Mark 8:34 - Angami Naga CL (Re-edited) Bible (BSI)

³⁴ Süsie puo themia kro-u mu puoe pethakelieko sa kiepie puo ki shülie di uko ki, “Themia kehoupuorei a siemedzi kenyümia, sümia bu puo thuo puo meliewa mu puo krus pielie di a siemedziliecie.

Mark 8:34 Iomraidhean Croise

Kediko Kerieu 14:8

Siro David kikru nunu kedirüvie biephrowa di pie n tsüshüe, sirei no a kituou David, a diekhakeshüko chüüzekelieu mu puo nou pete pie a siemedzikelieu a mhinguki mezhü ükecü rübei chükecüu mhielie mote.

Nuolhoutsüphrü 14:24

Derei a kituou Kaleb-e ruopfü kekrei puo ze tuo mu puoe a siemedzi toukelie la, a puo ze vo puo vokecü kijüu nu shüshütuo; mu puose puoyie bu süu pie u vie chütuo.

Mathi 10:38

Mu kehoupuorei puo thuo puo krus pie di a siemedzi moro a themia chü sü mo.

Mathi 16:24

Süsie Jisue pethakelieko ki, “Kehoupuorei a siemedzi kenyümia sümia bu u thuo u meliewa, mu u krus pielie, di a siemedziliecie.

Mathi 27:32

Sidi uko tuo prazhü tse, Kurinmia puo puo za Simon ükecü puo ngulie, sitse uko puo kemvü chüpie puo bu krus-u pielie.

Mark 10:21

Siru Jisu puo meho terüshü mu puo khriecü la puo ki, “No mhapuo tso mo baluo, no vo n vie kebako zelie di pie mhakejüko tsüwalie, siliro teigei n kinyi nyilietuo; sidi vor a siemedzilie!”

Mark 7:14

Süsie puo themia krodiu kie lalie di sie, “Nieko pete a die rünyülie di siliecie.

LUK THUKESHÜ DIELIEKEVI 13:24

Sitse puo uko ki, “Nieko kharu kemereu ze lelieketuo nie rhie chüliecie; a nieko ki pushütuo, themia kekra süu nu leketuo pfhü hutuo, derei lelie lho.

LUK THUKESHÜ DIELIEKEVI 14:33

Süsütuoi, nieko kehoupuorei puo vie pete khawa kemosie ae pethakeliemia chülie kenjü.

LUK THUKESHÜ DIELIEKEVI 18:22

Siro Jisu hau sishü tse, puo ki, “No tsie rei mhapuo tso mo baluo. No mha keba pete zelie di rakako khapie mhakejüko tsüwalie, siro teigei n kinyi nyilietuo; sidi vor a siemedziliecie,” sita.

LUK THUKESHÜ DIELIEKEVI 20:45

Siro themia peteko puo die rünyü ketha nu puo sie pethakelieko ki,

LUK THUKESHÜ DIELIEKEVI 9:23

Süsie puo uko pete ki, “Kehoupuorei a siemedzi kenyümia puo thuo puo meliewa mu teisonhie puo thuo puo krus pie di a siemedziliecie.

Johan 10:27

A kuoko a pfhe rünyüya. A süko si ba, mu uko a siemedziya.

Johan 19:17

Sidi puo bu puo krus pie di thechü puo puo za Tsütsoru, Ibri die nu Golgatha ükecü nu vota.

Mhakechüko 14:22

Sünu unie pethakelieko chü kemeteishü mu kepele nu thepfu thalienu di sie, “We Ukepenuopfü kedi nu leketuo la kepechü kekra ze kese morosuo,” idi pethashü.

Rommiako 6:6

We u kephouma miau pejüwa di kephouma die chü sa molieketuo la themia keweu pie puo sa krus geinu gouwatakecü si touliecie.

Rommiako 8:17

siro we puo nuonuota ro, puo kayieko reita zo, Ukepenuopfü kayieko mu Khrista ze karheko zo; we puo ze kemezhielie ro, puo ze zayie chü phretuo.

Korintmiako Kerieu 15:31

A teisonhie siaya zo! A siezedzürieko, süu ketho zo, a nieko pie kemholie tuoyakezhau sü, u Niepuu Khrista Jisu ze puo chüketa la kemholie tuoya.

Korintmiako Kerieu 8:13

Süla kecüca puo la a siezeu bu tetsutatuo üro, a siezeu bu tetsuta molieketuo la, a mhakipuorei themuo rei cülie lhote.

Korintmiako Kerieu 9:19

A mia puo die rei chüketuomia mo, derei themia kekra ze Ukepenuopfü ki vorlieketuo la a thuo a khapie themia peteko die chü tuote.

Galatiako 2:20

mu a rhei tuoketa a monyü a nou keba Khristau zo. Mu tsie chüüzie nu lhou keba kelhou hau, Ukepenuopfü nuou kepele nu zo, puo a khrie di a la puo phou khashü.

Galatiako 5:24

Tsiu kehoupuorei Khrista Jisu vie chüketako chüüphou mu süu rüya menguko sa pie krus geinu gouwate.

Galatiako 6:14

Siürei a la zo we u Niepuu Jisu Khrista krus la kemholielie kevi zo, süu la a mhodzüki we kijüu pie krus geinu gouwate, mu a rei kijüu kitsa sita zo.

Filipiko 3:10

A Khrista mu puo rheilasiekelie kekuo rei si nyü sidi puo mezhieko nu puo ze kemezhielie di puo seu nu rei puo mhielie,

Filipiko 3:7

Sirei a thiedzü a la mevi üketuoko tsie Khrista la a süko üse mhathopuo ütuo mote.

Kolosiko 1:24

A tsie nieko la kemezhiekelie a nei ba zo, mu chüüphou kemezhiekeshü geinu Khrista mezhieu kitsa tso mo kebako a rei puo mo-u, süu puo kehouu la kemezhiekeshü geinu süu chü tseishüzhü zocü la.

Kolosiko 3:5

Süla nieko kijü nu chüüphou menguko pierüü, mesa kemo, kerüyo, mha kesuo kemengu mu kemehou (süusü terhuorhi rüsuokecü puo zo) hako pesiawaliecie.

Thesaloniako Kenieu 3:11

Kekreilamonyü hie sikelie nie donu huomia mhachü mecü, di kemerei meviva di kho mu ke tuoya üsi.

Tita 2:12

süu u pethapie u bu mha kesuo shüüko mu kijü vieko kemehou khawa di u kethekerepfü, dietho, mezhü mu Ukepenuopfü khrüprei di kijü hanu lhou tuolieketuo la,

Ibriko 13:13

Süla úko rei kharu sie pra di puo zhase pfükelieu nu puo ze thalie khe.

Pitor Kerieu 4:1

Siro Khristae puo chü puo phou nu kemezhiekecü la nie rei noule sikecü se nie nou shüpfülie. (Themia kehoupuorei puo chü puo phoutsa kemezhielieta ro kephouma chü sa motaya).

Pitor Kerieu 4:13

Sirei Khrista kemezhiekelieko nu nie ya ngulie ba ükecü le di nie neiliecie, sitse puo zayieu pesipengukeshü nhie nie nei phi di pheshietuo.

Pitor Kenieu 1:14

u Niepuu Jisu Khrista thuo thapie a kieshücü pecha mo di a se teiu vortuoü bate.

Johan Kerieu 3:16

Puoe u la puo phou khakeshü geinu we kekhrie-e kedipuo shicü silie, we rei huoniehuo la u phou khashü zhü zo.

Pesikeshü 2:10

Kemezhiekecü n gei phirtuoü kebako la michie hiecie. Harie, nie kedoketuo la terhuokesuou nieko huomia tepie kedieki nu shütuo, mu nieko bu zha ker kemezhietuo. Kesia ketso rei dietho tha zolie, sitse a kerhei tsüre khashü n tsütuo.