Mathi 17:18 - Angami Naga CL (Re-edited) Bible (BSI)

¹⁸ Sidi Jisue terhuokesuou kechüshü, sitse süu unuoyo geinu prata, mu nuo süyo sütei touki shürholieta.

Mathi 17:18 Iomraidhean Croise

Mathi 12:22

Süki mia terhuokesuo bu kebi ze ketuo puo mhicie mu liehuokecü puo ze puo ki vor; ru puo süu chü pevishü, sidi keliehuo süu bu die pulie mu mha ngulie.

Mathi 15:28

Süla Jisu hapfü ki, “Thenupfü, n kepele zha za ha! N kemenguu chüpie n ketsüu chüliecie.” Sitse sümesetouki puo nuopfü sü vilieta.

Mathi 17:17

Sitse Jisu sie, “Harie, kepele kejü mu ziezhü kemo phouu, a bu kichiepuo nieko ze batieya mu? A bu nieko gei kichiepuo a kethe ba zotuo ga? Puo ze haki vorcie!”

Mathi 17:19

Süsie pethakelieko thuo krei puo ki vor di sie, “Kiüdi hieko terhuokesuou whuolie lhota ga?”

Mathi 9:22

Süki Jisu reipra süpfü ngulie di puo ki, “A nuopfü, n dzüzieliecie! N kepele thuo n chü keshürhoshüwate ho.” Siru thenupfü shürho mhalieta.

Mark 1:34

Sidi puo kechükenyü neiüko kekra rei chü keshürhoshü mu terhuokesuo kekra rei whuowa; siro puo terhuokesuoko bu mhapuorei pu mota, kekreilamonyü süko puo supuo shicü siketa la.

Mark 5:8

Kekreilamonyü Jisu puo ki, “Harie, mesa kemo ruopfüu no themia hau geinu tuo prataliecie,” isiketa la.

LUK THUKESHÜ DIELIEKEVI 4:41

Süki terhuokesuoko kekra rei ruorüi di, “No Kepenuopfü Nuou zo,” isi di mia kekra geinu prata. Siro puo terhuokesuoko kekhawa di süko bu die pu mvüta, kekreilamonyü süko puo üse Khrista zo ükecü siketa la.

LUK THUKESHÜ DIELIEKEVI 8:29

Kekreilamonyü puo themia süu geinu mesa kemo ruopfüu bu pratanu di putakecü la, (ruopfü süu hamhodzü phi puo ketsi ze tuota; sidi mia bu puo pfhe baya, tsiu thegiro mu phikha se puo phapfü baya zo; derei puo kepha sükosü biethe phaphawa di terhuokesuou bu puo kechü ze rayhako nu tsutatayacü la).

LUK THUKESHÜ DIELIEKEVI 9:42

Siro unuoyo phirzhü tse, terhuokesuou puo pfü kelhoupie kijü vapiezhüwa, di puo bu puo ketarerepfü zhüta. Derei Jisu mesa kemo ruopfüu kechüwa di unuoyo chü pevishü, sidi puo khapie puo puo tsüwa.

Mhakechüko 16:18

Puo zha kekra si tuota. Hau Paul keyhu phiketa la reipra ruopfüu ki, “A Jisu Khrista za se n bu puo geinu partanuyawe!” Sitse bavüdo süu tou nu süu prata.