Mathi 16:16 - Angami Naga CL (Re-edited) Bible (BSI)

¹⁶ Siru Simon Pitor sie, “No Khristau, rhei tuoyakezha Ukepenuopfü Nuou zo.”

Mathi 16:16 Iomraidhean Croise

Chieliko 2:7

A Jihovae thezho khakeshüu putuo: Puo a ki pu di, “No a nuo zo; a thie n penuoshü.

Chieliko 42:2

A ruopfüe Ukepenuopfü mengu di terhü tuoya, rhei ketuo Kepenuopfü, a bu kicükipuo Ukepenuopfü mhingu nu vor thalie ta?

Daniel 6:26

A thezho puo chüshüya, süusü a kedirüvie nu kelhou themia pete Daniel Kepenuopfü mhodzünu michie mu pe zoliecie: Puo rhei tuoyakezha Kepenuopfücü la, kechachie baya. Puo kedi mhakipuorei katalie lho, tsiu puo mha kekhakecü puo thela jü.

Mathi 1:16

mu Jakob nuo Maria nupfu Josef penuolie, mu puo geinu Jisu Khrista ükecüu penuolie.

Mathi 14:33

Süki rouu nu ketuoko vor puo rüsuo di sie, “No Ukepenuopfü Nuou ketho zo,” sita.

Mathi 16:15

Puo sie uko ki, di siro “Nieko a üse supuo üya ga?”

Mathi 26:63

Derei Jisu kemekrieta. Sitse zievokezhatho-u sie puo ki, “A tsie rhei tuoyakezha Ukepenuopfü za nu n bu rüse di putuo, no Khristau, Ukepenuopfü Nuou zo me?”

Mathi 27:54

Siro süki kriemhokezhau mu puo ze Jisu pfhe ketha chüpahiko kiükishüketa mu mhachüketako pete ngu di michie phita, di sie, “Hau Ukepenuopfü Nuou ketho zo!” sita.

Mathi 4:3

Sitse kedokecüu vor di sie puo ki, “No Ukepenuopfü Nuou üro, ketsie hako ki pushü di uko bu niekhrüda meviliecie,” sita.

Mark 14:61

Derei puo kemekrieta di mhapuorei pu mota. Sitse zievokezhatho-u la sie puo ki, “No Khristau, Thejakepfütho-u Nuou zo me?”

LUK THUKESHÜ DIELIEKEVI 2:11

Thie David rüna nunu Kelakelieu Niepuu Khrista sü penuoliete ho.

Johan 1:49

Sitse Nathaniel puo ki, “Kepethau, no Ukepenuopfü Nuou zo! No Israel kediu zo!”

Johan 11:27

Sitse hapfü sie puo ki, “U, Niepuu, no Khristau, Ukepenuopfü Nuou kijü nu vorketuou ükecü a pele tou zo.”

Johan 20:31

Derei mha hako thukelie nie bu Jisue Khristau, Ukepenuopfü Nuou ükecü pelelie mu puo pelelie di puo za nunu kerhei ngulieketuo la zo.

Johan 6:57

Rhei tuoyakezha Puou a ketsekeshü tuoi, mu Puou la a rei rhei ketuo zo, süla kehoupuorei a chü cükezhamia a la rheilie zotuo.

Johan 6:68

Sitse Simon Pitor puo ki, “Niepuu, hie bu supuo ki vo ta? No kechachie kerhei dieko ba.

Johan 6:69

Mu hie tsie we noe Ukepenuopfü kinu kevor Kemesau ükecü si mu pelete.”

Mhakechüko 14:15

“Kezeko, nieko kiüdi hau chüya ga? Hie rei nie kemhie themia ze, mu hienie nie bu mha kemethuo hako nunu rüreise rhei tuoyakezha Ukepenuopfü, tei, kijü, dzükezha mu sünu ketuo pete chükeshüu ki volieketuo la dieliekeviu se kevor zo.

Mhakechüko 8:36

Sidi unie keze cha nu vozhü ru vo thechü puo nu dzü keba ngulie, sitse iunuk-u sie “Haki dzü ba. A dzülupfülieketuo chakha huo ba me?”

Mhakechüko 8:37

(Filip sie puo ki, “No n nou pete se peleta ro dzülupfülie vi zo.” Sitse puo sie, “A Jisu Khristae Ukepenuopfü Nuou zokecü pelete.”)

Mhakechüko 9:20

Sidi puo kenourhei sinagog nu vo di Jisu dze pu di sie, “Puo Ukepenuopfü Nuou zo,” sita.

Rommiako 1:4

mu ruopfü kitsa kemesa lesie ro kekuo geinu Ukepenuopfü Nuou zo ükecü kesia nunu rheilasiekelieu geinu thashü, u Niepuu Jisu Khrista

Korintmiako Kenieu 1:19

Kekreilamonyü, Silvana, Timothi hieko Ukepenuopfü Nuou Jisu Khrista dzepie nie pethashüketau, “Uü mu Moü” kezhau mo zo. Puo gei zowe “Uü” kecüu rübei zo.

Korintmiako Kenieu 3:3

mu niekoe hie bu thukeshü Khrista leshü puota zo, süusü kethudzü se thu monyü rhei tuoyakezha Ukepenuopfü Ruopfüu se thuliete, tsiekrako geinu monyü themiako melou chü geinu thulieta zo.

Korintmiako Kenieu 6:16

Sizomonyü Ukepenuopfü rüsuokiue terhuorhiko ze kedipuo kepupie zhü ga? Kekreilamonyü we rhei tuoyakezha Ukepenuopfü rüsuokiu zo; süla Ukepenuopfü thuo pukecü, “A uko donu lhou di uko ze tuotuo, mu a uko Kepenuopfü chütuo, siro ukoe a themia chütuo.

Pulakeshüzho 5:26

Kekreilamonyü kerhei Kepenuopfü mi donunu die pukeshü hie we sikecü mhie si di rhei ba zokecü chüüphou chükepfü donu suomia ba ga?

Thesaloniako Kerieu 1:9

Thechü süki kelhouko thuo hie kimhie di nie ki volie shiü, tsiu nie rei kimhie di miarhi kerüsuoko nunu rürei Kepenuopfü kitsa volie shicü, mu rhei tuoyakezha siro ketho Kepenuopfü kitsa volie shicü pu tuote,

Timothi Kerieu 3:15

mhanuü a menyhuota rei Ukepenuopfü kikruu nu kebamia u zho kimhie ba morosuo shiü n bu si nyü, ki süu rhei tuoyakezha Ukepenuopfü kehouu, ketho-u toupfü keba co-u zo;

Timothi Kerieu 4:10

Rheituoyakezhau Ukepenuopfü gei hie kemerü pie bakelie la, hie hie teitsochü mhachü kemezhie tuo zo, puo sü themia pete Kelakelieu zo, sirei kemiathoko la pekuo.

Ibriko 10:31

Rhei tuoyakezha Ukepenuopfü dzie nu letuo ükecü mha kemichie kezha se puo zo.

Ibriko 12:22

Derei nieko Zion Kijüthou, kerhei Kepenuopfü nadiu, teigei Jerusalem, mu puo dieliemia phrü hulie kelho kerütsopfü di vor kengu kebau, nu vorte,

Ibriko 3:12

Süla a kezeko, nieko mia puo bu rei pele kemvü thenou kerüzhü nyita di rhei tuoyakezha Ukepenuopfü kinu rüreiketa keprei la menuoliecie.

Ibriko 9:14

süki rei Khrista zieu we u chü kemesakuoshü motuo me, puoe kechachie Ruopfüu geinu puo thuo puo chüpie pejolie kelho chü Ukepenuopfü tsükeshü la, sidi kesia mhatho chü tuoketa nunu u chü kemesawa di u bu rhei tuoyakezha Ukepenuopfü lie chüketuo la.

Johan Kerieu 4:15

Kehoupuorei Jisu üse Ukepenuopfü Nuou zo üdi phrayakezhamia Ukepenuopfüe sümia nou baya, mu sümia rei Ukepenuopfü nou baya.

Johan Kerieu 5:20

Ukepenuopfü Nuou vor di kesikele pie u tsü di u bu puoe ketho-u ücü silie; mu we Nuou Jisu Khristae ketho zocüu nou bate. Puoe ketho zokecüu Ukepenuopfü mu kechachie kerheiu zo.

Johan Kerieu 5:5

Siro Jisue Ukepenuopfü Nuou zo ükecü peleyakezhau sie kijüu ki kuolieyakezhamia suomia ga?

Pesikeshü 7:2

Sitse a teigeidieliemia kekrei puo rhei tuoyakezhau Ukepenuopfü zasi pie di niathutsa nu tuo parkezhü ngu, tsiu puo melie puo rhiechü di teigeidielie diako kijü mu dzükezha pekawalie kevi kekuo pie tsüwaketako kieshü,