Mark 2:2 - Angami Naga CL (Re-edited) Bible (BSI)

² Süla themia kekra vor kengulie di kikha ketso rei themia tha jü zota, mu puo dieu pie uko petha ba.

Mark 2:2 Iomraidhean Croise

Chieliko 40:9

A mechükehou kezha nu kemiatho dze pie zhapu chüshü; harie, a a tie kekha mo; harie, Jihova, no si ba.

Mathi 5:2

Sitse puo uko pethavü, di sie:

Mark 1:14

Siro mia Johan telieketa sie, Jisu Galil nu vor di Ukepenuopfü dieliekeviu pie mia petha,

Mark 1:33

Siro nadiu nu themia pete vor kitie nu kengu phrelie.

Mark 1:37

Sidi uko puo ngulie tse, puo ki, “Mia pete n pfhü tuotelie.”

Mark 1:45

Derei puo vo süu dze pu phi di, dieu pu keza tuota, süla Jisu bu rüna nu lelie suo di vo rüna khie tuota; mu mia lukihaki nu puo ki vorta.

Mark 2:1

Siro zha huoyo sie puo Kapernaum nu la vor, mu süki puo kinu ba ükecü mia silieta.

Mark 2:13

Süsie puo tuo dzükezha khieki vozhü ru themia krodi puo puo ki vorlie; sitse puo uko pethashü.

Mark 6:34

Siro Jisu dzükezha khie vozhü ru puo themia krodi ngu; sitse puo uko ngumezhieta, kekreilamonyü uko tekuo puo kepfhe kejü mhie tuokecü la; sidi puo mha kekra pupie uko pethashü.

LUK THUKESHÜ DIELIEKEVI 12:1

Süki mia soünyie krodi chü vor kengulie ru themia krathorta, süla uko huoniehuo phi kede zota, süki puo sie puoe pethakelieko ki, “Nieko Farisiko khreiu, süusü ketherakecüko la menuoliecie.

LUK THUKESHÜ DIELIEKEVI 5:17

Khunhie puo, puo mia petha keba ki, Farisiko mu thezhokepethako huo süki ba, (sükoe Galil, Judia mu Jerusalem rüna kheko nunu vor); mu mia chü keshürholieketuo Niepuu kekuo rei puo ze tuo.

LUK THUKESHÜ DIELIEKEVI 8:1

Süsie chaba kemonu puo napfünadiko tsiu socüsonuo kheko nu vo di Ukepenuopfü kedi dze dieliekeviu pupie mia petha; siro kerekenieko puo ze tuo;

LUK THUKESHÜ DIELIEKEVI 8:11

“Dieviu ca sü hau zo; tsiau sü Ukepenuopfü dieu zo.

Mhakechüko 11:19

Kepechü sier di Stefan dukhrikewa ki kepelemiako phruo kecürepie lukihaki keshü nu uko huomia Foinikia, Saipras mu Antiok nu vo di dieu pie Judako ki rübei pu.

Mhakechüko 14:25

Sidi unie Perga nu dieu pie pethakewa sie Atalia nu keta,

Mhakechüko 16:6

Kemesa Ruopfüe uko bu dieu pie Asia nu pu mvüketa la tuo Frigia mu Galatiako nu vota.

Mhakechüko 8:25

Sidi Pitor mu Johan unie Niepuu dieu zhapu chü siro pushükewa sie, unie Jerusalem nu la vortatuo ükezhü ki Samaria rüna kekra nu dieliekeviu pie pethashü.

Rommiako 10:8

Derei süu kedipuo puya ga? “Dieu n penuo ba zo, n tie nu mu n melou nu ba zo,” si. (Puoca, we se puyakezha kepele dieu zo);

Timothi Kenieu 4:2

Dieu pie petha ba zolie; puotei vi rei mo rei, shükhreshühie mu n teitsochü mia petha di mia rüchüpie mia bu lielie, kerhieshülie, mia chü kethepfushülie.