Mark 7:6 - Angami Naga CL (Re-edited) Bible (BSI)

⁶ Sitse puo uko ki, “Isayae ketherakezhako dze siedzedie pu toushü di thupie kezhü hamhie, ‘Themia hako u tie se a rhuyakezha zo, derei u noue a ze kepecie phi tuo;

Mark 7:6 Iomraidhean Croise

Isaya 29:13

Jihovae sie: Themia hako u tie nu a penuo vorya, mu uko tiepie a rhuya, derei uko nou we a kinu pecie phi, mu uko a rüsuokecü sü pemo seketuo themia die kro puo zo.

Ezekiel 33:31

Ukoe themia voryakezha tuoi n ki vorya, mu uko themia kekra n mhodzüki keba tuoi n mhodzüki balie, sidi uko n dieko rünyülie, derei uko süko zelie lho. Kekreilamonyü uko tie pie mia kekhrie die puya, derei uko nou pie mha kemehoutsa tuo zo.

Johan 15:24

A uko donunu miapuorei chüshü kemo mhathoko chüshü mo üro uko phouma lhomu ru. Derei tsie we uko mha süko ngushüte, süla a mu a Puo rei ngumecüya.

Johan 5:42

Derei nie nou nu nie Ukepenuopfü kekhrie ba mokecü a si.

Mhakechüko 28:25

Sitse uko thuo uko donunu kedierhe mota di tuota, süsie Paul sie mha pu sa di: “Kemesa Ruopfüu thiedzü Isaya siedzekesiu tie nunu nie puonuoko ki pu toupie zhü zo,

Timothi Kenieu 3:5

süko chazoutsa Ukepenuopfü khrükeprei meviva, derei kekuo ketho-u melieya. Sükemhieko therhietalie.

Tita 1:16

Kepu nu zowe uko Ukepenuopfü si üya, derei uko mhathoko nu we puo si mo. Ukoe kerütsekecümia, mia die zeya kemomia, mu mhatho kevi puorei chülie sü mo.