Se n perhietuo üdi chükeshü rünyie puorei vilie kenjü, mu dienya nu n ze kenya kesie meü pete noe ti pejüwatuo. Hau Jihova kituoko kayieuwe, mu a kinu uko mezhü thokeshüuwe, Jihovae siya.
Sitse Ukepenuopfüe nie se morokesuo de kezie rei pie nie tsütuo, sidi nie bu mhakehoupuo nu rei nie la morokesuoko mu nie kelhuo chü di mhatho kevi khe chülietuo.
Kekreilamonyü we sü puo mhatho kro puo zo, mha kevi chünu di Khrista Jisu nunu u chüshü zo, Ukepenuopfü u bu kelhou süu se lhou tuonu di pedzüperie kesese tuote.
sitse nie Niepuu nei chü di lhoulie, puo nei puo medoko chü tseiütsolietuo, tsiu nie bu mhatho kevi neiüko nu nie si rüchülie mu Ukepenuopfü mhasi dzetsa vi kehielietuo.
Kehoupuorei a pukeshüko nu u thuo u chü kemesakeliemia, sümia chüpie therhukepfü, chü kemesakelie, ki niepuu bu se mhachülie kesü, mhatho kevi kheko la kese mhabouko chülietuo.
Puoe u kesuo kheko nunu u rhalie mu u khrü kemesapie puo thuo puo themia kro puo chülietuoü u bu mha kevi pete nu u rhiechülietuo üdi puo kelhou khashü.
Die hau ketho zo. A n bu mha hako putsa bakelie mengu, sitse Ukepenuopfü pele vorkelieko u khapie u terüchü di mhatho keviko chülietuo; mha hako vithor zo mu kehoupuo la rei kemevi ba.
mhakehoupuo nu rei nie chü pevi tseishülie, silie ro nie puo medo chülietuo, mu Jisu Khrista geinu nie gei puo mhinguki puo neiu chülie di kechachie Khrista bu zayie chükelieu chücie. Amen.
Nie Judakemoko donu nie zhorüli vi se di lhoulie, sidi mia nie üse kesuo kechümia üdi nie thaya rei, uko bu nie mhatho kevi ngu di Ukepenuopfü mia nyie pepituoü kevor nhie puo tshelie.