Mathi 13:57 - Angami Naga CL (Re-edited) Bible (BSI)

⁵⁷ Sidi uko puo gei unou kekrüta. Derei Jisu uko ki, “Siedzekesimia puo thuo puo ramia mu puo kikruu nu zo kemosie mia puo rhuyakemo jü.”

Mathi 13:57 Iomraidhean Croise

Isaya 49:7

Jihova, Israel Rhakelieu mu puo Kemesau, seyieko puo kemecüu, puo rütse phikecüu, mha kekhakezhako thekeu ki puya; “Jihova, kedietho-u, Israel Kemesau, nie kedakelieu la, kedikoe ngu di siethalietuo, kedinuoko rei u thuo rünuotsu n kelutuo.”

Isaya 53:3

Mia puo mecü mu puo melie; kemezhiekecümia puo chü mu kelhokemezie si; mu mia puo ngu ro u zie kevietayakecü puo tuoi mia puo pie kethese, siro we zorei puo le ketherhu mo.

Isaya 8:14

Siro puoe kemesachü puo, mia petsoukecü tsie puo chütuo, kekreilamonyü Israel ki kenienie la thephi kemesü puo mu Jerusalempfüko la kebie puo tsiu ciephrie puo chütatuo.

Mathi 11:6

Mu kehoupuorei a gei jata kemomia thejakepfütho.”

Mathi 13:58

Siro ukoe puo pele moketa la, sünu ungomhatho chü pekra mota.

Mark 6:1

Süsie puo sünunu pra di tuo puo thuo puo ra vorta, mu puoe pethakelieko rei puo siemedzi vo.

Mark 6:14

Süki Jisu za meyie tuoketa kediu Herod rei silie. Sitse huomia sie, “Johan mia dzülukepfüu kesia nunu rheilasierte; süla puo geinu kekuo mhatho hako chüyakezha zo.”

Mark 6:3

Hauha sei mistiri, Maria nuou mo me? siro Jakob mu Joses tsiu Juda mu Simon-nuoko dzürieu mo me? Siro puo üpfünuoko rei u ze haki lhou ba mo üme?” Sidi uko puo gei u nei mota.

Mark 6:4

Sitse Jisu sie uko ki, “Siedzekesimia puo thuo puo rakhe nu, puosepuoyiemia mu puo kicükinumia donu zo kemosie puo rhu kemo jü.”

LUK THUKESHÜ DIELIEKEVI 4:24

Siro puo sie, “A nieko ki pu toushütuo, siedzekesimia puorei puo thuo puo rakhe nu zo we mia puo rhuya mo.

LUK THUKESHÜ DIELIEKEVI 7:23

Siro kehoupuorei a gei jata kemomia thejakepfütho,” sishü.

Johan 4:44

(Kekreilamonyü siedzekesimia puo thuo puo rakhe nu zo we therhu jü ükecü Jisu puo thuo pushü zeru).

Johan 6:42

Süla uko sie, “Themia hau, Josef nuou, hie puo puo mu puo zuo kesiu Jisu mo me? Siüro puo tsie kiüdi, ‘A teigei nu kerwe,’ ikecü puya ga?”

Johan 6:61

Derei Jisue pethakelieko panya tuoketa silie di sie, “Die hau la nieko nou kekrüte me?