Mathi 14:2 - Angami Naga CL (Re-edited) Bible (BSI)

² sitse puo sie puo kituoko ki, “Hau Johan mia dzülukepfüu zo; puoe kesia nunu rheisiete, süla ungomhatho hako puo geinu chü keba zo,” sita.

Mathi 14:2 Iomraidhean Croise

Mathi 11:11

A nieko ki pu toushütuo, thenumia geinu lhou keparko donu Johan mia dzülukepfüu ki kezha puorei lhou sier mo; derei teigei kedi nu we kecütho-u zorei puo ki zhakuo.

Mathi 16:14

Sitse uko sie, “Huomia pucü Johan mia dzülukepfüu üya, kekreiko pucü Elija mu huomia Jeremia morei siedzekesiko mia puo üyalie.”

Mathi 3:1

Süteikiko Johan mia dzülukepfüu vor Judia rayhau nunu mia petha di sie,

Mark 6:14

Süki Jisu za meyie tuoketa kediu Herod rei silie. Sitse huomia sie, “Johan mia dzülukepfüu kesia nunu rheilasierte; süla puo geinu kekuo mhatho hako chüyakezha zo.”

Mark 8:28

Sitse uko sie puo ki, “Johan mia dzülukepfüu; mu kekreiko Elija ü, tsiu huomia we siedzekesiko mia puo üsiya.”

LUK THUKESHÜ DIELIEKEVI 9:7

Siro Herod kezhau mha süko dze pete sishü di puo noumecata, kekreilamonyü themiako huomia Johan mia dzülukepfüu kesia nunu rheisietaü,

Johan 10:41

Süla themia kekra puo ki vor di sie, “Johan zowe u ngo zasi puorei chü mo, derei Johan themia hau dze kepu pete ketho phreta ze ha.”