Mathi 13:19 - Angami Naga CL (Re-edited) Bible (BSI)

¹⁹ Themia huo kedi dieu rünyülie di puoca lelie mo keba nu, kesuou vor di puo melou nu leketau sesetaya; haue tsia te cha nu tsuketau zo.

Mathi 13:19 Iomraidhean Croise

Mhasidie 1:7

Jihova khrükepreie mhasi bode zo; sirei mhalekemomiae mhasidie tsiu kepethadie rütseya.

Mhasidie 17:16

Mhasi khrüketuo la mhalekemomia dzie nu puoma kikecüpuo batuomu, puo noule-e süu ba mo zocü la.

Ezekiel 31:18

Iden seiboko donu supuoe n zayie mu n kezha mhie ga? Sishierei no Iden seiboko sa di kijü pekhrotsa tsutatuo; noe u zhürekemoko donu zhütatuo, zhiecha geinu siaketako ze di zhütatuo. Faro mu puo krodiu pete hakemhie chütuo, Niepuu Jihovae puya.

Mathi 12:26

Siro Satan thuo Satan whuota ro, puo thuo puo pfüphrote, siliro kikidi puo kedi thalie ta?

Mathi 13:20

Tsia te ketsietsoruko gei tsuketau liro rünyüshü mu u nei siei di lie mhaikelieu mhie zo.

Mathi 13:38

lieu sü kijüu, mu tsia keviko sü kedinuonuoko; zotshü tsiako sü kesuou nuonuoko zo;

Mathi 4:23

Süsie Jisu tuo Galil kijü pete nu vo di sinagogko nunu mia petha mu kedi dze dieliekevi pupie mia kie, sidi kechükenyü neiüko pete chü keshürhoshü.

Mathi 5:37

Derei nie die bu ‘U’ ro ‘U’ ülie ‘Mo’ ro ‘Mo’ ülie, mo di süu zieta ro kesuou kinu zo.

Mark 4:15

Mu dieu prupie cha khie shükewako hako zo: uko silie tse, Satan kenourhei vor dieu te uko nou keleko seseketako zo.

LUK THUKESHÜ DIELIEKEVI 10:9

tsiu rüna süu nu kechükenyüko chü keshürhoshülie, mu uko ki, ‘Ukepenuopfü kedi vor nie penuo batewe,’ idi pushülie.

LUK THUKESHÜ DIELIEKEVI 9:2

sidi puo uko bu Ukepenuopfü kedi dze pupie pethashünu mu mia chü keshürhoshünu ketseshü.

Johan 18:38

Sitse Pilat sie puo ki, “Ketho-u sü kedipuo ga?” Puo mha hau pukewa sie, puo Judako ki la par di uko ki, “A zowe puo kejo puorei ngulie mo.

Johan 8:43

Nieko kiüdi a kepuu silie mo ga? Süu nieko a die rünyü kemvü la zo.

Mhakechüko 17:32

Kesiamia rheilakesie dze sishü tse, uko huomia udzü thevita; derei kekreiko sie, “Hie hau dze n kinu rünyü latuo,” sita.

Mhakechüko 18:15

derei hau die kro puo mu theza kro puo mu nie thuo nie zho nunu keprülikecü puote ru nieko thuo meholietacie; a thenyie haicü ca nyü mo!”

Mhakechüko 20:25

“Siro harie a nieko donunu Ukepenuopfü kedi dze pu petha tuokecüko nieko miapuorei cüsie a zie ngu lalie lho zokecü a si bate.

Mhakechüko 28:23

Süla uko khunhie puo vor puo ze keseketuo zhau chielie tse sünhie uko themia kekra puo bayakezha kiu nu vorlie. Siru puo khise nu vo theva ketso Ukepenuopfü kedi dze pu menuopie uko kieshü, mu puo uko bu Jisu dze si toulieketuo la Mosa zho-u nunu mu siedzekesiko leshüko nu kepu cako vatsha menuoshü.

Rommiako 1:28

Siro ukoe Ukepenuopfü pie uko nou shü nyü moketa tuoi, Ukepenuopfü rei uko khawa di u bu chü zhü kemoko chü tsiu thenou rüporüvükecü nu shüwate.

Rommiako 14:17

Kekreilamonyü Ukepenuopfü kedi-e kecükekrietsa monyü kemiatho tsiu noune mu Kemesa Ruopfü nunu u neikecüu zo.

Rommiako 2:8

derei kehoupuorei u thuo u zhazhü le mu ketho-u dieze chü mo di kerüzhü chüyakezhamia gei puo noupfhü rushütuo.

Efesako 3:8

Kemesako donu kecütho-u zorei, ngukemezhie hau khapie a tsü di a bu dieliekeviu pie Judakemoko ki, si ketsolie kelho Khrista kinyiko dze punu,

Thesaloniako Kenieu 2:12

ketho-u pele mvü di miatho kemo u neiyakezhako pete pejowatuo.

Ibriko 2:1

Süla we rünyülieketau therhieta molieketuo la u terüchü süu le menuo sakuoshülie zhüte. Sitse sünunu u hepfü tata lho.

Johan Kerieu 3:12

We Kain, kesuou kinu vor di puo siezeu Abel dukhrikewau mhieta suo. Mu kiüdi puo dukhriwa ga? Puo mhatho-u kekrü mu puo siezeu mhatho-u puotouketa la zo.

Johan Kerieu 5:18

Ukepenuopfü nunu penuolieketako we kephouma chü zo bataya mo; derei Ukepenuopfü nunu penuolieketako rüguose bataya, sidi kesuou bu uko biewaya mo.

Johan Kerieu 5:20

Ukepenuopfü Nuou vor di kesikele pie u tsü di u bu puoe ketho-u ücü silie; mu we Nuou Jisu Khristae ketho zocüu nou bate. Puoe ketho zokecüu Ukepenuopfü mu kechachie kerheiu zo.