko mha kenguko puorei se mia puo ki rei pu mo.