Mark 9:7 - Angami Naga CL (Re-edited) Bible (BSI)

⁷ Sitse kimhoushü vor uko soulie, mu kimhou nunu mhapfhe par di, “Hauha a Nuo a Khrietho-u zo, puo pfhe rünyüliecie!” si.

Mark 9:7 Iomraidhean Croise

Chieliko 2:7

A Jihovae thezho khakeshüu putuo: Puo a ki pu di, “No a nuo zo; a thie n penuoshü.

Chieliko 97:2

Kimhouko mu zeide-icü bu puo houpfü ba; puo kediba mvüdze-e kemiatho mu kedietho zo.

Toukepra 24:16

Jihova zapuzayieu Sinai kijüthou gei ba di, kimhouu nunu zha sorou süu zepfü bata; mu zha thenie nhie puoe kimhouu donunu Mosa kie.

Toukepra 40:34

Süsie kimhou ker rüsuopfhekiu zelie, mu Jihova zapuzayieu thuo rüsuopfhekiu tshuta.

Daniel 7:13

Siro a theva gei ziemhoko meho tha tse, Themianuo rhi kemhie puo teigei kimhouko nunu par. Sidi puo nnhiennhie nu Ketuou ki vor, sidi süu mhodzünu vor thalie.

Mathi 27:43

Puoe Ukepenuopfü pele vor; süla tsie Ukepenuopfü bu puo kelaliecie; puo medotuo üro, kekreilamonyü puoe sie, ‘A Kepenuopfü Nuou,’ iya.”

Mathi 27:54

Siro süki kriemhokezhau mu puo ze Jisu pfhe ketha chüpahiko kiükishüketa mu mhachüketako pete ngu di michie phita, di sie, “Hau Ukepenuopfü Nuou ketho zo!” sita.

Mathi 3:17

Sitse teigei nu mhapfhe puo sie, “Hau a Nuo, a kekhrietho-u, a puo ngu a neithor zo,” isi.

Mark 1:11

Süsie teigei nu mhapfhe puo; “No a Nuo a khrietho-u; a n ngu a neithor zo,” isi ker.

Mark 9:6

Puoe kedipuo pu morosuo shicü si mota, uko michiethorketa la.

Mark 9:8

Süsie uko rükri lutsahatsa meho sie ru Jisu rübei uko ze ketha sie miapuorei ngu mota.

LUK THUKESHÜ DIELIEKEVI 3:22

sitse Kemesa Ruopfü mekhru rhi chüpfü di puo gei tsurta. Siro teigei nu mhapfhe puo, “No a Nuo zo, a khrietho-u, a n ngu a neithor,” isi ker.

Johan 1:34

A thuo süu nguwate, süla a nie ki puo Ukepenuopfü Nuou zo ükecü zhapu chüya ho.”

Johan 1:49

Sitse Nathaniel puo ki, “Kepethau, no Ukepenuopfü Nuou zo! No Israel kediu zo!”

Johan 12:28

Apuo n za bu kemeyieu chüliecie!” Sitse teigei nu mhapfhe puo ker di, “A süu bu zayie chüwate, mu a süu bu zayie chü lashütuo,” si.

Johan 19:7

Judako puo ki, “Hie thezho puo ba, mu thezho süu medzi liro puo sia zhüte, kekreilamonyü puoe puo thuo puoü Ukepenuopfü Nuou üdi pute.”

Johan 20:31

Derei mha hako thukelie nie bu Jisue Khristau, Ukepenuopfü Nuou ükecü pelelie mu puo pelelie di puo za nunu kerhei ngulieketuo la zo.

Johan 5:18

Puo hau pukeshü la Judako puo dukhriwaketuo le kechü sata; puo sabat zho-u varhuokecü zomonyü Ukepenuopfü ü puo Puo üdi puo thuo puoü Ukepenuopfü ze ketouketa la.

Johan 5:37

Siro a ketsekeshü Puou thuo a zhapu chüya. Nieko zowe mhakipuorei puo pfhe si mo, mu puo rhiu rei ngu mo,

Johan 6:69

Mu hie tsie we noe Ukepenuopfü kinu kevor Kemesau ükecü si mu pelete.”

Johan 9:35

Jisue uko puo whuowata ücü silie, mu puo ngulie tse puo ki, “No Themia Nuou pelete mo?”

Mhakechüko 1:9

Puoe hau pushükewa sie, uko meho ketha nu puo ze sieta; mu kimhou puo shü vor uko mhingu kinu puo zepfülieta.

Mhakechüko 7:37

Mosa haue Israelko ki, ‘Ukepenuopfüe a sesierkeshü tuoi puo nie themiako donunu siedzekesimia puo sesiershütuo,’ ikeshüu zo.

Mhakechüko 8:36

Sidi unie keze cha nu vozhü ru vo thechü puo nu dzü keba ngulie, sitse iunuk-u sie “Haki dzü ba. A dzülupfülieketuo chakha huo ba me?”

Rommiako 1:4

mu ruopfü kitsa kemesa lesie ro kekuo geinu Ukepenuopfü Nuou zo ükecü kesia nunu rheilasiekelieu geinu thashü, u Niepuu Jisu Khrista

Ibriko 2:1

Süla we rünyülieketau therhieta molieketuo la u terüchü süu le menuo sakuoshülie zhüte. Sitse sünunu u hepfü tata lho.

Pitor Kenieu 1:17

Zapuzayie Kerükrietho geinu mhapfhe puo: “Hau a Nuo a khrieu; a puo ngu a neithor zo” isikecü kevor ki puo Ukepenuopfü u Puou kinu therhu mu zayie ngulie.

Johan Kerieu 5:20

Ukepenuopfü Nuou vor di kesikele pie u tsü di u bu puoe ketho-u ücü silie; mu we Nuou Jisu Khristae ketho zocüu nou bate. Puoe ketho zokecüu Ukepenuopfü mu kechachie kerheiu zo.

Pesikeshü 1:7

Lere-i! Puo kimhouko ze tsurzhie; themhi pete puo ngutuo, rüngou pie puo zekeshüko rei, mu puo la kijü nu seyie pete kratuo. Süu si zotuo. Amen.