Mark 16:16 - Angami Naga CL (Re-edited) Bible (BSI)

¹⁶ Themia kehoupuorei pelelie di dzülupfükelieu kelalietuo; derei kehoupuorei pelelie kemo-u pejowatuo.

Mark 16:16 Iomraidhean Croise

Mathi 28:19

Süla tuo vo di seyie neiüko pete chüpie pethakeliemia chüliecie, Puou mu Nuou, mu Kemesa Ruopfüu za nunu süko dzülu khashü,

Mark 1:15

di sie, “Puotei sü tso bate, Ukepenuopfü kedi vor penuo bate, thenoukedilie di dieliekeviu peleliecie,” si.

LUK THUKESHÜ DIELIEKEVI 8:12

Cha nu tetsuketako liro dieu rünyülie, derei Satan vor di uko nou nu dieu seseketau zo, uko bu pelelie di kelalie moketuo la.

Johan 20:31

Derei mha hako thukelie nie bu Jisue Khristau, Ukepenuopfü Nuou ükecü pelelie mu puo pelelie di puo za nunu kerhei ngulieketuo la zo.

Johan 3:36

Kehoupuorei Nuou pelekelieu kechachie kerhei bate, kehoupuorei Nuou die ze kemo-u kerhei ngu lho, derei Kepenuopfü noupfhüu puo gei bataya.

Johan 3:5

Jisu sie, “A n ki pu toushütuo, dzü mu Ruopfü nunu penuo la kemosie miapuorei Ukepenuopfü kedi nu lekelie jü zo.

Johan 5:24

A nieko ki ketho-u puya, themia kehoupuorei a dieko rünyülie di a ketsekeshüu pelekeliemia kechachie kerhei bate, mu sümia pejoketuo ba sa mote, derei kesia cie kerhei nu prate.

Johan 6:29

Jisu uko die kela di sie, “Ukepenuopfü mhatho-u sü, nie bu puoe ketsekeshüu pelekelieu zo,” sishü.

Johan 6:35

Jisu sie uko ki, “A sü kerhei niekhrüdau zo. Themia kehoupuorei a ki kevormia merütalie lho, mu kehoupuorei a pelekezhamia terhüta lho zo.

Johan 6:40

Kekreilamonyü kehoupuorei Themia Nuou meho di puo pelekeliemia kechachie kerhei ngulieketuo a Puou medota zocü la; mu a thelanhie uko phoupie kerhei nu shülietuo,” sishü.

Johan 8:24

Süla a nieko nie kephouma nunu siataketuo pushüwate, süla nieko ae süu zo ükecü pelelie kemosie nieko nie kephouma nunu siata zotuo.”

Mhakechüko 10:43

Sizomonyü puo pelekelie khe puo za nunu kephouma valieketuo siedzekesiko pete rei puo zhapu chü vor zo.”

Mhakechüko 13:39

siro nie kehoupuorei Jisu pelekelie lanu Mosa zho-u nunu phreishülie kenjükecü kephouma pete phreishüwate.

Mhakechüko 13:46

Sirei Paul mu Barnaba unie die pu thepfukuo sa di, “Hie Ukepenuopfü dieu pie nieko ki pu rie morosuo; sirei nieko süu meliekegewa di nie thuo nie chüpie kechachie kerhei ngulie sü mo üketa la, hie tsie Judakemoko ki votazhie.

Mhakechüko 2:38

Pitor sie uko ki, “Thenoukedilie di nie kehoupuorei Jisu Khrista za nunu dzülupfü phrelie tse nie kephoumako valietuo; mu methuo khakeshü Kemesa Ruopfü mhaphruou nie ngulietuo.

Mhakechüko 2:41

Süla puo die u neikelie khe dzülupfülie, sidi sünhie mia nyie se mese uko salie.

Mhakechüko 22:16

Süla no tsie kiüdi pfhe ba zo ga? Sielie, di dzülupfülie mu puo za nu n mezhiemelo di n kephoumako khrüwalie,’ sita.

Rommiako 3:6

Suotuo! Siliro Ukepenuopfüe kikidi kijüu nyie kecü ta?

Rommiako 4:24

derei u la rei sa zo. We rei kesia nunu u Niepuu Jisu perheikelieu peleya liro, kepele la u üse miatho ülietuo,

Thesaloniako Kenieu 1:8

Miü kemeriekecü nu Ukepenuopfü si kemoko mu u Niepuu Jisu dieliekeviu die ze kemoko gei khepu lietuo.

Thesaloniako Kenieu 2:12

ketho-u pele mvü di miatho kemo u neiyakezhako pete pejowatuo.

Pitor Kerieu 1:21

Nie puo la kesia nunu puo kesoukelieu mu puo bu zayie chükelieu Ukepenuopfü pelelie, sidi nie kepele mu siedze rei Ukepenuopfü gei bate.

Pitor Kerieu 3:21

Süusü tsie nie kelashüyakezha dzülukepfü zasi puo thashü, nie chü nie mo geinu kerhuko khrükewau mo, derei nie noule puotou chü di phrapie Ukepenuopfü ketsüu mu süusü Jisu Khrista rheilasieketau la zo.

Pesikeshü 20:15

tsiu kehoupuorei u za thupie kerheiprü leshüda nu zhü kemoko kelhoupie mizieu nu shüwa.

Pesikeshü 21:8

Derei u melou kesuoko, kepele kejüko, rhuketako, mia kedukhriko, pierüüko, themouyakecüko, terhuorhi kerüsuoko, tsiu tijüyakezha pete lawe mi mu mitsie tu sei bayakezha mizieu zo, süusü kesia kenieu” isi.