Mark 3:11 - Angami Naga CL (Re-edited) Bible (BSI)

¹¹ Siro mesa kemo ruopfüko kehoukipuorei puo ngu tse tsu puo mhodzünu zhülie di shiekhoui di sie, “No Kepenuopfü Nuou zo,” ita.

Mark 3:11 Iomraidhean Croise

Mathi 14:33

Süki rouu nu ketuoko vor puo rüsuo di sie, “No Ukepenuopfü Nuou ketho zo,” sita.

Mathi 4:3

Sitse kedokecüu vor di sie puo ki, “No Ukepenuopfü Nuou üro, ketsie hako ki pushü di uko bu niekhrüda meviliecie,” sita.

Mathi 4:6

di sie puo ki, “No Kepenuopfü Nuou üro, n thuo hageinu tetsucie; kekreilamonyü, ‘Puo n la puo dieliemia ketseshütuo;’ tsiu ‘Süko u dzie pie n mezalietuo, sidi n bu tsu ketsie geinu n phi zorei kesewa molietuo,’ icü thupie kezhü la.”

Mathi 8:29

Süki unie shiekhoui di, “No Kepenuopfü Nuou, hienie pie kedipuo chütieya ga? No puoteiu tso kemonu hienie pechütuoü hanu vorya me?” sita.

Mathi 8:31

sitse terhuokesuoko puo ki cha di, “No hie whuowatuo üliro, hie ketsepie thevo kro-u nu shücie.”

Mark 1:1

Ukepenuopfü Nuou Jisu Khrista, dieliekevi die therieu:

LUK THUKESHÜ DIELIEKEVI 4:41

Süki terhuokesuoko kekra rei ruorüi di, “No Kepenuopfü Nuou zo,” isi di mia kekra geinu prata. Siro puo terhuokesuoko kekhawa di süko bu die pu mvüta, kekreilamonyü süko puo üse Khrista zo ükecü siketa la.

LUK THUKESHÜ DIELIEKEVI 8:28

Süki puo Jisu ngu tse, shiekhoui di te puo mhodzünu tsuzhüta; mu shiekhoui di sie, “Jisu, Kerükrietho Kepenuopfü Nuou, no a ze kedipuo chü ta? A n ki a mezhiemeloyawe, no a pechü hiecie,” sita.

Mhakechüko 16:17

Süpfüe Paul hieko siemedzi shiekhoui di sie, “Themia hako Kerükrietho Kepenuopfü kituomia zo, kelakelie chau pie nieko ki puya.”

Korintmiako Kerieu 11:34

Nieko kehoukengukelie ki nie pejota molieketuo la, kehoupuorei merütaya üro, kinu nu mhacülietacie. Siro mha kekreiko la zowe a thuo vorkelie zenu pu kemecieshütuo.

Jakob 2:19

No rei Ukepenuopfü puo ba zo ücü peleya; süu vi zo. Terhuokesuoko rei süu peleya mu michie di pe baya.