Mathi 10:42 - Angami Naga CL (Re-edited) Bible (BSI)

⁴² Siro kehoupuorei pethakeliemia za nunu dzüku hie puo rei pie kecütho hako yopuo zorei dieshü ro: a nieko ki pu toushütuo, süko puorei u zhakhra jütalie lho zo.”

Mathi 10:42 Iomraidhean Croise

Kediko Kerieu 17:11

Puoe vo di süu se vortuo üzhü tse, puoe süpfü kie di sie, “N dzie nunu niekhrüda huoyo se vor a tsü thie,” sishü.

Kediko Kenieu 4:10

Avu kibou kecü yopuo chülie khe, sidi puo la thezhü puo, mizhü puo, mu mitubou puo khapie balie, sitse puoe avu ki vor tse puoe sünu balietuo,” sishü.

Mhasidie 19:17

Kejümia ngumezhieyakezhau mha pie Jihova thepuya, mu puoe puo mhatho sou ngu tsei latuo.

Mhasidie 24:14

Mhasi rei n ruopfü la sümhiekecü siliecie; no süu ngulie ro, n siedze puo bate, mu n kemerüu jütalie lho.

Pethakeshüu 11:1

N niekhrüda pie dzü nu shücie, teisozha kekra sie no süu ngu lalietuocü la.

Zekaria 13:7

“Sielie, he-i zhiechau, a kuopfheu petsoulie, a dziese themiau petsoushücie,” idi krodiko Jihovae puya. Kuopfheu vüshücie, sitse tekuoko ta cüretatuo; a a dzie chapie nhicuko gei shütuo.

Mathi 18:10

“Nieko kecü hako mia yopuorei pese molieketuo le terü zoliecie; kekreilamonyü a nieko ki pushütuo, teigei uko dielieko teigei kebau a Puou zie meho sei baya.

Mathi 18:14

Sütuoi teigei keba nieko Puou rei kecü hako donu puorei bu jüketa puo medo mo.

Mathi 25:40

Sitse kediu sie uko ki, ‘A nieko ki pu toushütuo, nieko a siezedzürie hako donu kecütho-u gei rei chüshü ro, süu a gei chüshüta zo.’

LUK THUKESHÜ DIELIEKEVI 17:2

Themia süu bu kecü hako miapuorei chüpie kephouma nu shükewau ki rei mha kegetsie puo pie puo vo nu khelie di puo kelhoupie dzükezha nu shükewa we puo dze vikuo.

LUK THUKESHÜ DIELIEKEVI 6:35

Derei nieko we nie ngumvümia khrielie, süko gei mha kevi chülie, mu mha ngulieketuo merü moto di mha pie mia thepucie. Siliro nie zhakhra vi phi zotuo, mu Kerükrietho-u nuonuo chülietuo; puo mia thezieyakemoko tsiu kerüzhüko gei rei tseiüviya zocü la.

Korintmiako Kenieu 8:12

Kekreilamonyü nie chü nyüya ro, nie mha kebau geinu mha khakeshüu lielietuo, nie ba kemo-u geinu chalie lho.

Ibriko 6:10

Kekreilamonyü Ukepenuopfü dietho motaya mo; puo nie mhachükeshüko morei puo za la nie kekhrie nunu mia khruohikeshü mu tsie rei nie kezemia kemesamiako gei süu chüshü bayakezhako rükra motalie lho.