Mathi 11:5 - Angami Naga CL (Re-edited) Bible (BSI)

⁵ Mhiciemia mha ngulie bate, phiyhomia chatuolie bate, mpa kechüko chü kemesalie bate, nyievümia mhapfhe silie bate, kesiamia rhei lalie bate, tsiu dieliekeviu pupie kejümia kieshü bate.

Mathi 11:5 Iomraidhean Croise

Kediko Kenieu 5:14

Sitse puoe tuo ke, sidi Kepenuopfü themiau die tuoi va thenie Jordan nunu petseshü, sitse puo chü nuoranuomia chü tuoi parta, di puoe mesalieta.

Kediko Kenieu 5:7

Siro Israel kediu leshüu phrüshü tse, puo pfhenei cierha di sie, “A Ukepenuopfü üme, dukhriwa mu perheilie vi üdi, themia hau mpa kechümia puo chü kemeneshünu ketse a ki shüya me? Leshücie, puoe kimhie di a ze kezesuolietuo shicü cha pfhü bate,” sita.

Chieliko 146:8

Jihovae mhicieko mhi chü pevishüya, Jihovae nuketsuketako phou piesieshüya; Jihovae kemiathoko khrieya.

Chieliko 22:26

Ketsopfhümia mhacü di u kelhuo chülietuo; Jihova kepfhüko puo tshetuo; nie melou bu kechachie rheituocie.

Toukepra 4:11

Süsie Jihovae puo ki, “Supuo themia tie chüshü ga? Supuonie puo chüpie liehuo, morei puo nyie rüvü, morei mha ngulie, morei puo mhiciekecü chüshüya ga? Süu A, Jihova thuo mo üme?

Isaya 29:18

Sünhie nyievüko leshütshüu nu dieko rünyütuo, mu mhiciemia rei merü mu zeikecü nunu mha ngutuo.

Isaya 29:19

U zho kemenekoe Jihova geinu u kenei kesa ngulietuo, mu ketsopfhümia rei Israel Kemesau geinu u nei phituo.

Isaya 43:8

Themia u mhicie rei u mhi nyikecüko, u nyie rüvü rei u nyie kenyiko ze vorlie!

Isaya 66:2

Mha hako pete a dzie thuo chüshü, mu süla mha hako pete a vie, Jihovae siya. Derei a haikecü themiau mehotuo, puo nou rünuo mu puo ruopfü nouzhie nyi di a die si di pekecüu.

Zekaria 11:7

Süla a tekuo lhi chüyakezhako sou nu, dukhriwatuo ükezha tekuokro-u kepfhe chüte. A kethe kenie selie, puo za thopie Keneiu chü, kekreiu za pie Kezepuokechü üdi kie, sidi a tekuo vachü.

Mathi 10:8

Kechümia chü keshürhoshülie, kesiamia chü perheishülie, mpa kechümia chü kemeneshülie, mu terhuokesuoko whuowalie. Nie methuo ngulie zeru, methuo zashücie.

Mathi 11:4

Sitse Jisu sie uko ki, “Nieko vo di Johan ki nie kerünyü mu kenguko pushücie:

Mathi 12:13

Sidi puo themiau ki, “N dzie petoshücie,” sitse puo chashü ru süu vi lapie kekreitsatie mhielieta.

Mathi 21:14

Süki mhiciemia mu kerünyiemia rüsuoki nu zo puo ki vor ru puo süko chü keshürhoshü.

Mathi 5:3

“Ruopfü kitsa ketsopfhüko thejakepfütho, kekreilamonyü teigei kedi süko vie zokecü la.

Mathi 9:30

Sitse unie mhi mha ngu parta. Ru Jisu unie kha bei di sie, “Mia puo bu rei hau si hiecie,” ishü.

Mark 7:37

Sitse themia pete u ngo pie u ngothorta di sie, “Puo mhakehoupuorei chü pevi seshü ze; puo nyievümia bu rei mhapfhe silie mu keliehuomia bu rei die puliete!” ita.

Mark 9:25

Siro Jisu krodiu ta kewhuo vorkezhü ngu tse puo mesa kemo ruopfü süu ruo di sie puo ki, “Keliehuo mu nyievü ruopfüu, a n ki puya, no puo geinu pratacie, sidi mhakipuorei puo nou la le hiecie.”

LUK THUKESHÜ DIELIEKEVI 4:18

“Niepuu Ruopfüu a gei tuo, puo a bu dieliekeviu pie kejüko ki punu a kenhelieketa la. Puo a bu miadie chüketuoko khashüwaketuo pushieshünu, siro mhicieko bu mha ngu lalieketuo punu, tsiu mia bu u pesekezhako khashünu,

Johan 10:25

Jisu uko ki, “A nieko ki pushüwate, mu nieko pele mote. A a Puou za nu mhachüyakezhako sü a zhapuko zo,

Johan 10:38

Derei a süko chüya liro, nieko thuo a pele morei, mhathoko we peleliecie, sitse niekoe Puou a nou ba mu a rei Puou nou bakecü silietuo.”

Johan 2:23

Süsie puo Ciekevonyiu nu Jerusalem nu keba ki zasi chükeshüko ngu di mia kekra puo za nunu pelelie.

Johan 3:2

Puo theva ze Jisu ki vor di puo ki, “Kepethau, no ha Ukepenuopfü kinu kevor kepethamia puo ükecü hie si ba; Ukepenuopfü u ze tuo kemosie miapuorei noe chükeshü zasi hako chülie kenjü zocü la.”

Johan 5:36

Derei a zhapu Johan zhapuu ki rei zhakuokecü puo ba; Puou a bu chü tseishünu di khashü a ketsü mhatho a chüyakezhako thuo Puou a ketsekeshü thashüya.

Johan 9:7

sidi puo ki, “No vo di Siloam zieu nunu khrüwalie.” (Siloam ca Ketsekeshü). Süsie puo vo di khrüwa mu mha ngulie di la vorta.

Mhakechüko 2:22

“Nie Israelmiako, a die rünyüshücie: NazaretJisu ha, nieko rei si keba tuoi, Ukepenuopfü thuo puo geinu kekuo mhathoko, u ngoko mu zasiko chü di puo zo ücü thashü,

Jakob 2:5

A khrieko, rünyüliecie. Ukepenuopfüe kijü hanu mhakejüko kedapie uko bu kepeletsa mhakenyimia mu puo khrieyakezhako la phrapie kezhü kedirüvieu kayiemia chülieta mo üme?