Mark 7:7 - Angami Naga CL (Re-edited) Bible (BSI)

⁷ Uko a rüsuo thedo chü tuote, uko themia thuo chücü zhoko se Kepenuopfü zhoko üdi pethayacü la.’

Mark 7:7 Iomraidhean Croise

Isaya 29:13

Jihovae sie: Themia hako u tie nu a penuo vorya, mu uko tiepie a rhuya, derei uko nou we a kinu pecie phi, mu uko a rüsuokecü sü pemo seketuo themia die kro puo zo.

Malaki 3:14

Niekoe sie, “Ukepenuopfü lie chükecüe thedo zo. Puo diekhakeshüko ze bakecü morei u nousuo siei di krodiko Jihova mhodzünu kevo kedipuo kemevi ba ga?

Mathi 15:9

Uko a rüsuo thedo chü, kekreilamonyü ukoe themia thuo rhükelie zhoko üse kepetha die üdi pethaya!’ ”

Mathi 6:7

“Siro nie chakecü ki Judakemoko tuoi kepu sie pu hie; kekreilamonyü ukoe die kekra pukeshü la uko kecha rünyülieketuo leya.

Korintmiako Kerieu 15:14

mu Khrista rheilasielie mo üliro hie mia petha tuokecü rei kemethuote mu nie kepele rei kemethuo zo.

Korintmiako Kerieu 15:58

Süla a kekhrieko, metei tha zolie, rüdita hie, Niepuu mhatho nu shürhei di chü ba zolie, Niepuu la kemezhiekeshüko kemethuo chütalie lhocü nie silieketa la.

Pulakeshüzho 12:32

Chünu di a n ki diekhakeshü pete no menuo di chülietuo; no süu pe rei lho, süu nunu se reita lho.

Kolosiko 2:22

Hako pete rei kaüjütaketuo zho kro puo zo; sükoe themia thuo chükelie mu pie pethayakezha zho kro puo zo.

Tita 3:9

Derei kemethuo puo se kemeü, u puotsanuo phrü kekie di keprüli kemethuo chü hie, huoniehuo perhiekecü tsiu thezho-u la keprülikecü hako therhie zolie, sükoe puo kepra puorei jü mu kemethuokemeruo zo.

Jakob 1:26

Miapuonie puo thuo puo üse nanyü nu pecü üya, mu puo tie kekhalieya kemosie puo thuo puo nou se penya seketuo zo, mu puo nanyü rei kemethuo zo.

Jakob 2:20

Derei mhalekemo-u, kepele puo mhatho sa kemosie kemethuo zo ükecü no silietuo mo mo ga?

Pesikeshü 22:18

A kehoupuorei leshüda hau nu siedzedieko kesiu bu menuolienuya: Kehoupuorei mha huo pie süko pe ro, Ukepenuopfü rei leshüda hanu thupie keba thepeko pie puo petuo;

Samuel Kerieu 12:21

Nieko kemethuo rhuoko sie whuota hie süko mha kevi puorei chüshülie lho morei nie kelashülie lho, sükoe kemethuo zocü la.