Mark 9:23 - Angami Naga CL (Re-edited) Bible (BSI)

²³ Sitse Jisu sie puo ki, “No chülie vi ro le? Peleyakezhamiae mhakehoupuorei chülie vi zo!”

Mark 9:23 Iomraidhean Croise

Seyiedze Kenieu 20:20

Süsie uko khiserüna sielie di Tekoa rayha nu volie, mu uko vokezhü ki Jehoshafat tha zolie di uko ki, “He-i Juda mu Jerusalem nu kelhouko, a pfhe rünyüshücie! Nie Kepenuopfü Jihova pele zolie sitse puo nie piesieshü zotuo; puo siedzekesiko pelelie, siro nie chü toulie zotuo,” sishü.

Mathi 14:29

Sitse puo sie, “Phirlie,” ishü. Süla Pitor rouu nunu par di dzü mho geinu cha tuo Jisu ki phi.

Mathi 17:20

Sitse puo sie, “Nieko kepele ketsa la zo. Kekreilamonyü a nieko ki pu toushütuo, mhanuü nieko kepele gakrieshü de yopuorei bakecü sie nieko kijüthou hau ki, ‘No haki nu rüdi lutsa votacie,’ isishü rei süu rüditatuo, mu nieko mhakehoupuorei chülie kelho jütatuo.”

Mark 11:23

A nieko ki pu toushütuo, nieko kijüthou hau ki, ‘No rülou dzükezha nu letacie,’ idi kenoudo moto di puoe pukeshüu chülieketuo pele tou liro süu chülie zotuo.

Mark 9:22

Siro mesa kemo ruopfüu va kekra puo biekhriwatuo üdi puo kelhoupie mi nu rei mu dzü nu rei shüwawaya; derei no mha huo chülie vi ro hie ngumezhie di hie khruohishücie.”

Mark 9:24

Sitse puo puo sü shiekhoui di sie, “A rei peleyawe, a kepele ketsa ha chü pekrashü a tsüyi!” si.

LUK THUKESHÜ DIELIEKEVI 17:6

Sitse Niepuu sie, “Nie kepele gakrieshü de yopuorei ba liro, nieko sie khravübo hau ki, ‘N thuo rülou dzükezha nu le sepfü batacie,’ ishü zorei nieko die zetatuo.

Johan 11:40

Sitse Jisu puo ki, “A n ki no pele liro, no Ukepenuopfü zayie ngutuo, ishü mo üme?”

Mhakechüko 14:9

Puoe Paul diepu rünyü ba. Paul-e puo meho terüshü, mu puoe shürholieketuo kepele keba ngushü.

Ibriko 11:6

Siro kepele sa mo di Ukepenuopfü nei chülie kenjü, kekreilamonyü puo ki kevormia, puo ba zo ükecü mu puoe puo pfhü kevormia zhakhra chüshüya ücü pele morosuo.