Mathi 13:23 - Angami Naga CL (Re-edited) Bible (BSI)

²³ Derei tsia vapie kijü kevi nu shükewau zo we dieu rünyülie di puoca silie; mu puo si rüchülie petuoya, sidi huo krie puo; huo hiesorou mu huo ser vülieya.”

Mathi 13:23 Iomraidhean Croise

Ezekiel 18:31

Nie a petsou di mha kesuo kechü pete chü kediwaliecie, sidi nie thuo thenou kesa tsiu ruopfü kesa lieliecie! Kiüdi nie siatatuo üya mu? He-i Israel kiu.

Ezekiel 36:26

A thenou kesa puo khapie nie tsütuo mu ruopfü kesa puo pie nie gei shütuo; siro a nie geinu ketsie tuoicü melouu chüwatuo, sidi thenou kemene khapie nie tsütuo.

Mathi 12:33

“Seibo-u theke pevishülie, siro puo si kevi vülietuo; moro seibo-u theke pesuoshülie, siro puo si kesuo vüshütuo; kekreilamonyü puo si geinu puo bo-u silieyakezha la.

Mathi 13:8

Derei kekreiko te kijü kevi nu tsulie di puo si vülie, huo krie puo, huo hiesorou mu huo ser.

Mathi 3:10

Siro tsie rei seidurü seiboko phi nu zhü zo, süla seibo kehoupuorei puosi kevi vüliekemoko wiwatuo, sidi kelhoupie mi nu shüwatuo.

Mathi 3:8

Süla thenoukedikelie siu bu rüchü parliecie.

Mark 10:15

A nieko ki pu toushütuo, kehoupuorei nhicunuomia yopuo tuoi Ukepenuopfü kedi lielie kemosie puo sünu lelie kenjü zo.”

Mark 4:20

Siro prupie kijü kevi nu shükelieko hakoha: Uko dieu rünyülie mu lielie, di u si rüchülie, sidi huo ser, huo hiesorou mu huo krie puo vülie.”

LUK THUKESHÜ DIELIEKEVI 13:9

Süsie puo si vülie ro vi zo, mota ro süze süu wi reiwacie.’ ”

LUK THUKESHÜ DIELIEKEVI 8:15

Siro kijü kevi nu tsukelieko we dieu rünyülie di u nou dietho tsiu mezhü mu u shüshüta mo di süu se zo tha u si vükelieko zo.

LUK THUKESHÜ DIELIEKEVI 8:8

Siro huo te kijü kevi nu tsulie, sidi süko zha sier di thekrie vülie.” Sidi puo mha hako pushükewa sie, “Kehoupuorei u nyie nyi di rünyü kenyümia sümia bu rünyüliecie!” idi shieshü.

Johan 15:16

Nieko a kedalie mo, derei a thuo nie kedalie. Nieko bu vo nie si vülie mu nie si süu bu ba seilieketuo la a nieko pethoshü, mu nieko mhakehoupuorei a za nunu Puou ki cha ro puo süu chüshü nie tsütuo.

Johan 8:47

Kepenuopfü kinu kevormia kehoupuorei Kepenuopfü dieko rünyüya. Sirei nieko Ukepenuopfü kinu vor kemo la süko rünyüya mo.

Mhakechüko 16:14

Süki puo za Lidia, Ukepenuopfü rüsuoyakezhapfü puo, hieko die rünyü ba; puoe Thiatira nadiu nunu vor mu pfhe meriemegekecü lhi chüya. Niepuu thuo puo nou khrüshü di Paul die pukeshüko rünyü menuolie.

Mhakechüko 17:11

Hanu keba Judako Thesalonika nu kebako ki u nou mezhükuo, kekreilamonyü ukoe u nei siei di dieu lielie mu die süko puotou mo mo shiü silieketuo la teisonhie kethodieko pfhü phrüya.

Korintmiako Kenieu 9:10

Siro cieketuo la tsia mu kecüca la niekhrüda khashüyakezhau nie bu cielieketuo la tsia khashü mu chü pekrashütuo sidi nie kemiatho lieyieu bu kralietuo.

Filipiko 1:11

tsiu Jisu Khrista geinu voryakezha kemiatho siu bu nie tshulie di Ukepenuopfü bu thetshe mu zayie chülieketuou zo.

Filipiko 4:17

A mha methuo ngukelie pfhü mo, derei nieko za nu kengupie kezhüu bu mevipie süu salieketuo kepfhü zo.

Kolosiko 1:10

sitse nie Niepuu nei chü di lhoulie, puo nei puo medoko chü tseiütsolietuo, tsiu nie bu mhatho kevi neiüko nu nie si rüchülie mu Ukepenuopfü mhasi dzetsa vi kehielietuo.

Kolosiko 1:6

süu nie ki vorte. Süu puo si vülie mu memie se kijü pete nu vote, sütuoi nieko donu rei süu dze silie therie nunu puo si vü sedelie mu Ukepenuopfü ngukemezhie si touliete.

Thesaloniako Kerieu 4:1

Cüsie hie kezeko, hie Niepuu Jisu nunu nie ki cha mu nie hüshüya, süusü, nie hie kinu sikelie tuoi kimhiei di lhou morosuo shi mu Ukepenuopfü nei kechü kelhou nu tuolietuo shicü (nie rei sicü nu lhouya), mu sü kezie rei chülienushüya.

Thesaloniako Kenieu 2:10

mu kerüzhü zho kekra se katatuoükezhüko seketsituo, kekreilamonyü süko ketho-u khrielie di kelalietuo ücü chü mvütakecü la.

Ibriko 4:2

Kekreilamonyü süko sikelie tuoi di we dieliekeviu silie, derei uko silieketa die süu uko la kepra jüte, kekreilamonyü uko süu kerünyü ki kepele sa balie moketa la.

Ibriko 6:7

Kijü kehoupuorei tsiekenuo teirü tsurkecüu krielie di mha leikeshüko petsüpethepie ciekeshümia tsüya liro Ukepenuopfü theja ngu salietuo.

Ibriko 8:10

Teisozha süko sie a Israel kiu ze dietseidiekho ketuou hauha zo, Niepuue puya: A a zhoko pie uko nou shütuo, sidi uko melou nu thushütuo, tsiu a uko Kepenuopfü chütuo, mu uko a themia chütuo,

Pitor Kenieu 3:18

Derei u Niepuu mu kelakelieu Jisu Khrista mhasi tsiu ngukemezhie nu memie sielie. Puo bu tsie rei mu kechachie zapuzayie chücie. Amen.

Johan Kerieu 5:20

Ukepenuopfü Nuou vor di kesikele pie u tsü di u bu puoe ketho-u ücü silie; mu we Nuou Jisu Khristae ketho zocüu nou bate. Puoe ketho zokecüu Ukepenuopfü mu kechachie kerheiu zo.