Mark 4:39 - Angami Naga CL (Re-edited) Bible (BSI)

³⁹ Sitse puo sierlie di teikhrieu kerhieshü di dzükezhau ki “Kemekrie zeitalie!” sishü. Sitse teikhrieu kemerie chü sa mo di la zeita.

Mark 4:39 Iomraidhean Croise

JOB LESHÜDAU 38:11

sidi, ‘No hanu ketso vorlie vi, derei petse sa philie lho; mu haki nu n bu kemiako ketuo chako khalietatuo,’ sishü die?

Chieliko 107:29

Puoe khriedi chü pebiewa, süla dzü rüpfhüko zeita.

Chieliko 148:8

Mi siro prü, pekrie mu thege; khriedi-e, puo dieko chü tseishü.

Chieliko 29:10

Jihovae dzüdi mhogei rei baya; Jihovae kechachie la kediu chü bate.

Chieliko 65:7

Dzükezhako pfhe, mu dzü rüpfhüko pfhe bie kemekriewayakezhau, tsiu themia bouübikecüko rei.

Chieliko 89:9

No dzükezha noupfhüu kekhaya; süu rüpfhü kesie ki no kekha zeiwaya.

Toukepra 14:16

N theu pie sieshülie, mu n dzie yhapie dzükezha mho shü di süu kho kezawalie, Israel nuonuoko bu dzükezha pfüthe di kijü keso nu philieketuo la.

Toukepra 14:22

Sidi Israelmiako bu kijü so di dzükezha metsuo nu philie, dzüko thuo uko zatsa mu uko vitsa sozha puo chülieta.

Mhasidie 8:29

puoe dzükezha bu puo die tseta motuoü die khakeshü ki, puoe kijüu bodeko dekeshü ki,

Jeremia 5:22

Nieko a prei mo me? Jihovae siya; Nieko a mhodzünu peta mo üme? A huocanyo pie dzükezha nu therie chüshü, kechachie nie süu pfüphalie kenjü; dzü thuo rüpfhü sie zorei, ukoe süu pfüphalie lho, uko pfhe kemerie chü zorei, ukoe süu tsepalie lho.

Thekrü 3:31

Kekreilamonyü Niepuue kechachie u khawalie lho.

Nahum 1:4

Puoe dzükezha kerhieshü sidi süu bie pesowaya, mu puoe kerü pete bie pesowa; Bashan mu Karmel rüwitaya, tsiu Lebanon pou rataya.

Mathi 8:26

Sitse puo uko ki, “Harie nie kepele ketsako nieko kiüdi michieya ga?” Sidi puo sielie di teikhrie mu dzükezha kechüshü; sitse la zeita.

Mark 4:38

Derei puo we rou sietsa nu tsükhe puo se di zezhü; sitse uko puo kesoulie di sie puo ki, “Kepethau, úko siatatuo ükezhü n noumeca mo me?”

Mark 9:25

Siro Jisu krodiu ta kewhuo vorkezhü ngu tse puo mesa kemo ruopfü süu ruo di sie puo ki, “Keliehuo mu nyievü ruopfüu, a n ki puya, no puo geinu pratacie, sidi mhakipuorei puo nou la le hiecie.”

LUK THUKESHÜ DIELIEKEVI 4:35

Derei Jisu puo kerhie di, “Kemekrie di puo geinu prataliecie!” Süki terhuokesuou themiau pfü kelhoupie uko mhodzünu zhüwa, derei puo bie kerüzawa mo di puo geinu prata.

LUK THUKESHÜ DIELIEKEVI 4:39

Süsie puo süpfü khieki phi di rukiu kerhieshü tse süpfü ruki mota. Sitse hapfü mhai sielie di uko lie chü merei bata.

LUK THUKESHÜ DIELIEKEVI 8:24

Süla uko puo ki vo puo kesou di sie, “Kepethau, Kepethau úko katatuoüzhie.” Sitse puo sier teikhrie tsiu dzükerüpfhüko ruoshü, sitse süko la zeita mu kemekrieta.