Mathi 1:12 - Angami Naga CL (Re-edited) Bible (BSI)

¹² Siro uko teze Babilon nu voketa sie nu Jekonia nuo Salathiel penuolie, siro Salathiel nuo Zerubabel,

Mathi 1:12 Iomraidhean Croise

Kediko Kenieu 24:14

Sidi puoe Jerusalem pete, kezhamia pete, kethepfumia pete, kediemia nyie ker, siro mhachü kesimia mu rükreimia pete tezeta, kijüu nu mhakejüthomiako zo kemosie, miapuorei ba mota.

Kediko Kenieu 25:27

Juda kediu Jehoiakin miadie kechü cie serethenie cie, khrü kerekenieu khrü, zha mepfüethenie nhie, Babilon kediu Evil-merodak di sedekelie cie, kedieki nunu Juda kediu Jehoiakin khashüwa.

Seyiedze Kerieu 3:17

Jekonia kedieu nuoko: puo nuou Shealtiel,

Ezra 3:2

Sitse Jozadak nuou Jeshua mu puo keze zievoko siro Shealtiel nuou Zerubabel mu puo siezedzürieko keze sielie, di Israel Kepenuopfü ruosuobau chüketuo dojülie, Mosa Ukepenuopfü themiaue pukeshü zho nu tuoi kethe ruosuo chüketuo la.

Ezra 5:2

Sitse Shealtiel nuou Zerubabel mu Jozadak nuou Jeshua unie sielie di Jerusalem nu keba Ukepenuopfü kiu chü sede lavü; süki Ukepenuopfü siedzekesimiako rei unie khruohishü.

Nehemia 12:1

Zievoko mu Leviko Shealtiel nuou Zerubabel mu Joeshua ze di khokecüko: Seraia, Jeremia, Ezra,

Jeremia 22:24

A rhei ketuo tuoi, Jihovae siya, Juda kediu Jehoiakim nuou kediu Konia thuo a dzie a zatsa dziekha kemhie ba zo shierei, a sünunu rei n cierha pietatuo.

Jeremia 22:28

Konia hau thikewa liproketau, miapuorei lie nyü moketau me? Kiüdi puo mu puosepuoyie chü kelhoupie ue si kemo kijü nu shüwata ga?

Jeremia 22:30

Jihovae puya: Themia hau puo nuo jü, puo kelhou teiki vilie kemo puo ükecü thupie zhüwaliecie; kekreilamonyü puosepuoyiemia miapuorei vilie lho, David kediba gei ba di Juda nu mia kekhalie lho.

Jeremia 27:20

Babilon kediu Nebukadnezar-e Jerusalem nunu Juda kediu Jehoiakim nuou Jekonia, mu Juda mu Jerusalem nu pehümia peteko teze kedie chüketa ki se tsu kemoko.

Hagai 1:1

Darius kediu dikelie cie kenie cie, khrü sorouu nu, khrülhou zha puo nhie, Jihova die Hagai siedzekesiu geinu Shealtiel nuo Zerubabel, Juda nu ahng mu Jehozadak nuou Joshua, zievokezhatho-u ki vor:

Hagai 1:12

Sitse Shealtiel nuou Zerubabel siro Jehozadak nuou Joshua, zievokezhatho-u, themia lhiekelieko pete Jihova uko Kepenuopfü pfheu zelie tsiu siedzekesiu Hagai dieko zelie, Jihova uko Kepenuopfü puo ketsekeshü tuoi; mu themiako Jihova khrüpreilie.

Hagai 1:14

Süsie Jihovae Shealtiel nuou Zerubabel, Juda nu ahng mu Jehozadak zievokezhatho-u, tsiu themia lhiekelieko pete hüshü, sidi uko vor krodiko Jihova, uko Kepenuopfü kiu mhatho chü,

Hagai 2:2

tsie Shealtiel nuou Zerubabel, Juda nu ahng, mu Jehozadak nuou Joshua, zievokezhatho-u, mu themia lhiekelieko ki pushülie, sidi sie,

Hagai 2:23

Krodiko Jihovae puya, sünhie ae n zelietuo, he-i Zerubabel, a kituou, Shealtiel nuou, Jihovae puya, sidi n chüpie zasi dziekha puo mhiewatuo; kekreilamonyü a n kedaliete ru, krodiko Jihovae siya.

Mathi 1:11

Siro uko teze Babilon nu kevo meseki Josia nuo Jekonia mu puo siezedzürieko penuolie.

Mathi 1:13

tsiu Zerubabel nuo Abiud, mu Abiud nuo Eliakim, siro Eliakim nuo Azor.

Mathi 1:17

Süla Abraham nunu vo David ketso phou keredia, siro David nunu vo uko teze Babilon nu kevo ketso phou keredia, mu uko teze Babilon nu kevo nunu vo Khrista penuokelie ketso phou keredia.

LUK THUKESHÜ DIELIEKEVI 3:27

süue Joanan nuo, süue Rhesa nuo, süue Zerubabel nuo, süue Shealtiel nuo, süue Neri nuo,