Sitse hapfü sie, “N pezie rei kediu bu Jihova n Kepenuopfü pie n nou ki balie, sidi thezie khepu bu miapuorei dukhri sawa hiecie, mu a nuou rei pekawa hiecie.” Sitse puo sie, “Jihova rhei ketuo kemhie n nuo tsütha yopuo zokecü rei te kijü tsutalie lho.”
Süki themiakoe sie Saul ki, “Jonathan! Israel nu kelakelie kezha se kevor-u bu siatuo le? Lie lho zo! Ukepenuopfü rhei ketuo tuoi puo tsü geinu puo thaprü yopuo bu zorei te kijü tsulie lho, puo thie Ukepenuopfü ze di mha hako chüshü zo.” Sidi themiako Jonathan kelalie, di puo bu sia mota.