Mathi 10:6 - Angami Naga CL (Re-edited) Bible (BSI)

⁶ derei Israel seyiemia jüketa tekuoko ki vocie.

Mathi 10:6 Iomraidhean Croise

Chieliko 119:176

A jüketa tekuo puo tuoi rütsi tuote; n kituou pfhücie; a n diekhakeshüko rükra mota kemo la.

Isaya 53:6

U pete tekuo tuoi yotuote, u pete cha u tse va phrete, mu u kesuoko pete Jihovae pie puo gei shüshüte.

Jeremia 50:17

Israel-e losha bu puo whuokewa tekuo puo chüte. Therieu Asiria kediu puo mezulie, mu tsie thela nu ro Babilon kediu Nebukadnezar bu puo ruko mehiewate.

Jeremia 50:6

A themiakoe tekuo jüketamia chü tuote; uko kepfhekoe uko cha tha kekrüwate, uko ze rürei kijüthouko gei vowa; kijüthou geinu kijükhru gei vorte, ukoe uko kebachüu rükra mote.

Ezekiel 34:16

A jüketako pfhütuo, mu a yotuoketako ze la vorlietuo; mu a uko rüzako phashütuo, tsiu thachüketako chü kemeteishütuo, derei keluoko mu kemeteiko a pekawatuo. A kethoca se uko vachütuo.

Ezekiel 34:4

Nieko thachü kebako chü kemeteishü mote, nieko kesuokenyüko chü keshürhoshü mo, nieko rüzapfüko phashü mo, nieko yotuoketako ze la vorshü mo; nieko jüketako pfhü mo, derei mia kemvü chü mu nie zho suo se di uko kekhaya.

Ezekiel 34:6

A kuoko cüre tuote, uko kijüthou pete mu kijükhru pete gei yotuote, a kuoko kijü zie pete gei cüre tuote, miapuorei uko pfhü morei uko siepie vo mo.

Ezekiel 34:8

Niepuu Jihovae puya: A rhei ketuo tuoi a kuoko mia chüte chü tuote, mu a kuoko u kepfhe kejü la nhachü pete ca chü tuote, kekreilamonyü a kuopfhekoe a kuoko pfhü mote; derei kuopfheko u thuo u vachü di a kuoko vachü mote.

Mathi 18:10

“Nieko kecü hako mia yopuorei pese molieketuo le terü zoliecie; kekreilamonyü a nieko ki pushütuo, teigei uko dielieko teigei kebau a Puou zie meho sei baya.

Mathi 18:11

Kekreilamonyü themia Nuou jüketamia kelalietuo üdi vor zokecü la.

LUK THUKESHÜ DIELIEKEVI 24:47

mu puo zanu thenoukedikecü, tsiu kejo kephoumako vapie tsüketuo Jerusalem nunu sede di seyie neiüko pethashütuo.

Mhakechüko 13:46

Sirei Paul mu Barnaba unie die pu thepfukuo sa di, “Hie Ukepenuopfü dieu pie nieko ki pu rie morosuo; sirei nieko süu meliekegewa di nie thuo nie chüpie kechachie kerhei ngulie sü mo üketa la, hie tsie Judakemoko ki votazhie.

Mhakechüko 18:6

Uko puo petsou mu puo thata tse, puoe puo pfhe kesou di uko ki, “Nie zie bu nie tsügeituo! A mezhü zo. Thie yawinu a Judakemoko ki votatuo,” sita.

Mhakechüko 26:20

derei a therieu Damaska nu mu Jerusalem nu süsieu Judia kijü pete nu, tsiu Judakemoko ki rei sa idi uko bu thenou rürei la Ukepenuopfü ki vorlie morokesuo mu thenoukedilieta ükecü u kelhou nunu pie pekieshü morokesuo dze pu pethashüte.

Mhakechüko 3:26

Ukepenuopfü puo kituou sesier di ketse riepie nieko ki shü, nie kehoupuo bu rei mha kesuo kechüu nunu rüreilie di theja ngulieketuo la,” sita.

Pitor Kerieu 2:25

Kekreilamonyü nieko tekuo tuoi yotuo ru, tsie we nie ruopfü kepfheu mu rüguokezhau ki vorliete.