Mathi 11:3 - Angami Naga CL (Re-edited) Bible (BSI)

³ mu uko puo ki, “Mia puo vortuoü ketuou no me? Mo hie bu kekrei puo merü batuo ga?”

Mathi 11:3 Iomraidhean Croise

Keriekitho 12:3

Ae japie ja n ketsümia tsütuo mu n kerüsemia rüsetuo; mu n geinu kijü nu kikru pete bu theja ngutuo.”

Keriekitho 3:15

A thenupfü nnie bu kengumvütuo, puo yie mu n yie donu, puo n tsü bietshietuo, mu no puo phitshü medutuo.”

Keriekitho 49:10

Juda kinu kedi theu tuotalie lho, mha kekhakecü theu rei puo phinie cielie lho, mia khezhanuo puo tsü, mu die ze vor kemochie.

Chieliko 118:26

Jihova za nunu kevor-u thejakepfütho zo. Hie Jihova ki nunu japie nie tsüya.

Isaya 7:14

Süla Niepuu puo thuo zasi puo pie nie tsütuo. Harie, rüümiapfü puoe nuonipfü tuote mu thepfunuomia puo penuoshütuo, mu puo za thopie Immanuel chütuo.

Hosea 3:5

Süsie Israelmiako rürei la vorlie sidi Jihova uko Kepenuopfü pfhü mu uko kediu David pfhü lalietuo. Siro teisozha kenuotsa Jihova tsiu puo ketseikevi khrüprei nu vortuo.

Obadia 1:21

Kelalieketako Zion kijüthou gei kho di; Esau kijüthouko mho kekhatatuo; sidi kedirüvieu Jihova vie chütatuo.

Mika 5:2

Derei no, he-i, Bethlehem Efratha, noe Juda chienuoko donu kecütho puo shierei, n geinu a la Israel kekhaketuou partuo, puo thiedzütho nu tuote, kerietho ki nu tuote.

Hagai 2:7

Mu a seyie pete shükenieshütuo, sitse seyie peteko kinyi vortuo, sidi a ki hau zapuzayie kechü pie tshulietuo, krodiko Jihovae siya.

Zekaria 9:9

N nei philie, He-i Zion nuopfü! Shie petoshülie, He-i Jerusalem nuopfü! Harie, n kediu n ki vorzhie; zapuzayie mu kuokelie sü puo zo, menenuoi di gada geinu, gada kemedzü yopuo gei tuo.

Malaki 3:1

Harie, a dieliemia puo a mhodzü cha kesetuoü ketseshüzhie, mu Niepuu nie puo pfhüyakezhau le mo keba nu puo rüsuoki nu vortuo. Dietseidiekho pie kezhü dielieu, puo gei nie neiyakecüu, ketho zo, puo vorzhie, krodiko Jihovae siya.

Malaki 4:2

Derei nie a za rhuyakezhako gei kemiatho niaki shü geinu keshürho ze di sietatuo. Nieko mithubou nu mithunuo prou ketha tuoi di nieko prou pratatuo.

Nuolhoutsüphrü 24:17

A puo ngutuo, derei tsiedo mo; a puo mehotuo, derei penuo moluo; Jakob geinu themvü puo siertuo, Israel geinu kedithe puo siertuo, sidi süu Moab kijü rieko penyüwatuo. Tsiu Shetmia kijü rie pete pekawatuo.

Mathi 11:10

Themia hau dze thupie ketuo, “ ‘Harie, a n mhodzü a dielieu ketseshüzhie, puo n mhodzünu n chau kesetuo,’ isi pie kezhüu zo.

Mathi 11:4

Sitse Jisu sie uko ki, “Nieko vo di Johan ki nie kerünyü mu kenguko pushücie:

Mathi 21:5

“Nieko Zion nuopfü ki pushücie, Harie, n kediu n ki vorzhü ho, puo zho vi di gadapfü puo gei tuo, gada yopuo, gadanuopfü geinu,” ikecü dieu tseilieketuo la.

Mathi 21:9

Siro themia krodi puo mhodzütsa mu puo sietsa ketuoko shie di sie, “David Nuou, Hosana! Niepuu za se vorkezhüu thejakepfütho! Tei pesotho gei rei, Hosana!” isi tuota.

Mark 11:9

Siro themia puo mhodzütsa ketuoko mu puo sietsa ketuoko shiekhoui di sie, “Hosana! Niepuu za se vorkezhüu thejakepfütho zo!

LUK THUKESHÜ DIELIEKEVI 19:38

di sie, “Niepuu zanu vorkezhü kediu bu thejakepfüu chücie! Teigei rei keviu chülie, mu tei pesotho gei kebau bu zayie chücie!” ituota.

Johan 11:27

Sitse hapfü sie puo ki, “U, Niepuu, no Khristau, Ukepenuopfü Nuou kijü nu vorketuou ükecü a pele tou zo.”

Johan 12:13

Süla uko puo ze kesetuoü kukuo co rhopie mu shiekhoui di, “Hosana! Niepuu za se vorkezhü Israel kediu, thejakepfütho,” sita.

Johan 16:14

Puo a bu zayie chütuo, kekreilamonyü puo a vieko pie nieko pesipengushüketuo la.

Johan 4:21

Sitse Jisu sie puo ki, “Thenupfü, a peleliecie, kijüthou hau geinu morei Jerusalem nunu rei Puou rüsuo motaketuo tei vortuo.

Johan 6:14

Jisue zasi chükeshü hau ngu di themiako sie, “Themia hau kijü nu vortuo üketuo siedzekesiu touta zo,” sita.

Johan 7:31

Derei themia kro-u nu mia kekra puo pelelie di sie, “Khrista vor üro puo themia hau ki rei ungomhathoko chükuoshütuoü memu?”

Ibriko 10:37

Kekreilamonyü, “Puotei huoyo sie, mia puo vortuoü ketuou vortuo mu menuotalie lho;