Mathi 17:10 - Angami Naga CL (Re-edited) Bible (BSI)

¹⁰ Sitse pethakeliekoe puo ketso di, “Kiüdi thezhokepethako Elija bu vor rietuo ücü puya mu?” ita.

Mathi 17:10 Iomraidhean Croise

Mathi 11:14

tsiu nieko süu lietuo üro, puoe vortuo üdi pupie kezhü Elijau zo.

Mathi 16:14

Sitse uko sie, “Huomia pucü Johan mia dzülukepfüu üya, kekreiko pucü Elija mu huomia Jeremia morei siedzekesiko mia puo üyalie.”

Mathi 17:11

Sitse puo la sie, “Elija vor di mha peteko chü pevi la zotuo ketho,

Mark 9:11

Süsie uko puo ketso di, “Kiüdi Thezhokepethako Elija bu vor rie morosuo ükecü puya ga?”

Johan 1:21

Sitse uko puo ketso di, “Siro ki-a? No Elija me?” Puo sie, “A süu mo.” Süsie “No siedzekesiu me?” Puo sie, “Mo.”

Johan 1:25

Sitse uko puo ketso di, “Noe Khrista rei mo, Elija rei mo, siedzekesiu rei mo üro, no kiüdi mia dzülu khashüya ga?”