Mark 6:41 - Angami Naga CL (Re-edited) Bible (BSI)

⁴¹ Süsie puo niekhrüdako mu khuonie chü pielie tsiu teigei meho di kethezie pie Ukepenuopfü tsüshü di niekhrüdako bietshielie, sidi pie themiako tsüshünu di pethakelieko tsüshü; siro puo khuonie rei kezapie themia süko pete tsü phreshü.

Mark 6:41 Iomraidhean Croise

Mathi 14:19

Siro puo themiako bu phiechü gei balienushü. Süsie puo niekhrüda pengou mu khuonie pielie di tosie teigei meho di jashü; süsie niekhrüdako bietshielie di khapie pethakelieko tsüshü, mu pethakelieko rei süko pie themia kroko tsüshü.

Mathi 15:36

Sidi puo niekhrüda thenieko mu khuoko pielie di kethezie khashü di süko bietshielie di pie pethakelieko tsüshü, mu pethakeliekoe khapie themia kroko tsüshü.

Mathi 26:26

Siro uko mhacü keba nu Jisu niekhrüda chülie di jashü mu bietshielie, di khapie pethakelieko tsü di sie, “Liepie cücie; hauha a mo zo,” si.

Mark 14:22

Siro uko mhacü keba nu, puo niekhrüda yopuo chü pielie, süsie puo jashü di süu bietshielie di süu pie uko tsüshü, sidi sie, “Lieliecie, hauha a mo zo.”

Mark 6:40

Süla uko puo houhou chülie di huo nu krie puo mu huo nu hiepengou idi balie.

Mark 6:42

Siro uko pete cü di pevü phrelie.

Mark 7:34

Sidi puo teigei meho mu hapfhüishü di sie, “Efatha,” puoca, “Cie parliecie.”

Mark 8:19

A niekhrüda pengou bietshiepie mia nyie pengou vachükeshü ki nie puoseko khopenuo kitsuo ketshu kengu lalie ga?” Sitse uko sie puo ki, “Kerekenie,” si.

LUK THUKESHÜ DIELIEKEVI 24:30

Siro mhacütuo üdi uko ke balie tse, puo niekhrüdau pielie di jashü, mu bietshielie di pie unie tsüshü.

LUK THUKESHÜ DIELIEKEVI 9:16

Sitse puo niekhrüda pengouko mu khuonie chü pielie, sidi tosie teigei meho di japie süko gei shü, di süko bietshielie, sidi pie themiako tsütuoü pethakelieko tsüshü.

Johan 11:41

Süla uko ketsieu phouwa. Tsiu Jisu tosie di, “A puo, no a kecha rünyülieketa la a n thezieya.

Johan 17:1

Jisu die hako pukeshü sie, puo tosie teigei meho di sie, “Apuo, puoteiu vorte; Nuou bu n chüpie zayie chüshülieketuo la no Nuou pie zayie chüshücie,

Johan 6:11

Süsie Jisu niekhrüda süko chü pielie di Ukepenuopfü tsheshü, di khapie ke bakelieko tsü phreshü, süsütuoi khuonie gei rei sishü, mu uko pete cü kenyü de cülie.

Johan 6:23

Sirei Tiberiatsatie nu rou kekreiko rei vor dzükezha khie Niepuu niekhrüdako se Ukepenuopfü tsheshü di cükecü chüu tsolie.

Mhakechüko 27:35

Siro puo hau pukeshü sie, puo niekhrüda chü pielie di uko pete mhodzü nunu kethezie khapie Ukepenuopfü tsüshü di süu bietshiepie cülie.

Rommiako 14:6

Teisozha puo se pekreiyakezhau, süu Niepuu kerhu nu siya. Siro kehoupuorei cüyakezhamia Niepuu kerhu nu cüya, süu la kethezie pie Ukepenuopfü tsüyakezha la; derei cüyakemomia Niepuu kerhu nunu zo mu süu la rei Ukepenuopfü thezieya.

Korintmiako Kerieu 10:31

Süla nie mhacü rei, krie rei, morei mhakehoupuo chü rei, Ukepenuopfü zayie la süko chü phreliecie.

Pulakeshüzho 8:10

Mu noe cü di pevülie ro Jihova n Kepenuopfü thezietuo, puoe kijü keviu pie n ketsü la.

Kolosiko 3:17

Sizomonyü nie die nu rei, nie mhathoko nu rei, nie mhakehoupuo chü rei Niepuu Jisu za nu chü di Ukepenuopfü u Puou thezie tuo zolie.

Samuel Kerieu 9:13

Nnie-e rünau nu lelie mumetha puo thechü kerükrie nu kho mhacüketa mhodzü puo ngulietuo, puo vor ruosuo kechüu nu jashü kemochie themiako, mhacülie lhocü la. Sidi puo jakeshü sie nu kiepie kebako mhacütuo. Süla nnie tsie kholiecie, nnie puo ze kese mhailieketuo la.”