Mathi 11:11 - Angami Naga CL (Re-edited) Bible (BSI)

¹¹ A nieko ki pu toushütuo, thenumia geinu lhou keparko donu Johan mia dzülukepfüu ki kezha puorei lhou sier mo; derei teigei kedi nu we kecütho-u zorei puo ki zhakuo.

Mathi 11:11 Iomraidhean Croise

JOB LESHÜDAU 14:1

“Themia thenumia geinu penuo kevor puo tei keduoyo zo, tsiu kemezhiekecü thuo tshupfü.

JOB LESHÜDAU 14:4

Supuonie mha mesa kemo puo nunu mha kemesa puo se parlie vi ga? Miapuorei ba mo.

JOB LESHÜDAU 15:14

Themia ha kedipuo üdi mesalietuo ga? Morei thenumia geinu penuo kevor-u kedipuo mhie di miatholietuo ga?

JOB LESHÜDAU 25:4

Di siliro themiae kikidi Ukepenuopfü mhodzü miatholietuo ga? Thenumia geinu penuo kevor khe kedipuo mhie di mesalietuo ga?

Chieliko 51:5

Harie, a we kephouma nunu a penuolie, mu kephouma nunu a zuoe a lhoupfülie.

Isaya 30:26

Jihovae puo themiako kechüpfüko phakeshü nhie mu puo dzie biekewa rüzako chü kemenekeshü nhie khrüu kezie niaki kezie tuoitatuo, mu niaki kezie puo kezie de thenietatuo.

Zekaria 12:8

Sünhie Jihovae Jerusalem nu kelhouko yalietuo, sitse sünhie uko donu kethachüthomia rei David tuoitatuo, mu David kiue Ukepenuopfü mhietatuo, Jihova dieliemia uko mhodzü ketuo tuoitatuo.

Mathi 11:10

Themia hau dze thupie ketuo, “ ‘Harie, a n mhodzü a dielieu ketseshüzhie, puo n mhodzünu n chau kesetuo,’ isi pie kezhüu zo.

Mathi 11:12

Johan mia dzülukepfüu teiki nu vor tsie ketso mia teigei kedi pfhü mvürümvü tuote, mu mvürümvü ketuomia süu pie u vie chüliezhie.

Mathi 3:1

Süteikiko Johan mia dzülukepfüu vor Judia rayhau nunu mia petha di sie,

Mathi 3:11

“A we nie bu thenoukedilieketuo la dzü nunu nie dzülu khakeshü zo, derei a sie vorkezhüu we a ki zhakuo; a puo phikou pie reilie sü mo; puoe Kemesa Ruopfü nu mu mi nunu dzülu pie nieko tsütuo.

Mathi 5:19

Süla kehoupuorei u bu diekhakeshü zho kecütho yopuo zorei chüüze mo, tsiu kekreimia bu rei chü hienu pethaya ro, teigei kedi nu puo üse kecütho chütuo, derei kehoupuorei süko chüüze mu pie mia pethaya ro, teigei kedi nu puo üse kezha chütuo.

LUK THUKESHÜ DIELIEKEVI 1:15

kekreilamonyü puo Niepuu mhodzüki zha zotuo. Puo bu mhakipuorei zu morei zu kekuo puorei krielie lho; puo penuokelie mhodzü rei Kemesa Ruopfüu bu puo tshupfü tuotatuo.

LUK THUKESHÜ DIELIEKEVI 7:28

A nieko ki pushütuo, thenumia geinu lhou kevorko donu Johan ki kezha puorei lhou sier mo; derei Ukepenuopfü kedi nu we kecütho-u zorei puo ki zhakuo.”

LUK THUKESHÜ DIELIEKEVI 9:48

sidi uko ki, “Themia kehoupuorei a za nunu nhicunuo hayo zekeliemia a zelieta zo, mu kehoupuorei a zekelieu a ketsekeshüu rei zelieya; kekreilamonyü nieko donu kecütho-ue kezhatho-u zo,” sita.

Johan 1:15

(Johan puo zhapu chü shiekhoui di sie, “ ‘Mia puo a sie vorzhü, derei puo a ki zhakuo, a penuokelie mhodzü puo tuota zokecü la’ idi a puo dze kepuu sü hau zo.”)

Johan 1:27

Puo a sie vorzhü, a puo phikoupha rei phreilie sü mo.”

Johan 10:41

Süla themia kekra puo ki vor di sie, “Johan zowe u ngo zasi puorei chü mo, derei Johan themia hau dze kepu pete ketho phreta ze ha.”

Johan 3:30

Puo zha miemieta morosuo derei a we cü miemieta morosuo.”

Johan 5:35

Puoe tu keba mu zie keba mituu zo, siro nieko rei dokipuo puo kezie nu nie nei ba nyü sie zo.

Johan 7:39

Jisue puo pelekelieko bu ngulieketuo Ruopfüu dze hau pushü, süki zo we Ruopfü khashü mo zoluocü la; kekreilamonyü Jisu zayie chülie mo zoluo.

Korintmiako Kerieu 15:9

A apostelko donu kecütho-u, mia bu a üse apostel puo üdi kielie sü mo, a Ukepenuopfü kehouu pechüpenyücü la.

Korintmiako Kerieu 6:4

Mhanuü nieko donu mhakecükerü huo sierta ro, kehouu nu u thakejümia kedapie u bu dienya kecütuo me?

Efesako 2:3

U pete rei va puo chüüphou menguko chü di süko donu lhou, sidi chüüphou menguko mu keleko chü, tsiu kekreimia tuoi noupfhüu u gei baketa nuonuoko chü lhou.

Efesako 3:8

Kemesako donu kecütho-u zorei, ngukemezhie hau khapie a tsü di a bu dieliekeviu pie Judakemoko ki, si ketsolie kelho Khrista kinyiko dze punu,

Timothi Kenieu 1:10

derei u kelakelieu Khrista Jisu kevor ze di tsie we süu pie u mhingu chüshüwate; puoe kesia penyüwa di dieliekeviu geinu siatalie kelho kelhouu pie u tsüshüte.

Ibriko 11:40

derei Ukepenuopfü uko la süki vikuokecü puo keseshü, süko bu úko sa mo di chü pevi tseikelie nguwa moketuo la.

Pitor Kerieu 1:10

Ngukemezhie nie gei vorketuo dze kepu siedzekesikoe u terüchü mu menuo se di kelakelie süu dze pfhü vor zo,

Samuel Kerieu 2:30

Süla Jihova, Israel Kepenuopfüe puya, ‘A n kinumia mu n puo kinumia bu kechachie a mhodzünu tha di chalie chütuo;’ ishü ketho zo. Derei tsie Jihovae puya, ‘Süu bu a kinu pecietacie; a tsie we a rhuyakezhamia rhutuo, mu a peseyakezhamia se mhatho mo ütatuokecü la.