Mark 9:25 - Angami Naga CL (Re-edited) Bible (BSI)

²⁵ Siro Jisu krodiu ta kewhuo vorkezhü ngu tse puo mesa kemo ruopfü süu ruo di sie puo ki, “Keliehuo mu nyievü ruopfüu, a n ki puya, no puo geinu pratacie, sidi mhakipuorei puo nou la le hiecie.”

Mark 9:25 Iomraidhean Croise

Zekaria 3:2

Sitse Jihova sie Satanki, “Jihova n kerhieya, he-i Satan! Jihova Jerusalem kedakelieu n kerhieya! Themia haue mi chü se kepar zasi puo mo üme?”

Mathi 12:22

Süki mia terhuokesuo bu kebi ze ketuo puo mhicie mu liehuokecü puo ze puo ki vor; ru puo süu chü pevishü, sidi keliehuo süu bu die pulie mu mha ngulie.

Mathi 17:18

Sidi Jisue terhuokesuou kechüshü, sitse süu unuoyo geinu prata, mu nuo süyo sütei touki shürholieta.

Mark 9:15

Siro themia kroko puo ngushü tse uko ngo phi di ta puo ki vo puo keluta.

Mark 9:24

Sitse puo puo sü shiekhoui di sie, “A rei peleyawe, a kepele ketsa ha chü pekrashü a tsüyi!” si.

Mark 9:26

Süki ruopfü süu ruorüi mu puo pechüpenyü phishü di prata, mu unuoyo ngupie kesiamia mhie zhüta tse, themia kekra sie, “Puo siate,” ita.

LUK THUKESHÜ DIELIEKEVI 11:14

Süsie puo keliehuou geinu terhuokesuou whuoshü ru terhuokesuou parta tse, themia süu die pulieta, süla themia krodiu u ngota.

LUK THUKESHÜ DIELIEKEVI 4:35

Derei Jisu puo kerhie di, “Kemekrie di puo geinu prataliecie!” Süki terhuokesuou themiau pfü kelhoupie uko mhodzünu zhüwa, derei puo bie kerüzawa mo di puo geinu prata.

LUK THUKESHÜ DIELIEKEVI 4:41

Süki terhuokesuoko kekra rei ruorüi di, “No Kepenuopfü Nuou zo,” isi di mia kekra geinu prata. Siro puo terhuokesuoko kekhawa di süko bu die pu mvüta, kekreilamonyü süko puo üse Khrista zo ükecü siketa la.

LUK THUKESHÜ DIELIEKEVI 8:29

Kekreilamonyü puo themia süu geinu mesa kemo ruopfüu bu pratanu di putakecü la, (ruopfü süu hamhodzü phi puo ketsi ze tuota; sidi mia bu puo pfhe baya, tsiu thegiro mu phikha se puo phapfü baya zo; derei puo kepha sükosü biethe phaphawa di terhuokesuou bu puo kechü ze rayhako nu tsutatayacü la).

LUK THUKESHÜ DIELIEKEVI 9:42

Siro unuoyo phirzhü tse, terhuokesuou puo pfü kelhoupie kijü vapiezhüwa, di puo bu puo ketarerepfü zhüta. Derei Jisu mesa kemo ruopfüu kechüwa di unuoyo chü pevishü, sidi puo khapie puo puo tsüwa.

Mhakechüko 16:18

Puo zha kekra si tuota. Hau Paul keyhu phiketa la reipra ruopfüu ki, “A Jisu Khrista za se n bu puo geinu partanuyawe!” Sitse bavüdo süu tou nu süu prata.

Juda 1:9

Derei Mikael teigeidielie kezhau thuo rei thiedzü Mosa mo-u dze terhuo kerüzhüu ze kemeü di keprüli kesie ki puo kre di puo pejoshü michie di sie, “Niepuu thuo n ruotuo,” sita